ഹ​രി​പ്പാ​ട്: സു​ബ്ര​ഹ്മ​ണ്യ​സ്വാ​മി ക്ഷേ​ത്ര​ത്തി​നു സ​മീ​പം ക​ട​യി​ൽനി​ന്ന യു​വാ​വി​നെ കു​ത്തി പ​രി​ക്കേ​ൽ​പ്പി​ച്ച പ്ര​തി പി​ടി​യി​ൽ. ഹ​രി​പ്പാ​ട് പ്ര​തി​മു​ഖം ജം​ഗ്ഷ​ന് വ​ട​ക്ക് വാ​ട​ക​യ്ക്കു താ​മ​സി​ക്കു​ന്ന വി​ഷ്ണു (23) വി​നാ​ണ് കു​ത്തേ​റ്റ​ത്. ​പ്ര​തി​യാ​യ വീ​യപു​രം പാ​യി​പ്പാ​ട് ക​ട​വി​ൽ വീ​ട്ടി​ൽ ഫാ​റൂ​ഖി​നെ (26) ഹ​രി​പ്പാ​ട് പോ​ലീ​സ് അ​റ​സ്റ്റ് ചെ​യ്തു.

ഇ​ന്ന​ലെ വൈ​കുന്നേരം അഞ്ചി നായിരു​ന്നു സം​ഭ​വം. അ​മി​ത​മാ​യി മ​ദ്യ​പി​ച്ചെ​ത്തി​യ ഫ​റൂ​ക്കും വി​ഷ്ണു​വും ത​മ്മി​ൽ വാ​ക്കേ​റ്റമുണ്ടാ​വു​ക​യും തു​ട​ർ​ന്ന് ഫാ​റൂ​ഖ് വി​ഷ്ണു​വി​നെ ക​ത്തി ഉ​പ​യോ​ഗി​ച്ച് കു​ത്തു​ക​യാ​യി​രു​ന്നു​വെ​ന്ന് പോ​ലീ​സ് പ​റ​ഞ്ഞു. വ​യ​റി​ന്‍റെ പി​ൻ​ഭാ​ഗ​ത്ത് കു​ത്തേ​റ്റ വി​ഷ്ണു​വി​നെ ഹ​രി​പ്പാ​ട് താ​ലൂ​ക്ക് ആ​ശു​പ​ത്രി​യി​ൽ എ​ത്തി​ക്കു​ക​യും തു​ട​ർ ചി​കി​ത്സ​യ്ക്കാ​യി വ​ണ്ടാ​നം മെ​ഡി​ക്ക​ൽ ആ​ശു​പ​ത്രി​യി​ൽ പ്ര​വേ​ശി​പ്പി​ക്കു​ക​യും ചെ​യ്തു.​

ഇ​രു​വ​രും ത​മ്മി​ലു​ണ്ടാ​യ പി​ടി​വ​ലിക്കി​ട​യി​ൽ ഫ​റൂ​ക്കി​ന്‍റെ കൈ​യ്ക്കും മു​റി​വു പ​റ്റി​യി​ട്ടു​ണ്ട്. ഫാ​റൂ​ഖ് ഹ​രി​പ്പാ​ട്, വി​യ​പു​രം സ്റ്റേ​ഷ​നു​ക​ളി​ലെ ക്രി​മി​ന​ൽ കേ​സു​ക​ളി​ലെ പ്ര​തി​യാ​ണെ​ന്നും പോ​ലീ​സ് പ​റ​ഞ്ഞു.