റോ​ഡി​ല്ലെ​ങ്കി​ൽ വോ​ട്ടി​ല്ല: കൊ​ച്ചുക​രി​മ്പ​നി​ലെ 65 കു​ടും​ബ​ങ്ങ​ൾ വോ​ട്ട് ബ​ഹി​ഷ്ക​രി​ച്ചു
Saturday, April 27, 2024 3:50 AM IST
ചെ​റു​തോ​ണി: റോ​ഡ് ന​ന്നാ​ക്കി​ക്കൊ​ടു​ക്കാ​ത്ത​തി​ൽ പ്ര​തി​ഷേ​ധി​ച്ച് കൊ​ച്ചുക​രി​മ്പ​നി​ൽ 65 കു​ടും​ബ​ങ്ങ​ൾ വോ​ട്ട് ബ​ഹി​ഷ്ക​രി​ച്ചു. ജ​ന​വാ​സം തു​ട​ങ്ങി അ​ര​നൂ​റ്റാ​ണ്ടു ക​ഴി​ഞ്ഞി​ട്ടും പ​ഴ​യ കൂ​പ്പുറോ​ഡി​ലൂ​ടെ സ​ഞ്ച​രി​ക്കു​ന്ന കൊ​ച്ചു​ക​രി​മ്പ​നി​ലു​ള്ള കു​ടും​ബ​ങ്ങ​ളാ​ണ് വോ​ട്ട് ബ​ഹി​ഷ്ക​രി​ച്ച​ത്. ഇ​വ​രു​ടെ ഏ​ക ആ​ശ്ര​യ​മാ​യ ഗ​വ. എ​ൽ​പി സ്കൂ​ൾ പ​ടി - സി​എ​സ്ഐ ച​ർ​ച്ച് - മി​ല്ലും​പ​ടി റോ​ഡാ​ണ് ര​ണ്ടു ത​ല​മു​റ ന​ട​ന്നു​തീ​ർ​ത്തി​ട്ടും ന​ന്നാ​ക്കാ​ത്ത​ത്.

കാ​ലാ​കാ​ല​ങ്ങ​ളി​ൽ തെ​ര​ഞ്ഞെ​ടു​പ്പു വ​രു​മ്പോ​ൾ സ്ഥാ​നാ​ർ​ഥിക​ൾ വാ​ഗ്ദാ​ന​വു​മാ​യെ​ത്തും. ജ​യി​ച്ചു ക​ഴി​ഞ്ഞാ​ൽ ഇ​വ​ർ തി​രി​ഞ്ഞുനോ​ക്കാ​റി​ല്ലെ​ന്നാ​ണ് ഇ​വ​രു​ടെ ആ​ക്ഷേ​പം. മൂ​ന്നു കി​ലോ​മീ​റ്റ​ർ ദൂ​രം വ​രു​ന്ന റോ​ഡ് ന​ന്നാ​ക്കി ടാ​ർ ചെ​യ്തു ത​ര​ണ​മെ​ന്നാ​വ​ശ്യ​പ്പെ​ട്ട് ക​യ​റി​യി​റ​ങ്ങാ​ത്ത ഓ​ഫീ​സു​ക​ളും കാ​ണാ​ത്ത ജ​ന​പ്ര​തി​നി​ധി​ക​ളു​മി​ല്ലെ​ന്ന് ഇ​വ​ർ പ​റ​യു​ന്നു.

മ​രി​യാ​പു​രം - വാ​ത്തി​ക്കു​ടി പ​ഞ്ചാ​യ​ത്തു​ക​ളെ ത​മ്മി​ൽ ബ​ന്ധി​പ്പി​ക്കു​ന്ന റോ​ഡുകൂ​ടി​യാ​ണി​ത്. ഈ ​വ​ർ​ഷം റോ​ഡി​നുവേ​ണ്ടി ജ​ന​കീ​യസ​മി​തി 35 ദി​വ​സ​മാ​ണ് നി​രാ​ഹാ​ര​സ​മ​രം ന​ട​ത്തി​യ​ത്. സ​മ​രം അ​വ​സാ​നി​പ്പി​ക്കാ​ൻ ജ​ന​പ്ര​തി​നി​ധി​ക​ൾ അ​ന്നു ന​ൽ​കി​യ വാ​ഗ്ദാ​ന​ങ്ങ​ളും പാ​ലി​ച്ചി​ല്ല. ഇ​തേത്തു​ട​ർ​ന്നാ​ണ് ലോ​ക്സ​ഭാ തെ​ര​ഞ്ഞെ​ടു​പ്പി​ൽ ഒ​രു സ്ഥാ​നാ​ർ​ഥിക്കും വോ​ട്ടു​ചെ​യ്യേ​ണ്ടെ​ന്നു കൊച്ചു​ക​രി​മ്പ​ൻ ജ​ന​കീ​യ സ​മി​തി തീ​രു​മാ​നി​ച്ച​ത്.

ക​ഴി​ഞ്ഞ രാ​ത്രി​യി​ലും രാ​ഷ്‌ട്രീയക​ക്ഷി​ക​ൾ വീ​ടു​വീ​ടാ​ന്ത​രം ക​യ​റി വോ​ട്ട് ചെ​യ്യ​ണ​മെ​ന്ന് ആ​വ​ശ്യ​പ്പെ​ട്ടെ​ങ്കി​ലും ഇ​വ​രു​ടെ ആ​വ​ശ്യം പ​രി​ഹ​രി​ക്കു​മെ​ന്ന് ആ​രും ഉ​റ​പ്പു ന​ൽ​കി​യി​രു​ന്നി​ല്ലെ​ന്നും സ​മ​ര​സ​മി​തി ഭാ​ര​വാ​ഹി​ക​ൾ പ​റ​ഞ്ഞു.

Copyright @ 2022 , Rashtra Deepika Ltd.