മൂ​ന്നി​ട​ങ്ങ​ളി​ൽ കാ​ട്ടാ​ന ഇ​റ​ങ്ങി വ്യാ​പ​കനാ​ശം
Tuesday, October 29, 2024 1:12 AM IST
നെ​ന്മാ​റ: അ​യി​ലൂ​ർ പ​ഞ്ചാ​യ​ത്തി​ലെ ക​രി​മ്പാ​റ, പൂഞ്ചേ​രി മേ​ഖ​ല​യി​ൽ കാ​ട്ടാ​ന കൃ​ഷി​നാ​ശം വ​രു​ത്തി. കോ​പ്പൻകു​ള​മ്പി​ലെ ക​ർ​ഷ​ക​രാ​യ മോ​ഹ​നകൃ​ഷ്ണ​ന്‍റേ​യും, വ​ട​ക്ക​ൻ​ചി​റ പാ​ർ​വ​തി, റോ​ഷി ജോ​ണി എ​ന്നി​വ​രു​ടെ വീ​ട്ടു​വ​ള​പ്പി​ലും കൃ​ഷി​യി​ട​ങ്ങ​ളി​ലു​മാ​യി ഇ​രു​ന്നൂ​റോ​ളം കു​ല​ച്ച നേ​ന്ത്ര​വാ​ഴ​ക​ളാ​ണ് കാ​ട്ടാ​ന നാ​ശം വ​രു​ത്തി​യ​ത്. 84000 രൂ​പ​യു​ടെ ന​ഷ്ടം ക​ണ​ക്കാ​ക്കു​ന്ന​താ​യി ക​ർ​ഷ​ക​ർ പ​റ​ഞ്ഞു.

പൂഞ്ചേ​രി​യി​ൽ ചെ​ന്താ​മ​രാ​ക്ഷ​ന്‍റെ തെ​ങ്ങു​ക​ളും ഫ​ല​വൃ​ക്ഷ​ങ്ങ​ളും ക​മ്പി​വേ​ലി​യും, സി​മ​ന്‍റ് കാ​ലു​ക​ളും ന​ശി​പ്പി​ച്ചു. ഓ​വുപാ​റ​യി​ൽ മ​ണി, ഹ​രി​ദാ​സ്, സു​ബ്ര​ഹ്മ​ണ്യ​ൻ എ​ന്നി​വ​രു​ടെ റ​ബർ തോ​ട്ട​ത്തി​നു സ​മീ​പ​മു​ള്ള വാ​ഴ​ക​ളും ക​മ്പി​വേ​ലി, സി​മ​ന്‍റ് തൂ​ണു​ക​ൾ എ​ന്നി​വ​യാ​ണ് കാ​ട്ടാ​ന ന​ശി​പ്പി​ച്ച​ത്. ഇ​വ​ർ​ക്ക് 60000 രൂ​പ​യു​ടെ ന​ഷ്ടം ക​ണ​ക്കാ​ക്കു​ന്നു.

ഇ​ന്ന​ലെ രാ​വി​ലെ 6.30 നാ​ണ് വാ​ഴ​ക​ൾ ഒ​ടി​യു​ന്ന ശ​ബ്ദം കേ​ട്ട് ക​ർ​ഷ​ക​ർ ആ​ന​യു​ടെ സാ​ന്നി​ധ്യം അ​റി​യു​ന്ന​ത്. പ്ര​ദേ​ശ​വാ​സി​ക​ൾ ഒ​ച്ച​വെ​ച്ചെ​ങ്കി​ലും കാ​ട്ടാ​ന റോ​ഷി ജോ​ണി​യു​ടെ കൃ​ഷി​യി​ട​ത്തി​ലേ​ക്ക് മാ​റു​ക​യാ​ണ് ഉ​ണ്ടാ​യ​ത്. ക​ഴി​ഞ്ഞ​യാ​ഴ്ച​യും ഇ​വ​രു​ടെ കൃ​ഷി​യി​ട​ത്തി​ൽ ര​ണ്ടു​ദി​വ​സം കാ​ട്ടാ​ന​ കൃ​ഷി​നാ​ശം വ​രു​ത്തി​യി​രു​ന്നു. വ​നം അ​ധി​കൃ​ത​രെ വി​വ​രം അ​റി​യി​ച്ച​തി​നെ തു​ട​ർ​ന്ന് ഏ​ഴു മ​ണി​യോ​ടെ​യാ​ണ് റ​ബർ ബു​ള്ള​റ്റും പ​ട​ക്ക​വും ഉ​പ​യോ​ഗി​ച്ച് മോ​ഴ​യാ​ന​യെ കൃ​ഷി​യി​ട​ത്തി​ൽ നി​ന്ന് തു​ര​ത്താ​നാ​യ​ത്.

ഇ​തി​നി​ടെ പ​ട​ക്കം പൊ​ട്ടി​ച്ച വ​നം​ജീ​വ​ന​ക്കാ​ർ​ക്കും സ​ഹാ​യ​ത്തി​ന് എ​ത്തി​യ പ്ര​ദേ​ശ​വാ​സി​ക​ൾ​ക്കും നേ​രെ മോ​ഴ​യാ​ന ആ​ക്ര​മി​ക്കാ​നാ​യി പാ​ഞ്ഞ​ടു​ത്തു. ആ​ന പി​ന്തി​രി​ഞ്ഞ് വ​ന്ന​തോ​ടെ തു​ര​ത്താ​ൻ വ​ന്ന​വ​ർ ചി​ത​റി ഓ​ടി. ക​ൽ​ച്ചാ​ടി ഭാ​ഗ​ത്ത് എം. ​അ​ബ്ബാ​സി​ന്‍റെ കൃ​ഷി​യി​ട​ത്തി​ലൂ​ടെ ഓ​ടി സൗ​രോ​ർ​ജ വൈ​ദ്യു​തി വേ​ലി ത​ക​ർ​ത്ത് വ​ന​മേ​ഖ​ല​യി​ലേ​ക്ക് ക​ട​ന്നു. കാ​ട്ടാ​ന​യെ ഉ​ൾ​വ​ന​ത്തി​ലേ​ക്ക് ക​യ​റ്റി വി​ട​ണം എ​ന്ന് പ്ര​ദേ​ശ​വാ​സി​ക​ൾ ആ​വ​ശ്യ​പ്പെ​ട്ടു, ആ​ർആ​ർടി ​സേ​വ​നം, സൗ​രോ​ർ​ജ വൈ​ദ്യു​തിവേ​ലി​യു​ടെ പ്ര​വ​ർ​ത്ത​നം കാ​ര്യ​ക്ഷ​മ​മാ​ക്കൽ, തൂ​ക്കു​വേ​ലി സ്ഥാ​പി​ക്ക​ൽ തു​ട​ങ്ങി വി​വി​ധ ആ​വ​ശ്യ​ങ്ങ​ൾ പ്ര​ദേ​ശ​വാ​സി​ക​ൾ ഉ​ന്ന​യി​ച്ചു.
Copyright @ 2018 , Rashtra Deepika Ltd.