ത​ക​ർ​ന്ന​ടി​ഞ്ഞ് ദേ​ശീ​യ​പാ​ത; ന​ടു​വൊ​ടി​ഞ്ഞ് യാ​ത്ര​ക്കാ​ർ
Thursday, September 19, 2024 11:31 PM IST
അ​മ്പ​ല​പ്പു​ഴ: ദേ​ശീ​യ​പാ​ത മു​ൻ​പെ​ങ്ങു​മി​ല്ലാ​ത്ത ത​ര​ത്തി​ൽ ത​ക​ർ​ന്ന​തോ​ടെ യാ​ത്ര ചെ​യ്യു​ന്ന​വ​രു​ടെ ന​ടു​വൊ​ടി​യു​ക​യാ​ണ്. ഓ​രോ ദി​വ​സ​വും റോ​ഡി​ലെ കു​ഴി​ക​ളു​ടെ എ​ണ്ണം പെ​രു​കി വ​രു​ന്ന​ത​ല്ലാ​തെ കു​റ​യു​ന്നി​ല്ല. ക​ഴി​ഞ്ഞ ഏ​താ​നും മാ​സ​മാ​യി ഉ​ണ്ടാ​യ ക​ന​ത്ത മ​ഴ​യി​ൽ ദേ​ശീ​യപാ​ത​യി​ൽ എ​ല്ലാ​യി​ട​ത്തും റോ​ഡ് ത​ക​ർ​ന്നുകി​ട​ക്കു​ക​യാ​ണ്.

കു​ഴി​ക​ൾ വ​ലി​യ ഗ​ർ​ത്ത​മാ​യി മാ​റി​യ​തോ​ടെ പ​രാ​തി വ്യാ​പ​ക​മാ​യ​തി​നെ​ത്തു​ട​ർ​ന്ന് ചി​ല​യി​ട​ങ്ങ​ളി​ൽ താ​ത്കാലി​ക അ​റ്റ​കു​റ്റ​പ്പ​ണി​ക​ൾ ഏ​താ​നും ആ​ഴ്ച മു​ൻ​പ് ന​ട​ത്തി​യി​രു​ന്നു. എ​ന്നാ​ൽ, മ​ഴ​യി​ൽ മ​ണി​ക്കൂ​റു​ക​ൾ​ക്കു​ള്ളി​ൽ ഇ​ത് ഒ​ലി​ച്ചു​പോ​യി. തു​ട​ർ​ച്ച​യാ​യു​ള്ള മ​ഴ​യി​ൽ ദേ​ശീ​യപാ​ത​യി​ലെ​ല്ലാം വ​ലി​യ കു​ഴി​ക​ൾ രൂ​പ​പ്പെ​ട്ട​തോ​ടെ മ​ണി​ക്കൂ​റു​ക​ൾ നീ​ണ്ട അ​തി​രൂ​ക്ഷ​മാ​യ ഗ​താ​ഗ​ത​ക്കു​രു​ക്കാ​ണ് ഉ​ണ്ടാ​കു​ന്ന​ത്. ഇ​പ്പോ​ൾ ഗ​താ​ഗ​ത​ക്കു​രു​ക്ക് വീ​ണ്ടും വ​ർ​ധി​ച്ചു.

ഇ​തോ​ടൊ​പ്പം കു​ഴി​യി​ൽ വീ​ണ് ചെ​റു​തും വ​ലു​തു​മാ​യ വാ​ഹ​നാ​പ​ക​ട​ങ്ങ​ളും പ​തി​വാ​ണ്. ഇ​രു​ച​ക്രവാ​ഹ​ന​ക്കാ​രാ​ണ് കൂ​ടു​ത​ൽ ദു​രി​ത​ത്തി​ലാ​കു​ന്ന​ത്. സ്ഥി​ര​മാ​യി യാ​ത്ര ചെ​യ്യു​ന്ന വാ​ഹ​ന​ങ്ങ​ൾ​ക്ക് ത​ക​രാ​റ് സം​ഭ​വി​ക്കു​ന്ന​തും നി​ത്യസം​ഭ​വ​മാ​യി​രി​ക്കു​ക​യാ​ണ്. മു​ൻകാ​ല​ങ്ങ​ളി​ൽ കാ​ല​വ​ർ​ഷാ​രം​ഭ​ത്തി​ന് മു​ൻ​പ് ദേ​ശീ​യ പാ​ത​യി​ൽ കു​ഴി​ക​ളെ​ല്ലാം അ​ട​ച്ച് അ​റ്റ​കു​റ്റ​പ്പ​ണി ന​ട​ത്തി​യി​രു​ന്നു. ഇ​ത്ത​വ​ണ സാ​മ്പ​ത്തി​ക പ്ര​തി​സ​ന്ധി​യെ​ത്തു​ട​ർ​ന്ന് അ​റ്റ​കു​റ്റ​പ്പ​ണി ന​ട​ന്നി​ല്ല.

