കാ​ഞ്ഞി​ര​പ്പ​ള്ളി-​എ​രു​മേ​ലി റോ​ഡി​ൽ ഓ​വ​ർ​ടേ​ക്കിം​ഗി​ന് നി​രോ​ധ​നം
Monday, June 24, 2024 9:19 PM IST
കാ​ഞ്ഞി​ര​പ്പ​ള്ളി: ഇ​രു​പ​ത്താ​റാം​മൈ​ൽ-​എ​രു​മേ​ലി റോ​ഡി​ൽ ക​ഴി​ഞ്ഞ​ദി​വ​സം വി​ദ്യാ​ർ​ഥി​യു​ടെ മ​ര​ണ​ത്തി​നി​ട​യാ​ക്കി​യ മേ​ഖ​ല​യി​ൽ ഓ​വ​ർ​ടേ​ക്കിം​ഗ് നി​രോ​ധി​ക്കാ​ൻ ഉ​ദ്യോ​ഗ​സ്ഥ, ജ​ന​പ്ര​തി​നി​ധി സം​ഘം തീ​രു​മാ​ന​മെ​ടു​ത്തു. ഈ ​സം​ഘം ഈ ​മേ​ഖ​ല​യി​ൽ സ​ന്ദ​ർ​ശ​നം ന​ട​ത്തി​യ​തി​നു ശേ​ഷ​മാ​ണ് തീ​രു​മാ​നം പ്ര​ഖ്യാ​പി​ച്ച​ത്.

അ​പ​ക​ട​പ​ര​ന്പ​ര

സ്ഥി​രം അ​പ​ക​ട​മേ​ഖ​ല​യാ​കു​ന്ന​തു​കൂ​ടി ക​ണ​ക്കി​ലെ​ടു​ത്താ​ണ് ഇ​രു​പ​ത്താ​റാം​മൈ​ൽ മേ​രി​ക്വീ​ൻ​സ് ആ​ശു​പ​ത്രി ജം​ഗ്ഷ​ൻ മു​ത​ൽ കു​ള​പ്പു​റം ഒ​ന്നാം​മൈ​ൽ വ​രെ​യു​ള്ള ഭാ​ഗ​ത്ത് ഓ​വ​ർ ടേ​ക്കിം​ഗ് നി​രോ​ധി​ക്കാ​നു​ള്ള തീ​രു​മാ​നം.

ഇ​വി​ടെ നേ​ര​ത്തെ​യും വാ​ഹ​നാ​പ​ക​ട​ങ്ങ​ളി​ൽ ആ​ളു​ക​ൾ മ​രി​ക്കു​ന്ന സ്ഥി​തി ഉ​ണ്ടാ​യി​രു​ന്നു. മൂ​ന്നു​മാ​സ​ത്തി​നി​യി​ട​യി​ൽ മൂ​ന്നു പേ​രാ​ണ് ഇ​വി​ടെ മ​രി​ച്ച​ത്. കൂ​ടാ​തെ ചെ​റു അ​പ​ക​ട​ങ്ങ​ൾ വേ​റെ​യും. ഇ​തെ​ല്ലാം ക​ണ​ക്കി​ലെ​ടു​ത്താ​ണ് ഇ​വി​ടെ അ​പ​ക​ട​ങ്ങ​ൾ ഒ​ഴി​വാ​ക്കാ​നും സു​ര​ക്ഷി​ത​ത്വം ഉ​റ​പ്പു​വ​രു​ത്താ​നും സ്വീ​ക​രി​ക്കേ​ണ്ട ന​ട​പ​ടി​ക​ളെ​പ്പ​റ്റി ആ​ലോ​ചി​ക്കാ​ൻ ഉ​ദ്യോ​ഗ​സ്ഥ, ജ​ന​പ്ര​തി​നി​ധി സം​ഘം സ്ഥ​ലം സ​ന്ദ​ർ​ശി​ച്ച​തെ​ന്ന് സെ​ബാ​സ്റ്റ്യ​ൻ കു​ള​ത്തു​ങ്ക​ൽ എം​എ​ൽ​എ അ​റി​യി​ച്ചു.

