കേരള സോഷ്യല്‍വര്‍ക്ക് സ്റ്റുഡന്‍റ്സ് കോണ്‍ഗ്രസ് സംസ്ഥാന സമ്മേളനം
1467760
Saturday, November 9, 2024 7:10 AM IST
തിരുവനന്തപുരം: കേരള സോഷ്യല്‍ വര്‍ക്ക് സ്റ്റുഡന്‍റ്സ് കോണ്‍ഗ്രസ് ഒമ്പതാമത് സംസ്ഥാന സമ്മേളനം കേരള സംസ്ഥാന സാമൂഹ്യ നീതി ഡയക്ടര്‍ ജി. പ്രിയങ്ക ഉദ്ഘാടനം നിര്‍വഹിച്ചു.
ലയോള കോളജ് ഓഫ് സോഷ്യല്‍ സയന്‍സസ് (ഓട്ടോണോമസ്) പ്രിന്‍സിപ്പല്‍ റവ.ഡോ. സാബു പി.തോമസ് അധ്യക്ഷത വഹിച്ചു. ഡോ. സാബു പി.തോമസ്, ജി. പ്രിയങ്കയ്ക്ക് മൊമന്‍റോ നല്‍കി ആദരിച്ചു. കേരള അസോസിയേഷന്‍ ഓഫ് പ്രഫഷണല്‍ സോഷ്യല്‍ വര്‍ക്കേഴ്‌സ് സംസ്ഥാന പ്രസിഡന്‍റ് ഡോ. ചെറിയാന്‍ പി.കുര്യന്‍ മുഖ്യപ്രഭാഷണം നടത്തി.
കെഎപിഎസ് സംസ്ഥാന വര്‍ക്കിംഗ് പ്രസിഡന്‍റ് ഡോ. എംപി ആന്‍റണി, കെഎപിഎസ് വൈസ്പ്രസിഡന്‍റ് ദ്വീലിപ് കുമാര്‍, കെഎപിഎസ് ബോഡി മെമ്പര്‍ അമൃത, കെഎപിഎസ് പ്രസിഡന്‍റ് സ്റ്റുഡന്‍സ് കോഡിനേറ്റര്‍ മനു എം. മാത്യു, ഡോ. വിന്‍സന്‍റ് അലക്‌സ് എന്നിവര്‍ പ്രസംഗിച്ചു.