കേരള സോഷ്യൽ വർക്ക് സ്റ്റുഡൻസ് കോൺഗ്രസ് സംസ്ഥാന സമ്മേളനവും മത്സരങ്ങളും ഇന്ന്

തിരുവനന്തപുരം: കേരള സോഷ്യൽ വർക്ക് സ്റ്റുഡൻസ് കോൺഗ്രസ് ഒമ്പതാമത് സംസ്ഥാന സമ്മേളനവും മത്സരങ്ങളും ഇന്ന് ലയോള കോളേജിൽ നടക്കും. തിരുവനന്തപുരം ലയോള കോളജ് ഓഫ് സോഷ്യൽ സയൻസസ് (ഓട്ടോണോമസ്) പ്രിൻസിപ്പൽ റവ. ഡോ. സാബു പി. തോമസ് അധ്യക്ഷത വഹിക്കുന്ന യോഗം സംസ്ഥാന സാമൂഹ്യ നീതി വകുപ്പ് ഡയറക്ടർ ജി. പ്രിയങ്ക ഉദ്ഘാടനം നിർവഹിക്കും. കെഎപിഎസ് സംസ്ഥാന പ്രസിഡന്‍റ് ഡോ. ചെറിയാൻ പി. കുര്യൻ മുഖ്യപ്രഭാഷണം നടത്തും.

സ്റ്റുഡൻസ് ഫോറം പ്രതിനിധികളായ ടോണി സെബാസ്റ്റ്യൻ, മനു എം. മാത്യു, ജോയൽ സോണ, അഞ്ചു അലക്സാണ്ടർ, രശ്മി സാബു എന്നിവർ നേതൃത്വം നൽകുന്ന വിദ്യാർഥി കോൺഗ്രസിൽ ലയോള കോളജ് സോഷ്യൽ വർക്ക് വകുപ്പ് മേധാവി ഡോ. പി.എക്സ്. ഫ്രാൻസിന, കെഎപിഎസ് സംസ്ഥാന വർക്കിംഗ് പ്രസിഡന്‍റ് ഡോ. എം.പി. ആന്‍റണി,

ഐഎൻപിഎസ് ഡബ്ലിയുഎ ദേശീയ സെക്രട്ടറി ജനറൽ ഡോ. ഐപ്പ് വർഗീസ്, എം.ബി. ദിലീപ് കുമാർ, രാകേഷ് ചന്ദ്രൻ, ജി.എസ്. അമൃത, ഷൈൻ വയലാ, ഡോ. യൂ.എസ്. അഞ്ജലി, ഡോ. ആർ. ലക്ഷ്മി, ഡോ. ജ്യോതികൃഷ്ണ, ഡോ. ജാസ്മിൻ സാറാ അലക്സാണ്ടർ, അരുൺ അനിൽ എന്നിവർ വിവിധ സെഷനുകളിൽ പ്രസംഗിക്കും.

കേരളത്തിനകത്തുള്ള 50ലധികം സോഷ്യൽ വർക്ക് കോളജുകളിൽ നിന്നുമായി 400 പ്രതിനിധികൾ പങ്കെടുക്കും. പ്രബന്ധങ്ങളുടെ അവതരണം, വിഷയ സംബന്ധമായ റീൽസ് മത്സരം, തീം ഡാൻസ് മത്സരം, തെരുവുനാടക മത്സരം തുടങ്ങിയവ ഉണ്ടായിരിക്കും.

ഒന്നാം സ്ഥാനത്ത് എത്തുന്ന കോളജിനു ലയോള കോളജിന്‍റെ ഡയമണ്ട് ജൂബിലി സ്മാരക എവർ റോളിംഗ് ചാമ്പ്യൻസ് ട്രോഫിയും രണ്ടാം സ്ഥാനക്കാർക്ക് കേരള സംസ്ഥാന വനിതാ വികസന കോർപ്പറേഷന്‍റെ കെ.ആർ. ഗൗരി എൻഡോവ്മെന്‍റ് റണ്ണർഅപ് ട്രോഫിയും സമ്മാനിക്കും. വൈകുന്നേരം നാലിനു നടക്കുന്ന സമാപന സമ്മേളനത്തിൽ വനിതാ വികസന കോർപ്പറേഷൻ മാനേജിംഗ് ഡയറക്ടർ വി.സി. ബിന്ദു മുഖ്യാതിഥിയായിരിക്കും.

സ്റ്റേറ്റ് സോഷ്യൽ വർക്ക് സ്റ്റുഡന്‍റ് കോൺഗ്രസിന് സംസ്ഥാന പ്രസിഡന്‍റ് ഡോ. ചെറിയാൻ പി. കുര്യൻ, ജനറൽ കൺവീനർമാരായ ഡോ. അഞ്ജലി, പ്രഫ. സേവിയർകുട്ടി ഫ്രാൻസിസ്, ലയോള കോളജിലെ സോഷ്യൽവർക്ക് വിഭാഗം മേധാവി ഡോ. പി.എക്സ്. ഫ്രാൻസിന, കെഎപിഎസ് സംസ്ഥാന വർക്കിംഗ് പ്രസിഡന്‍റ് ഡോ. എം.പി. ആന്‍റണി,

സംസ്ഥാന അസോസിയേറ്റ് ജനറൽ സെക്രട്ടറി ഡോ. കെ.ആർ. അനീഷ്, സംസ്ഥാന വൈസ് പ്രസിഡന്‍റ് എം.ബി. ദിലീപ് കുമാർ, തിരുവനന്തപുരം ജില്ലാ പ്രസിഡന്‍റ് രാകേഷ് ചന്ദ്രൻ എന്നിവർ നേതൃത്വം നൽകും.