ചാ​രും​മൂ​ട് മി​നി സി​വി​ൽ സ്റ്റേ​ഷ​ൻ ഇ​നി​യെ​ന്ന്? ശി​ലാ​ഫ​ല​കം സ്ഥാ​പി​ച്ച സ്ഥ​ലം കാ​ടുക​യ​റി
Friday, September 20, 2024 11:56 PM IST
ചാ​രും​മൂ​ട്: ചാ​രും​മൂ​ട് കേ​ന്ദ്ര​മാ​ക്കി മി​നി സി​വി​ൽ​സ്റ്റേ​ഷ​നു​വേ​ണ്ടി ശി​ലാ​ഫ​ല​കം സ്ഥാ​പി​ച്ച സ്ഥ​ലം കാ​ടുക​യ​റി. ചാ​രും​മൂ​ട്ടി​ൽ പു​തി​യ മി​നി സി​വി​ൽ​സ്റ്റേ​ഷ​ൻ സ്ഥാ​പി​ക്കാ​ൻ ക​രി​മു​ള​യ്ക്ക​ലി​ലാ​ണ് സ്ഥ​ലം ക​ണ്ടെ​ത്തി​യ​ത്. ചു​ന​ക്ക​ര പ​ഞ്ചാ​യ​ത്തി​ന്‍റെ അ​ധി​കാ​ര പ​രി​ധി​യി​ലു​ള്ള ക​രി​മു​ള​യ്ക്ക​ലി​ലെ പ​ഴ​യ പ​ബ്ലി​ക് മാ​ർ​ക്ക​റ്റി​ലാ​ണ് മി​നി സി​വി​ൽ സ്റ്റേ​ഷ​ൻ നി​ർ​മി​ക്കാ​ൻ തീ​രു​മാ​നി​ച്ച​ത്.

ഇ​തി​ന്‍റെ നി​ർ​മാ​ണം ഉ​ട​ൻ പൂ​ർ​ത്തി​യാ​ക്കു​മെ​ന്ന് പ്ര​ഖ്യാ​പി​ച്ച് നാ​ലു​വ​ർ​ഷം മു​മ്പ് അ​ന്ന​ത്തെ മ​ന്ത്രി ജി.​ സു​ധാ​ക​ര​ൻ ത​റ​ക്ക​ല്ലി​ട്ട് ഉ​ദ്‌​ഘാ​ട​നം നി​ർ​വ​ഹി​ച്ചു. എ​ന്നാ​ൽ, മ​ന്ത്രി ശി​ലാ​ഫ​ല​കം സ്ഥാ​പി​ച്ച സ്ഥ​ലം ഇ​പ്പോ​ൾ കാ​ടാ​യി​മാ​റി. ഒ​രു വ​ർ​ഷം മു​മ്പ് ഭ​ര​ണാ​നു​മ​തി കി​ട്ടി​യ​തി​നെ തു​ട​ർ​ന്ന് സ്‌​ഥ​ല​ത്ത് റ​വ​ന്യു അ​ധി​കൃ​ത​ർ എ​ത്തി സ​ർ​വേ ന​ട​ത്തി​യി​രു​ന്നു. ഈ ​സ്ഥ​ല​ത്ത് മാ​വേ​ലി​ക്ക​ര ആ​ർ​ടി ഓ​ഫീ​സി​ലെ ഡ്രൈ​വിം​ഗ് ടെ​സ്റ്റു​ക​ൾ ന​ട​ന്നുവ​രി​ക​യാ​യി​രു​ന്നു.

എ​ന്നാ​ൽ, ഇ​ത് പി​ന്നീ​ട് ഇ​വി​ടെ നി​ന്ന് മാ​റ്റു​ക​യും ചെ​യ്‌​തു. എ​ന്നാ​ൽ, മി​നി സി​വി​ൽ​സ്റ്റേ​ഷ​നു​വേ​ണ്ടി​യു​ള്ള കാ​ത്തി​രി​പ്പ് നീ​ളു​ക​യാ​ണ്. മി​നി സി​വി​ൽ സ്റ്റേ​ഷ​ൻ വ​ന്നാ​ൽ പ​ഞ്ചാ​യ​ത്ത്, വി​ല്ലേ​ജ് ഓ​ഫീ​സു​ക​ള​ട​ക്ക​മു​ള്ള സ​ർ​ക്കാ​ർ സ്ഥാ​പ​ന​ങ്ങ​ൾ ഇ​വി​ടെ പ്ര​വ​ർ​ത്തി​പ്പി​ക്കാ​ൻ ക​ഴി​യും.

ടെ​ൻ​ഡ​ർ വേ​ഗ​ത്തി​ലാ​ക്കും
​ചു​ന​ക്ക​ര പ​ഞ്ചാ​യ​ത്തി​ലെ ക​രി​മു​ള​യ്ക്ക​ൽ കേ​ന്ദ്രീ​ക​രി​ച്ച് മി​നി സി​വി​ൽ സ്റ്റേ​ഷ​ൻ സ്ഥാ​പി​ക്കു​ന്ന​തി​നാ​യി 5.22 കോ​ടി രൂ​പ​യു​ടെ പ​ദ്ധ​തി​ക്കാ​ണ് ഭ​ര​ണാ​നു​മ​തി കി​ട്ടി​യി​ട്ടു​ള്ള​ത്. സാ​ങ്കേ​തി​കാ​നു​മ​തി​യും ടെ​ൻ​ഡ​ർ ന​ട​പ​ടി​ക​ളും പൂ​ർ​ത്തി​യാ​കു​ന്ന​തോ​ടെ നി​ർ​മാ​ണം ആ​രം​ഭി​ക്കും. എ​സ്റ്റി​മേ​റ്റും രൂ​പ​രേ​ഖ​യും സൂ​പ്ര​ണ്ടിം​ഗ് എ​ൻ​ജി​നിയ​റു​ടെ പ​രി​ശോ​ധ​ന​യ്ക്കാ​യി സ​മ​ർ​പ്പി​ച്ചി​രി​ക്കു​ക​യാ​ണ്. പ​രി​ശോ​ധ​ന ക​ഴി​ഞ്ഞാ​ൽ ഉ​ട​ൻ ടെ​ൻ​ഡ​ർ ന​ട​പ​ടി​ക​ൾ വേ​ഗ​ത്തി​ലാ​കും.
എം.എ​സ്. അ​രു​ൺ​കു​മാ​ർ എം​എ​ൽ​എ
മാ​വേ​ലി​ക്ക​ര

ഉടൻ ആരംഭിക്കണം
സ്ഥ​ലം കാ​ടു​ക​യ​റു​ന്ന​തി​ൽ ജ​ന​ങ്ങ​ളു​ടെ പ്ര​തി​ഷേ​ധ​ം ശക്രമാണ്. ഇ​വി​ടമി​പ്പോ​ൾ ഇ​ഴ​ജ​ന്തു​ക്ക​ളു​ടെ വി​ഹാ​ര​കേ​ന്ദ്ര​മാ​യി മാ​റു​ക​യാ​ണ്. അ​തി​നാ​ൽ എ​ത്ര​യും വേ​ഗം മി​നി സി​വി​ൽ സ്റ്റേ​ഷ​ൻ നി​ർ​മാ​ണം ആ​രം​ഭി​ക്കാ​ൻ ന​ട​പ​ടി സ്വീ​ക​രി​ക്ക​ണം.

ര​തീ​ഷ് കു​മാ​ർ, കൈ​ലാ​സം
പൊ​തു​പ്ര​വ​ർ​ത്ത​ക​ൻ
Copyright @ 2018 , Rashtra Deepika Ltd.