കൃ​ഷി​നാ​ശം ര​ജി​സ്റ്റ​ർ ചെ​യ്യാ​ൻ ഓ​ൺ​ലൈ​ൻ സം​വി​ധാ​നം; ന​ഷ്ട​പ​രി​ഹാ​ര​ത്തി​ന്‍റെ കാ​ര്യ​ത്തി​ൽ മെ​ല്ലെ​പ്പോ​ക്ക്
Tuesday, February 20, 2024 7:57 AM IST
കാ​സ​ർ​ഗോ​ഡ്: വ​ര​ൾ​ച്ച മു​ത​ൽ കാ​ല​വ​ർ​ഷം വ​രെ​യു​ള്ള കാ​ര​ണ​ങ്ങ​ൾ കൊ​ണ്ട് കൃ​ഷി​നാ​ശം സം​ഭ​വി​ച്ചാ​ൽ ന​ഷ്ട​പ​രി​ഹാ​രം കി​ട്ടാ​ൻ കൃ​ഷി ഓ​ഫീ​സു​ക​ൾ ക​യ​റി​യി​റ​ങ്ങി ന​ട​ക്കേ​ണ്ട ബു​ദ്ധി​മു​ട്ട് ഇ​നി ക​ർ​ഷ​ക​ർ​ക്കു​ണ്ടാ​വി​ല്ലെ​ന്നു പ​റ​ഞ്ഞാ​ണ് സ​ർ​ക്കാ​ർ ഓ​ൺ​ലൈ​ൻ സം​വി​ധാ​നം കൊ​ണ്ടു​വ​ന്ന​ത്.

സ​ർ​ക്കാ​രി​ന്‍റെ അ​ഗ്രി​ക്ക​ൾ​ച്ച​റ​ൽ ഇ​ൻ​ഫ​ർ​മേ​ഷ​ൻ മാ​നേ​ജ്മെ​ന്‍റ് സി​സ്റ്റ (എ​യിം​സ്) ത്തി​ൽ പേ​രും മ​റ്റു വി​വ​ര​ങ്ങ​ളും ര​ജി​സ്റ്റ​ർ ചെ​യ്ത ക​ർ​ഷ​ക​ർ കൃ​ഷി​നാ​ശ​വു​മാ​യി ബ​ന്ധ​പ്പെ​ട്ട വി​വ​ര​ങ്ങ​ൾ രേ​ഖ​പ്പെ​ടു​ത്തി​യാ​ൽ മാ​ത്രം മ​തി. ഉ​ട​ൻ​ത​ന്നെ കൃ​ഷി​വ​കു​പ്പ് ഉ​ദ്യോ​ഗ​സ്ഥ​ർ നേ​രി​ട്ടെ​ത്തി കൃ​ഷി​യി​ടം പ​രി​ശോ​ധി​ച്ച് ന​ഷ്ട​പ​രി​ഹാ​രം നി​ർ​ണ​യി​ക്കും.

കേ​ൾ​ക്കു​മ്പോ​ൾ ആ​ശ്വാ​സ​മു​ള്ള കാ​ര്യ​മാ​ണ്. പ​ക്ഷേ ജി​ല്ല​യി​ൽ ക​ഴി​ഞ്ഞ ര​ണ്ടു​വ​ർ​ഷ​ത്തി​നു​ള്ളി​ൽ കൃ​ഷി​നാ​ശ​വു​മാ​യി ബ​ന്ധ​പ്പെ​ട്ട് 2908 അ​പേ​ക്ഷ​ക​ളാ​ണ് എ​യിം​സ് പോ​ർ​ട്ട​ലി​ൽ ല​ഭി​ച്ച​ത്. ഇ​തി​ൽ 2371 അ​പേ​ക്ഷ​ക​ൾ കൃ​ഷി​വ​കു​പ്പ് ഉ​ദ്യോ​ഗ​സ്ഥ​ർ പ​രി​ശോ​ധി​ച്ച് ന​ഷ്ട​പ​രി​ഹാ​രം ന​ല്കാ​ൻ ശു​പാ​ർ​ശ ചെ​യ്യു​ക​യും ചെ​യ്തു. പ​ക്ഷേ ന​ഷ്ട​പ​രി​ഹാ​രം മാ​ത്രം ആ​ർ​ക്കും ഇ​തു​വ​രെ കി​ട്ടി​യി​ല്ല. അ​ക്കൗ​ണ്ടി​ൽ വ​ന്നി​ട്ടു​ണ്ടോ​യെ​ന്നു നോ​ക്കി പ​ല​വ​ട്ടം ബാ​ങ്ക് ക​യ​റി​യി​റ​ങ്ങി​യ​തു മാ​ത്രം മി​ച്ചം.


