ഇ​ര​ട്ട​യാ​റി​ൽ വാ​ഹ​നപ​രി​ശോ​ധ​ന​യ്ക്കി​ടെ പോ​ലീ​സി​നെ ബൈ​ക്കിടി​ച്ചു തെ​റി​പ്പി​ച്ചു
Saturday, April 27, 2024 3:50 AM IST
ക​ട്ട​പ്പ​ന: ഇ​ര​ട്ട​യാ​റി​ൽ വാ​ഹ​ന പ​രി​ശോ​ധ​ന​യ്ക്കി​ടെ പോ​ലീ​സി​നെ യു​വാ​ക്ക​ൾ ബൈ​ക്ക് ഇ​ടി​ച്ചു തെ​റി​പ്പി​ച്ചു. തെ​ര​ഞ്ഞെ​ടു​പ്പു​മാ​യി ബ​ന്ധ​പ്പെ​ട്ട് ക​ട്ട​പ്പ​ന പോ​ലീ​സ് വ്യാ​ഴാ​ഴ്ച വൈ​കു​ന്നേ​രം ന​ട​ത്തി​യ വാ​ഹ​ന പ​രി​ശോ​ധ​നാ സ​മ​യ​ത്താ​ണ് ന​മ്പ​ർ പ്ലേ​റ്റി​ല്ലാ​ത്ത ര​ണ്ടു ബൈ​ക്കു​ക​ളി​ലാ​യി മൂ​ന്നുപേ​ർ ഇ​ര​ട്ട​യാ​ർ - തു​ള​സി​പ്പാ​റ റോ​ഡി​ലൂ​ടെ അ​മി​തവേ​ഗ​ത​യി​ൽ എ​ത്തി​യ​ത്.

വാ​ഹ​നം നി​ർ​ത്താ​ൻ പോ​ലീ​സ് കൈ ​കാ​ണി​ച്ചെ​ങ്കി​ലും ബൈ​ക്കു​മാ​യി ഇ​വ​ർ പാ​യു​ക​യാ​യി​രു​ന്നു. പോ​ലീ​സ് സം​ഘ​ത്തി​ലുണ്ടാ​യി​രു​ന്ന മ​നു പി. ​ജോ​ണി​നെ ഇ​ടി​ച്ചു​തെ​റി​പ്പി​ച്ചാ​ണ് ഇ​വ​ർ ര​ക്ഷ​പ്പെ​ടാ​ൻ ശ്ര​മി​ച്ച​ത്. മ​നു​വി​ന്‍റെ ഇ​രു​കൈ​ക​ൾ​ക്കും കാ​ലി​നും പ​രിക്കേ​റ്റു. സം​ഘ​ത്തി​ലു​ണ്ടാ​യി​രു​ന്ന ഒ​രാ​ളെ സം​ഭ​വ​സ്ഥ​ല​ത്തുത​ന്നെ പോ​ലീ​സ് പി​ടി​കൂ​ടി.

പു​ളി​യ​ൻ​മ​ല മ​ടു​ക്കോ​ലി​പ്പ​റ​മ്പി​ൽ ആ​സി​ഫ്(18) ആ​ണ് പി​ടി​യി​ലാ​യ​ത്. മ​റ്റു ര​ണ്ടു​പേ​രെ ഇ​ര​ട്ട​യാ​ർ ടൗ​ണി​ൽവ​ച്ചാ​ണ് പി​ടി​കൂ​ടി​യ​ത്. ന​മ്പ​ർ പ്ലേ​റ്റ് ഇ​ല്ലാ​ത്ത വാ​ഹ​ന​ത്തി​ൽ രാ​ത്രി സ​മ​യ​ങ്ങ​ളി​ൽ യു​വാ​ക്ക​ളു​ടെ സം​ഘം പ​ല​യി​ട​ങ്ങ​ളി​ലും ക​റ​ങ്ങി ന​ട​ക്കു​ന്ന​ത് പോ​ലീ​സി​ന്‍റെ ശ്ര​ദ്ധ​യി​ൽ​പ്പെ​ട്ടി​രു​ന്നു. തെ​ര​ഞ്ഞെ​ടു​പ്പു​മാ​യി ബ​ന്ധ​പ്പെ​ട്ട് അ​ക്ര​മസം​ഭ​വ​ങ്ങ​ൾ ഉ​ണ്ടാ​കാ​തി​രി​ക്കാ​ൻ പോ​ലീ​സ് പ​രി​ശോ​ധ​ന ന​ട​ത്തു​ന്ന​തി​നി​ടെ​യാ​ണ് മൂ​വ​ർസം​ഘം പി​ടി​യി​ലാ​യ​ത്.

ഇ​തി​ൽ ര​ണ്ടു​പേ​ർ പ്രാ​യ​പൂ​ർ​ത്തി​യാ​കാ​ത്ത​വ​രും ഒ​രാ​ൾ 18 വ​യ​സുകാ​ര​നു​മാ​ണ്. മു​മ്പ് ക​ട്ട​പ്പ​ന ടിബി ജം​ഗ്ഷ​നി​ൽ ക​ട്ട​പ്പ​ന എ​സ് ഐ​യെ ബൈ​ക്ക് ഇ​ടി​പ്പി​ക്കാ​ൻ ശ്ര​മി​ച്ച കേ​സി​ലെ പ്ര​തി സ​ഞ്ച​രി​ച്ചി​രു​ന്ന ബൈ​ക്കിന്‍റെ ഉ​ട​മ​യാ​ണ് പി​ടി​യി​ലാ​യ​വ​രി​ൽ ഒ​രാ​ൾ.

Copyright @ 2022 , Rashtra Deepika Ltd.