കാ​സ​ര്‍​ഗോ​ഡെ​ന്താ കു​പ്പ​ത്തൊ​ട്ടി​യോ ?
Thursday, May 25, 2023 1:02 AM IST
സ്വ​ന്തം ലേ​ഖ​ക​ന്‍

കാ​സ​ര്‍​ഗോ​ഡ്: 'കൂ​ടു​ത​ല്‍ ക​ളി​ച്ചാ​ല്‍ ത​ന്നെ കാ​സ​ര്‍​ഗോ​ഡേ​ക്ക് സ്ഥ​ലം​മാ​റ്റും' എ​ന്ന സി​നി​മാ ഡ​യ​ലോ​ഗ് ആ​വ​ര്‍​ത്ത​ന​വി​ര​സ​ത കാ​ര​ണം ജ​ന​ങ്ങ​ള്‍​ക്ക് മ​ടു​ത്തെ​ന്ന കാ​ര്യം സി​നി​മാ​ക്കാ​ര്‍​ക്ക് പോ​ലും ബോ​ധ്യ​മാ​യെ​ങ്കി​ലും ഭ​ര​ണാ​ധി​കാ​രി​ക​ള്‍ ഈ ​പ്ര​വൃ​ത്തി ഇ​പ്പോ​ഴും തു​ട​ര്‍​ന്നു​കൊ​ണ്ടി​രി​ക്കു​ക​യാ​ണ്.
കു​റ്റാ​രോ​പി​ത​രാ​യ പോ​ലീ​സു​കാ​രെ സ്ഥ​ലം​മാ​റ്റാ​നു​ള്ള ഇ​ട​മാ​യാണ് ഉദ്യോഗസ്ഥ-ഭരണവർഗങ്ങൾ ഇപ്പോഴും കാ​സ​ര്‍​ഗോ​ഡി​നെ കാ​ണു​ന്നത്. ഇ​തി​നെ​തി​രെ സാ​മൂ​ഹ്യ​മാ​ധ്യ​മ​ങ്ങ​ളി​ലൂ​ടെ​യും മ​റ്റും വ്യാ​പ​ക​മാ​യ പ്ര​തി​ഷേ​ധ​മു​യ​രു​ന്നു​ണ്ടെ​ങ്കി​ലും അ​ധി​കാ​രി​ക​ള്‍ ഇ​തൊ​ന്നും ക​ണ്ടി​ല്ലെ​ന്ന് ന​ട​ക്കു​ക​യാ​ണ് പ​തി​വ്. ക​ഴി​ഞ്ഞ​ദി​വ​സം എ​റ​ണാ​കു​ളം തോ​പ്പും​പ​ടി​യി​യി​ല്‍ യു​വാ​വി​നെ വാ​ഹ​ന​മി​ടി​ച്ചു​വീ​ഴ്ത്തി നി​ര്‍​ത്താ​തെ പോ​യ സം​ഭ​വ​ത്തി​ലെ പ്ര​തി ക​ട​വ​ന്ത്ര ഇ​ന്‍​സ്പെ​ക്ട​ര്‍ ജി.​പി.​മ​നു​രാ​ജി​നെ ച​ന്തേ​ര പോ​ലീ​സ് സ്റ്റേ​ഷ​നി​ലേ​ക്ക് സ്ഥ​ലം​മാ​റ്റി​യ ന​ട​പ​ടി, ഈ ​പ​തി​വ് ഇ​നി​യും തു​ട​രു​മെ​ന്ന സൂ​ച​ന​യാ​ണ് ന​ല്‍​കു​ന്ന​ത്.