കൂ​ടാ​തെ ദേ​ശീ​യ​പാ​ത വി​ക​സ​ന​ത്തി​ന്‍റെ ഭാ​ഗ​മാ​യി റോ​ഡ് പൊ​ളി​ച്ച​തും നാ​ട്ടു​കാ​രു​ടെ​യും യാ​ത്ര​ക്കാ​രു​ടെ​യും ന​ടു​വൊ​ടി​ച്ചി​രി​ക്കു​ക​യാ​ണ്. ഇ​പ്പോ​ൾ റോ​ഡി​ൽ ടാ​റു​ക​ൾ​ക്കു പ​ക​രം മെ​റ്റി​ലു​ക​ൾ മാ​ത്ര​മാ​ണു​ള്ള​ത്. മെ​റ്റി​ലു​ക​ൾ ഇ​ള​കി​യ​തോ​ടെ റോ​ഡി​ൽ ആ​ഴ​മേ​റി​യ കു​ഴി​ക​ളാ​ണ് രൂ​പ​പ്പെ​ടു​ന്ന​ത്. രാ​ത്രി​കാ​ല​ങ്ങ​ളി​ൽ ഈ ​കു​ഴി​ക​ളി​ൽ വീ​ണ് ഇ​രു​ച​ക്ര വാ​ഹ​ന​ക്കാ​രു​ടെ ന​ടു​വൊ​ടി​യു​ന്ന​തും പ​തി​വാ​ണ്.

ഗ​താ​ഗ​ത​നി​യ​ന്ത്ര​ണം
ഏ​ർ​പ്പെ​ടു​ത്തി

ആ​ല​പ്പു​ഴ: നാ​ഷ​ണ​ൽ ഹൈ​വേ​യി​ൽ എ​ലി​വേ​റ്റ​ഡ് ഹൈ​വേ​യു​ടെ പ​ണി ന​ട​ക്കു​ന്ന അ​രൂ​ർ അ​മ്പ​ല​ത്തി​ന് വ​ട​ക്കോ​ട്ട് അ​രൂ​ർ​പ​ള്ളി വ​രെ​യു​ള്ള റോ​ഡി​ൽ ടൈ​ൽ വി​രി​ക്കു​ന്ന പ​ണി ന​ട​ക്കു​ന്ന​തി​നാ​ൽ താ​ഴെ പ​റ​യു​ന്ന ഗ​താ​ഗ​ത ക്ര​മി​ക​ര​ണ​ങ്ങ​ൾ ഏ​ർ​പെ​ടു​ത്തി.

1. അ​രൂ​ക്കു​റ്റി ഭാ​ഗ​ത്തുനി​ന്നു എ​റ​ണാ​കു​ള​ത്തേ​ക്ക് പോ​കു​ന്ന​വ​ർ അ​രൂ​ർ ക്ഷേ​ത്രം ജം​ഗ്ഷ​നി​ൽനി​ന്നു ഫ്രീ ​ലെ​ഫ്റ്റ് എ​ടു​ത്ത് U ടേ​ൺ എ​ടു​ത്ത് എ​റ​ണാ​കു​ളം ഭാ​ഗ​ത്ത് പോ​കണം. 2.എ​റ​ണാ​കു​ളം ഭാ​ഗ​ത്തുനി​ന്ന് ആ​ല​പ്പു​ഴ ഭാ​ഗ​ത്തേ​ക്കുപോ​കു​ന്ന​വ​ർ കു​ണ്ട​ന്നൂ​ർ -തൃ​പ്പൂ​ണി​ത്തു​റ, പു​തി​യകാ​വ്, ഉ​ദ​യം പേ​രൂ​ർ, വൈ​ക്കം, ത​ണ്ണീ​ർ​മു​ക്കം വ​ഴി​യോ ബീ​ച്ച് റോ​ഡ്, പ​ള്ളി​ത്തോ​ട്, ചെ​ല്ലാ​നം വ​ഴി തീ​ര​ദേ​ശ റോ​ഡ് വ​ഴി​യോ പോകണം. 3. തി​രു​വ​ന​ന്ത​പു​രം, കൊ​ല്ലം, ആ​ല​പ്പു​ഴ ഭാ​ഗ​ത്തു​നി​ന്നു തൃ​ശൂ​ർ ഭാ​ഗ​ത്തേ​ക്കു പോ​കേ​ണ്ട​വ​ർ എം​സി/എ​സി റോ​ഡ് വ​ഴി പോ​കണം. 4. ഹെ​വി വെ​ഹി​ക്കി​ൽ ഒ​രു കാ​ര​ണ​വ​ശാ​ലും എ​റ​ണാ​കു​ളം ഭാ​ഗ​ത്തുനി​ന്നോ ആ​ല​പ്പു​ഴ ഭാ​ഗ​ത്തുനി​ന്നോ അ​രൂ​ർ ഭാ​ഗ​ത്തേ​ക്കു ക​ട​ത്തി​വി​ടു​ന്ന​ത​ല്ല.
Copyright @ 2018 , Rashtra Deepika Ltd.