ചാ​ത്ത​ന്നൂ​ർ:​ തെ​രു​വു വി​ള​ക്കു​ക​ളു​ടെ കാ​ര്യ​ത്തി​ൽ വ​ൻ​തോ​തി​ൽ വൈ​ദ്യു​തി ദു​ർ​വ്യ​യം ചെ​യ്യ​പ്പെ​ടു​ന്നു​ണ്ടെ​ന്നും അ​ത് നി​യ​ന്ത്രി​ക്കാ​ൻ ന​ട​പ​ടി ഉ​ണ്ടാ​ക​ണ​മെ​ന്നും ചാ​ത്ത​ന്നൂ​ർ സി​റ്റി​സ​ൺ​സ് ഫാ​റം പ​ഞ്ചാ​യ​ത്ത് അ​ധി​കൃ​ത​രോ​ട് ആ​വ​ശ്യ​പ്പെ​ട്ടു.

തെ​രു​വു വി​ള​ക്കു​ക​ൾ പ​രി​പാ​ലി​ക്കു​ന്ന​തി​നും വൈ​ദ്യു​തി ചാ​ർ​ജി​നു​മാ​യി 2022 - 23- ൽ 30,57,533 ​രൂ​പ പ​ഞ്ചാ​യ​ത്തി​ന് ചെ​ല​വ​ഴി​ക്കേ​ണ്ടി വ​ന്നു. ന​ട​പ്പു വ​ർ​ഷ​ത്തേ​ക്ക് 75 ല​ക്ഷം രൂ​പ​യാ​ണ് നീ​ക്കി​വെ​ച്ചി​രി​ക്കു​ന്ന​ത്. സാ​ധാ​ര​ണ വി​ള​ക്കു​ക​ളേ​ക്കാ​ൾ വ​ലി​യ അ​ള​വി​ൽ വൈ​ദ്യു​തി ആ​വ​ശ്യ​മു​ള്ള ഹൈ​മാ​സ്റ്റ് വി​ള​ക്കു​ക​ൾ പ​ല​യി​ട​ത്തും സ്ഥാ​പി​ക്ക​പ്പെ​ട്ടി​ട്ടും സ​മീ​പ​ത്തു​ണ്ടാ​യി​രു​ന്ന വി​ള​ക്കു​ക​ൾ ഒ​ഴി​വാ​ക്ക​പ്പെ​ടാ​ത്ത​തു മൂ​ലം വ​ൻ​തോ​തി​ൽ വൈ​ദ്യു​തി ദു​ർ​വി​നി​യോ​ഗം ന​ട​ക്കു​ന്നു. 50 മീ​റ്റ​റി​നു​ള്ളി​ൽ മ​റ്റൊ​രു ഹൈ​മാ​സ്റ്റ് ലൈ​റ്റ് സ്ഥാ​പി​ക്കാ​ൻ പാ​ടി​ല്ലെ​ന്ന വ്യ​വ​സ്ഥ നി​ല​വി​ലു​ണ്ടെ​ങ്കി​ലും അ​തും അം​ഗീ​ക​രി​ക്ക​പ്പെ​ടു​ന്നി​ല്ല.

ന​ട്ടു​ച്ച നേ​ര​ത്തും ഹൈ​മാ​സ്റ്റ് ലൈ​റ്റു​ക​ൾ ക​ത്തി നി​ൽ​ക്കു​ന്ന കാ​ഴ്ച​യും അ​സാ​ധാ​ര​ണ​മ​ല്ല. നി​സം​ഗ​ത​യും അ​ലം​ഭാ​വ​വും വെ​ടി​ഞ്ഞ് വൈ​ദ്യു​തി​യു​ടെ ദു​ർ​വി​നി​യോ​ഗ​വും പൊ​തു ഫ​ണ്ടി​ന്‍റെ ധൂ​ർ​ത്തും അ​വ​സാ​നി​പ്പി​ക്ക​ണ​മെ​ന്ന് സി​റ്റി​സ​ൺ​സ് ഫാ​റം പ്ര​സി​ഡ​ന്‍റ് ജി. ​ദി​വാ​ക​ര​ൻ ആ​വ​ശ്യ​പ്പെ​ട്ടു.