ഇ​ത്ത​ര​ത്തി​ല്‍ ശി​ക്ഷാ​ന​ട​പ​ടി​യു​ടെ ഭാ​ഗ​മാ​യി മ​റ്റു ജി​ല്ല​യി​ല്‍ നി​ന്നും സ്ഥ​ലം​മാ​റി​വ​ന്ന പോ​ലീ​സ് ഉ​ദ്യോ​ഗ​സ്ഥ​നെ ഈ ​വ​ര്‍​ഷ​മാ​ണ് സ​ര്‍​വീ​സി​ല്‍ നി​ന്നു ത​ന്നെ പി​രി​ച്ചു​വി​ട്ട​ത്. ഔ​ദ്യോ​ഗി​ക പ​ദ​വി ദു​രു​പ​യോ​ഗം ചെ​യ്ത് പ​രാ​തി​ക്കാ​രി​ക്കെ​തി​രെ ലൈം​ഗി​കാ​തി​ക്ര​മം ന​ട​ത്തി​യ കാ​സ​ര്‍​ഗോ​ഡ് ക്രൈം​ബ്രാ​ഞ്ച് ഇ​ന്‍​സ്‌​പെ​ക്ട​ര്‍ ആ​ർ.​ശി​വ​ശ​ങ്ക​ര​നെ​യാ​ണ് സ​ര്‍​വീ​സി​ല്‍ നി​ന്നും പു​റ​ത്താ​ക്കി​യ​ത്. പാ​ല​ക്കാ​ട് ജോ​ലി​ചെ​യ്യ​വേ അ​ന​ധി​കൃ​ത സ്വ​ത്ത് സ​മ്പാ​ദ​നം, നി​ര​പ​രാ​ധി​ക​ളെ കേ​സി​ല്‍​പ്പെ​ടു​ത്ത​ൽ, അ​ന​ധി​കൃ​ത​മാ​യി അ​തി​ക്ര​മി​ച്ച് ക​ട​ക്ക​ല്‍ തു​ട​ങ്ങി​യ കേ​സു​ക​ളി​ലും പ്ര​തി​യാ​യി​രു​ന്നു ശി​വ​ശ​ങ്ക​ര​ൻ. 2006 മു​ത​ല്‍ വി​വി​ധ അ​ച്ച​ട​ക്ക​ന​ട​പ​ടി​ക​ളു​ടെ ഭാ​ഗ​മാ​യി നാ​ലു​ത​വ​ണ സ​സ്‌​പെ​ന്‍​ഷ​നി​ല്‍ ആ​വു​ക​യും 11 ത​വ​ണ വ​കു​പ്പു​ത​ല ന​ട​പ​ടി​ക​ള്‍​ക്ക് വി​ധേ​യ​നാ​വു​ക​യും ചെ​യ്തി​ട്ടു​ണ്ട്. സ​ര്‍​വീ​സി​ന്‍റെ അ​വ​സാ​ന​കാ​ല​ത്താ​ണ് ശി​ക്ഷാ​ന​ട​പ​ടി​യാ​യി കാ​സ​ര്‍​ഗോ​ട്ടേ​ക്ക് സ്ഥ​ലം​മാ​റ്റി​യ​ത്. ശി​ക്ഷാ​ന​ട​പ​ടി​ക​ള്‍ പ​ല​ത​വ​ണ നേ​രി​ട്ടി​ട്ടും ഈ ​ഉ​ദ്യോ​ഗ​സ്ഥ​ന്‍ തു​ട​ര്‍​ച്ച​യാ​യി ഇ​ത്ത​രം കേ​സു​ക​ളി​ല്‍ പ്ര​തി​യാ​കു​ക​യും സ്വ​ഭാ​വ​ദൂ​ഷ്യം തു​ട​രു​ക​യും ചെ​യ്ത​തി​നാ​ല്‍ പോ​ലീ​സി​ല്‍ തു​ട​രാ​ന്‍ യോ​ഗ്യ​ന​ല്ലെ​ന്നു ക​ണ്ടെ​ത്തി​യാ​ണ് ന​ട​പ​ടി​യെ​ടു​ത്ത​ത്.
2021 ഓ​ഗ​സ്റ്റ് 26ന് ​കൊ​ച്ചി​യി​ല്‍ 11 കോ​ടി​യു​ടെ മ​യ​ക്കു​മ​രു​ന്ന് പി​ടി​ച്ച കേ​സ് അ​ട്ടി​മ​റി​ച്ച എ​ക്സൈ​സ് സി​ഐ ബി​നോ​ജി​നെ കാ​സ​ര്‍​ഗോ​ഡേ​ക്ക് സ്ഥ​ലം​മാ​റ്റി​യു​ള്ള ഉ​ത്ത​ര​വ് ഏ​റെ വി​വാ​ദ​മാ​യി​രു​ന്നു. പ്ര​തി​ഷേ​ധം ശ​ക്ത​മാ​യ​തി​നെ​ത്തു​ട​ര്‍​ന്ന് സ​ര്‍​ക്കാ​ര്‍ സ്ഥ​ലം​മാ​റ്റ ന​ട​പ​ടി​യി​ല്‍ നി​ന്നും പി​ന്മാ​റു​ക​യാ​യി​രു​ന്നു. 2016ല്‍ ​തൃ​ശൂ​ര്‍ പാ​ലി​യേ​ക്ക​ര​യി​ല്‍ കാ​ര്‍ യാ​ത്രി​ക​രോ​ട് മോ​ശ​മാ​യി പെ​രു​മാ​റി​യ ചാ​ല​ക്കു​ടി ഡി​വൈ​എ​സ്പി കെ.​കെ.​ര​വീ​ന്ദ്ര​നെ കാ​സ​ര്‍​ഗോ​ഡ് ക്രൈം ​ഡി​റ്റാ​ച്ച്മെ​ന്‍റി​ലേ​ക്ക് സ്ഥ​ലം​മാ​റ്റി​യ സം​ഭ​വ​വും ഏ​റെ വി​വാ​ദം സൃ​ഷ്ടി​ച്ചി​രു​ന്നു.
Copyright @ 2022 , Rashtra Deepika Ltd.