എ​യിം​സ് പോ​ർ​ട്ട​ലി​ൽ നി​ന്നു​ള്ള വി​വ​ര​ങ്ങ​ൾ പ്ര​കാ​രം ജി​ല്ല​യി​ൽ മാ​ത്രം 2022 മാ​ർ​ച്ച് മു​ത​ൽ ഈ ​വ​ർ​ഷം വ​രെ 2371 ക​ർ​ഷ​ക​രു​ടെ അ​പേ​ക്ഷ​ക​ളി​ലാ​യി 1.15 കോ​ടി​യോ​ളം രൂ​പ​യാ​ണ് ന​ഷ്ട​പ​രി​ഹാ​ര​മാ​യി ശു​പാ​ർ​ശ ചെ​യ്ത​ത്. ഇ​തി​ൽ 1.06 കോ​ടി രൂ​പ​യും സം​സ്ഥാ​ന സ​ർ​ക്കാ​രി​ൽ നി​ന്നം ല​ഭി​ക്കേ​ണ്ട വി​ഹി​ത​മാ​ണ്. 9.43 ല​ക്ഷം രൂ​പ കേ​ന്ദ്ര​സ​ർ​ക്കാ​രി​ൽ നി​ന്നും. ഒ​ന്നും ഇ​തു​വ​രെ ല​ഭി​ച്ചി​ട്ടി​ല്ല.

റ​ബ​ർ, ക​മു​ക്, തെ​ങ്ങ്, കു​രു​മു​ള​ക്, വാ​ഴ, നെ​ല്ല്, ക​ശു​മാ​വ്, പ്ലാ​വ്, ക​പ്പ, പ​ച്ച​ക്ക​റി കൃ​ഷി എ​ന്നി​വ​യു​മാ​യെ​ല്ലാം ബ​ന്ധ​പ്പെ​ട്ട് ന​ഷ്ട​പ​രി​ഹാ​രം അ​നു​വ​ദി​ക്കാ​ൻ ശു​പാ​ർ​ശ ചെ​യ്തി​ട്ടു​ണ്ട്. വ​ര​ൾ​ച്ച, വേ​ന​ൽ​മ​ഴ, കാ​ല​വ​ർ​ഷം, കാ​ലാ​വ​സ്ഥാ​മാ​റ്റം, രോ​ഗ​ബാ​ധ തു​ട​ങ്ങി​യ കാ​ര​ണ​ങ്ങ​ളാ​ലാ​ണ് കൃ​ഷി​നാ​ശം സം​ഭ​വി​ച്ച​ത്. കൃ​ഷി​വ​കു​പ്പ് ത​ന്നെ എ​ല്ലാം സ​മ്മ​തി​ക്കു​മ്പോ​ഴും ന​ഷ്ട​പ​രി​ഹാ​ര​ത്തു​ക മാ​ത്രം കി​ട്ടു​ന്നി​ല്ലെ​ന്ന​താ​ണ് ക​ർ​ഷ​ക​ർ​ക്കു മു​ന്നി​ലു​ള്ള യാ​ഥാ​ർ​ഥ്യം.

Copyright @ 2022 , Rashtra Deepika Ltd.