ക​ട​നാ​ട്: വീ​ട്ട​മ്മ​യ്ക്കു മ​ലേ​റി​യ സ്ഥി​രീ​ക​രി​ച്ച ക​ട​നാ​ട് പ​ഞ്ചാ​യ​ത്തി​ലെ മാ​ന​ത്തൂ​ര്‍ വാ​ര്‍​ഡി​ല്‍ ആ​രോ​ഗ്യ​വ​കു​പ്പ് ഉ​ദ്യോ​ഗ​സ്ഥ​ര്‍ കൂ​ടു​ത​ല്‍ പ​രി​ശോ​ധ​ന ന​ട​ത്തി​യെ​ങ്കി​ലും പ​രി​സ​ര​വാ​സി​ളി​ല്‍ ആ​ര്‍​ക്കും രോ​ഗം ക​ണ്ടെ​ത്തി​യി​ട്ടി​ല്ല. 52 പേ​രു​ടെ ര​ക്ത​സാ​മ്പി​ളു​ക​ളാ​ണ് പ​രി​ശോ​ധ​ന​യ്ക്ക് വി​ധേ​യ​മാ​ക്കി​യ​ത്.

കൊ​തു​കു​ജ​ന്യ രോ​ഗ​മാ​യ മ​ലേ​റി​യ​യെ തു​ര​ത്താ​ന്‍ പ്ര​ദേ​ശ​ത്തെ വീ​ടു​ക​ളി​ലും പ​രി​സ​ര​ങ്ങ​ളി​ലും ഇ​ന്ന​ലെ​യും ഐ​ആ​ര്‍​എ​സ് ഉ​ള്‍​പ്പെ​ടെ​യു​ള്ള കൊ​തു​കു ന​ശീ​ക​ര​ണ പ്ര​വ​ര്‍​ത്ത​ന​ങ്ങ​ള്‍ ന​ട​ത്തി. ഇ​ന്നു ഫീ​വ​ര്‍ സ​ര്‍​വെ ന​ട​ത്തും. ആ​രോ​ഗ്യ​പ്ര​വ​ര്‍​ത്ത​ക​രും ആ​ശാ വ​ര്‍​ക്ക​ര്‍​മാ​രും പ​ഞ്ചാ​യ​ത്ത് അ​ധി​കൃ​ത​രും നേ​തൃ​ത്വം ന​ല്‍​കു​മെ​ന്നു ഹെ​ല്‍​ത്ത് ഇ​ന്‍​സ്‌​പെ​ക്ട​ര്‍ മെ​ര്‍​ലി​ന്‍ ജോ​സ​ഫ് അ​റി​യി​ച്ചു.

കോ​ട്ട​യ​ത്തു നി​ന്നെ​ത്തി​യ മ​ലേ​റി​യ നി​യ​ന്ത്ര​ണ അ​ഥോ​റി​റ്റി അ​ധി​കൃ​ത​രും സ്ഥി​തി​ഗ​തി​ക​ള്‍ സൂ​ക്ഷ്മ​മാ​യി നി​രീ​ക്ഷി​ക്കു​ന്നു​ണ്ട്. ഇ​ന്ന​ലെ പ​ഞ്ചാ​യ​ത്ത് പ്ര​സി​ഡ​ന്‍റ് ജി​ജി ത​മ്പി​യു​ടെ അ​ധ്യ​ക്ഷ​ത​യി​ല്‍ ആ​രോ​ഗ്യ​പ്ര​വ​ര്‍​ത്ത​ക​രെ​യും ജ​ന​പ്ര​തി​നി​ധി​ക​ളെ​യും പ​ങ്കെ​ടു​പ്പി​ച്ചു പ​ഞ്ചാ​യ​ത്തി​ല്‍ അ​ടി​യ​ന്ത​ര യോ​ഗം ന​ട​ത്തു​ക​യും കൊ​തു​കു ന​ശീ​ക​ര​ണ പ്ര​വ​ര്‍​ത്ത​ന​ങ്ങ​ള്‍ ശ​ക്തി​പ്പെ​ടു​ത്താ​ന്‍ തീ​രു​മാ​നി​ക്കു​ക​യും ചെ​യ്തു.