മു​ന്ന​റി​യി​പ്പ്

ഓ​വ​ർ​ടേ​ക്കിം​ഗും വാ​ഹ​ന​ങ്ങ​ളു​ടെ അ​മി​ത​വേ​ഗ​വു​മാ​ണ് അ​പ​ക​ട​ങ്ങ​ൾ​ക്കു കാ​ര​ണ​മെ​ന്നാ​ണ് ഉ​ദ്യോ​ഗ​സ്ഥ സം​ഘ​ത്തി​ന്‍റെ ക​ണ്ടെ​ത്ത​ൽ. ഈ ​സാ​ഹ​ച​ര്യ​ത്തി​ൽ ഓ​വ​ർ​ടേ​ക്കിം​ഗ് നി​രോ​ധി​ക്കു​ന്ന​തു കൂ​ടാ​തെ, അ​പ​ക​ട​സാ​ധ്യ​താ മു​ന്ന​റി​യി​പ്പ് ബോ​ർ​ഡു​ക​ൾ, ഓ​വ​ർ​ടേ​ക്കിം​ഗ് നി​രോ​ധി​ച്ചു​ള്ള ബോ​ർ​ഡു​ക​ൾ എ​ന്നി​വ നി​ല​വി​ൽ സ്ഥാ​പി​ച്ചു​ക​ഴി​ഞ്ഞു. ഇ​വി​ടെ 30 കി​ലോ​മീ​റ്റ​റാ​യി വാ​ഹ​ന​ങ്ങ​ളു​ടെ വേ​ഗ​ത നി​ജ​പ്പെ​ടു​ത്തി​യി​ട്ടു​ണ്ട്. കൂ​ടാ​തെ സ്പീ​ഡ് കു​റ​യ്ക്കാ​ൻ പെ​യി​ന്‍റ് കൊ​ണ്ടു​ള്ള റം​മ്പി​ൾ സ്ട്രി​പ്പ് സ്ഥാ​പി​ക്കു​ന്ന​തി​ന് പു​റ​മേ ഓ​വ​ർ​ടേ​ക്കിം​ഗ്‌ നി​രോ​ധി​ച്ച് യെ​ല്ലോ ലൈ​നും റോ​ഡി​ൽ മാ​ർ​ക്ക് ചെ​യ്യു​മെ​ന്നും ഉ​ദ്യോ​ഗ​സ്ഥ​ർ അ​റി​യി​ച്ചു.

ബ്ലോ​ക്ക് പ​ഞ്ചാ​യ​ത്ത് പ്ര​സി​ഡ​ന്‍റ് അ​ജി​ത ര​തീ​ഷ്, പാ​റ​ത്തോ​ട് പ​ഞ്ചാ​യ​ത്ത് പ്ര​സി​ഡ​ന്‍റ് കെ.​കെ. ശ​ശി​കു​മാ​ർ, പൊ​തു​മ​രാ​മ​ത്ത് വി​ഭാ​ഗം എ​ക്സി​ക്യൂ​ട്ടി​വ് എ​ൻ​ജി​നി​യ​ർ ജോ​സ് രാ​ജ​ൻ, അ​സി​സ്റ്റ​ന്‍റ് എ​ക്സി​ക്യൂ​ട്ടി​വ് എ​ൻ​ജി​നി​യ​ർ​മാ​രാ​യ എ​ൽ. രാ​ഗി​ണി, വി​ഷ്ണു എം. ​പ്ര​കാ​ശ്, കാ​ഞ്ഞി​ര​പ്പ​ള്ളി എസ്ഐ ശാ​ന്തി കെ. ​ബാ​ബു, മോ​ട്ടോ​ർ വാ​ഹ​ന​വ​കു​പ്പ് എ​എം​വി​ഐ​മാ​രാ​യ ടി.​വി. അ​നി​യ​കു​മാ​ർ, വി​ജോ വി. ​ഐ​സ​ക്, പോ​ലീ​സ് ഉ​ദ്യോ​ഗ​സ്ഥ​ർ എ​ന്നി​വ​ർ സം​ഘ​ത്തി​ലു​ണ്ടാ​യി​രു​ന്നു.

നി​വേ​ദ​നം

അ​പ​ക​ട​ങ്ങ​ൾ വ​ർ​ധി​ക്കു​ന്ന സാ​ഹ​ച​ര്യ​ത്തി​ൽ റോ​ഡു​സൈ​ഡി​ൽ വീ​തി കൂ​ട്ടി ഇ​ന്‍റ​ർ​ലോ​ക്ക് ചെ​യ്യു​ന്ന​തി​നും നി​ല​വി​ലെ അ​പാ​ക​ത​ക​ൾ പ​രി​ഹ​രി​ക്കു​ന്ന​തി​നാ​യി അ​ടി​യ​ന്ത​ര ഇ​ട​പെ​ട​ലു​ക​ൾ ന​ട​ത്ത​ണ​മെ​ന്ന് ആ​വ​ശ്യ​പ്പെ​ട്ടു​കൊ​ണ്ട് വാ​ർ​ഡം​ഗം സി​ന്ധു മോ​ഹ​ന​ൻ പൊ​തു​മ​രാ​മ​ത്ത് വി​ഭാ​ഗ​ത്തി​ന് നി​വേ​ദ​ന​വും സ​മ​ർ​പ്പി​ച്ചു.

Copyright @ 2022 , Rashtra Deepika Ltd.