നി​രീ​ക്ഷ​ണം ശ​ക്ത​മാ​ക്കി വെ​ബ് കാ​സ്റ്റിം​ഗ് ക​ണ്‍​ട്രോ​ൾ റൂം
Thursday, April 11, 2024 6:00 AM IST
ക​ൽ​പ്പ​റ്റ: ലോ​ക്സ​ഭാ തെ​ര​ഞ്ഞെ​ടു​പ്പി​ന്‍റെ ഭാ​ഗ​മാ​യി ജി​ല്ല​യി​ൽ നി​രീ​ക്ഷ​ണം ശ​ക്ത​മാ​ക്കി വെ​ബ്കാ​സ്റ്റിം​ഗ് ക​ണ്‍​ട്രോ​ൾ റൂം. ​വി​വി​ധ ചെ​ക്ക് പോ​സ്റ്റു​ക​ളി​ലാ​യി 22 കാ​മ​റ​ക​ളാ​ണ് നി​രീ​ക്ഷ​ണ​ത്തി​നാ​യി സ്ഥാ​പി​ച്ച​ത്.

പ​രി​ശോ​ധ​ന​ക​ൾ​ക്കാ​യു​ള്ള ഫ്ലൈ​യിം​ഗ് സ്ക്വാ​ഡ് വാ​ഹ​ന​ങ്ങ​ളി​ൽ 15 ഉം ​സ്റ്റാ​റ്റി​ക് സ​ർ​വൈ​ല​ൻ​സ് വാ​ഹ​ന​ങ്ങ​ളി​ൽ 11 ഉം ​മൂ​ന്ന് മ​ണ്ഡ​ല​ങ്ങ​ളി​ലെ പ​രി​ശീ​ല​ന കേ​ന്ദ്ര​ങ്ങ​ളി​ൽ 24 ഉം ​മൂ​ന്ന് സ്ട്രോം​ഗ് റൂ​മു​ക​ളി​ലാ​യി 34 കാ​മ​റ​ക​ൾ ഉ​ൾ​പ്പ​ടെ 116 കാ​മ​റ​ക​ളാ​ണ് വെ​ബ്കാ​സ്റ്റിം​ഗി​ന്‍റെ ഭാ​ഗ​മാ​യി ജി​ല്ല​യി​ൽ സ്ഥാ​പി​ച്ച​ത്. സ്ക്വാ​ഡു​ക​ളു​ടെ പ​രി​ശോ​ധ​ന, സ്ട്രോം​ഗ് റൂം, ​ട്രെ​യി​നിം​ഗ് സെ​ന്‍റ​ർ എ​ന്നി​വ​യു​ടെ പ്ര​വ​ർ​ത്ത​ന​ങ്ങ​ൾ അ​ഞ്ച് പേ​ര​ട​ങ്ങു​ന്ന ടീം ​നി​രീ​ക്ഷി​ക്കും.

വെ​ബ് കാ​സ്റ്റിം​ഗി​ലെ സാ​ങ്കേ​തി​ക പ്ര​ശ്ന​ങ്ങ​ൾ പ​രി​ഹ​രി​ക്കാ​ൻ ബി​എ​സ്എ​ൻ​എ​ൽ ഉ​ദ്യോ​ഗ​സ്ഥ​രെ നി​യോ​ഗി​ച്ചി​ട്ടു​ണ്ട്. ക​ള​ക്ട​റേ​റ്റ് ആ​സു​ത്ര​ണ ഭ​വ​നി​ലെ എ​പി​ജെ ഹാ​ളി​ൽ സ​ജ്ജ​മാ​ക്കി​യ 24 മ​ണി​ക്കൂ​ർ പ്ര​വ​ർ​ത്തി​ക്കു​ന്ന ക​ണ്‍​ട്രോ​ൾ റൂം ​ജി​ല്ലാ ക​ള​ക്ട​ർ ഡോ.​രേ​ണു​രാ​ജ് ഉ​ദ്ഘാ​ട​നം ചെ​യ്തു.

പ​രി​പാ​ടി​യി​ൽ മാ​ന​ന്ത​വാ​ടി നി​യോ​ജ​ക മ​ണ്ഡ​ലം അ​സി​സ്റ്റ​ന്‍റ് റി​ട്ടേ​ണിം​ഗ് ഓ​ഫീ​സ​റും സ​ബ് ക​ള​ക്ട​റു​മാ​യ മി​സ​ൽ സാ​ഗ​ർ ഭ​ര​ത്, എം​സി​സി നോ​ഡ​ൽ ഓ​ഫീ​സ​റും എ​ഡി​എം കൂ​ടി​യാ​യ കെ. ​ദേ​വ​കി, തെ​ര​ഞ്ഞ​ടു​പ്പ് വി​ഭാ​ഗം ഡെ​പ്യൂ​ട്ടി ക​ള​ക്ട​ർ എ​ൻ.​എം. മെ​ഹ്റ​ലി തുടങ്ങിയ​വ​ർ പ​ങ്കെ​ടു​ത്തു.