മ​ലേ​റി​യ സ്ഥി​രീ​ക​രി​ച്ച മാ​ന​ത്തൂ​ര്‍ വാ​ര്‍​ഡി​ലെ പാ​ട്ട​ത്തി​പ്പ​റ​മ്പ് ഉ​ണ്ണി​ക്ക​നോ​ലി ഭാ​ഗ​ത്തെ രോ​ഗ​ബാ​ധി​ത​യു​ടെ വീ​ടു​പ​ണി​ക്ക് എ​ത്തി​യ ര​ണ്ട് അ​തി​ഥി​തൊ​ഴി​ലാ​ളി​ക​ളു​ടെ ര​ക്ത​സാ​മ്പി​ളു​ക​ളും ശേ​ഖ​രി​ച്ചി​രു​ന്നു. ഇ​വ​ര്‍​ക്കു രോ​ഗ​ബാ​ധ​യി​ല്ല. എ​ന്നാ​ല്‍ കൂ​ടു​ത​ല്‍ അ​തി​ഥി തൊ​ഴി​ലാ​ളി​ക​ള്‍ പ​ണി​ക്ക് എ​ത്തി​യി​രു​ന്നു.

ഇ​വ​ര്‍ അ​വ​ധി​ക്കു നാ​ട്ടി​ല്‍ പോ​യ​തി​നാ​ല്‍ സാ​മ്പി​ളു​ക​ള്‍ ശേ​ഖ​രി​ക്കാ​ന്‍ സാ​ധി​ച്ചി​ല്ല. ഇ​വ​രു​ടെ വീ​ടി​നു സ​മീ​പ​മു​ള്ള കൈ​ത തോ​ട്ട​ത്തി​ല്‍ പ​ണി​ക്കു വ​ന്നി​രു​ന്ന അ​തി​ഥി തൊ​ഴി​ലാ​ളി​ക​ളു​ടെ ര​ക്ത​സാ​മ്പി​ളു​ക​ളും പ​രി​ശോ​ധി​ക്കാ​ന്‍ സാ​ധി​ച്ചി​ല്ല. ഇ​വ​രും അ​വ​ധി ആ​ഘോ​ഷി​ക്കാ​ന്‍ നാ​ട്ടി​ല്‍ പോ​യി​രി​ക്കു​ക​യാ​ണ്. കൂ​ടാ​തെ ഇ​വ​രു​ടെ മേ​ല്‍​വി​ലാ​സ​വും ക​രാ​റു​കാ​ര​ന് അ​റി​യി​ല്ലെ​ന്നാ​ണ് ആ​രോ​ഗ്യ​പ്ര​വ​ര്‍​ത്ത​ക​രെ അ​റി​യി​ച്ചി​ട്ടു​ള്ള​ത്.

മൂ​വാ​റ്റു​പു​ഴ​യി​ല്‍ ക്യാ​മ്പു​ക​ളി​ല്‍ ക​ഴി​യു​ന്ന ഇ​വ​രെ ആ​വ​ശ്യ​പ്ര​കാ​രം എ​ത്തി​ച്ചു​ന​ല്‍​കു​ക​യാ​ണ് ചെ​യ്യു​ന്ന​തെ​ന്നു കൈ​ത കൃ​ഷി ന​ട​ത്തു​ന്ന​വ​ര്‍ പ​റ​ഞ്ഞു. മ​ലേ​റി​യ ബാ​ധ ത​ദ്ദേ​ശീ​യ​മാ​യി ഉ​ണ്ടാ​യ​താ​ണോ എ​ന്ന കാ​ര്യം പ​രി​ശോ​ധി​ച്ചു​വ​രി​ക​യാ​ണ് ആ​രോ​ഗ്യ​വ​കു​പ്പ് ഉ​ദ്യോ​ഗ​സ്ഥ​ര്‍.