പാ​ത​യോ​ര​ത്ത് ഞാ​വ​ൽ​പ്പ​ഴം വി​ല്പ​ന ത​കൃ​തി​യി​ൽ
Monday, June 17, 2024 4:10 AM IST
കോ​ഴ​ഞ്ചേ​രി: ഞാ​വ​ല്‍​പ്പ​ഴ​ത്തി​നു മാ​ധു​ര്യ​മേ​റു​ന്നു. സം​സ്ഥാ​ന​ത്തെ പാ​ത​യോ​ര​ങ്ങ​ളി​ലും ഗ്രാ​മീ​ണ റോ​ഡു​ക​ളി​ലും ഞാ​വ​ല്‍​പ്പ​ഴം വാ​ങ്ങാ​ന്‍ തി​ര​ക്ക്.ഒ​രു​കാ​ല​ത്ത് ന​മ്മു​ടേ​തു​മാ​ത്ര​മാ​യി​രു​ന്ന ഞാ​വ​ല്‍​പ്പ​ഴം ഇ​ന്ന് ആ​ന്ധ്രാ​പ്ര​ദേ​ശ് പോ​ലെ​യു​ള്ള സ്ഥാ​ന​ങ്ങ​ളി​ല്‍​നി​ന്നാ​ണ് എ​ത്തു​ന്ന​ത്.

ജീ​വി​ത​ശൈ​ലീ രോ​ഗ​ങ്ങ​ള്‍​ക്ക് ഏ​റ്റ​വും പ്ര​യോ​ജ​ന​പ്ര​ദ​മാ​യ പ​ഴ​വ​ര്‍​ഗ​മാ​ണ് ഞാ​വ​ല്‍​പ്പ​ഴ​മെ​ന്ന തി​രി​ച്ച​റി​വാ​ണ് മ​ല​യാ​ളി​ക​ള്‍ ഈ ​പ​ഴം വാ​ങ്ങു​ന്ന​തി​ന് താ​ല്പ​ര്യം കാ​ണി​ക്കാ​ന്‍ കാ​ര​ണം. ഒ​രു കി​ലോ ഞാ​വ​ല്‍​പ്പ​ഴ​ത്തി​ന് 400 രൂ​പ​യാ​ണ് വി​ല.

തി​രു​വ​ല്ല-​കു​മ്പ​ഴ സം​സ്ഥാ​ന​പാ​ത​യി​ല്‍ എ​ല്ലാ സ്ഥ​ല​ങ്ങ​ളി​ലും ഞാ​വ​ല്‍​പ്പ​ഴം വാ​ങ്ങാ​ന്‍ ആ​ളു​ക​ള്‍ കൂ​ട്ട​മാ​യി എ​ത്തു​ന്നു. യ​ഥാ​ര്‍​ഥ ‌ഞാ​വ​ല്‍​പ്പ​ഴം ക​ഴി​ച്ചാ​ല്‍ പ​ല്ലി​ന് നീ​ല​നി​റം ഉ​ണ്ടാ​കു​മ​ത്രേ. വ്യാ​ജ​നെ ഇ​തി​ലൂ​ടെ തി​രി​ച്ച​റി​യാ​മെ​ന്നും ഉ​പ​ഭോ​ക്താ​ക്ക​ൾ.

ആ​ന്ധ്ര, ത​മി​ഴ്‌​നാ​ട് എ​ന്നീ സം​സ്ഥാ​ന​ങ്ങ​ളി​ല്‍​നി​ന്നാ​ണ് ഞാ​വ​ല്‍​പ്പ​ഴം കേ​ര​ള​ത്തി​ന്‍റെ തെ​രു​വോ​ര​ങ്ങ​ളി​ല്‍ എ​ത്തു​ന്ന​ത്. വി​ല്പ​ന ന​ട​ത്തു​ന്ന​വ​ര്‍​ക്ക് 600 രൂ​പ​യാ​ണ് ദി​വ​സ​ക്കൂ​ലി​യാ​യി മൊ​ത്ത​ക്ക​ച്ച​വ​ട​ക്കാ​ർ ന​ല്കു​ന്ന​ത്. സ​മീ​പ​പ്ര​ദേ​ശ​മാ​യ ചെ​ങ്ങ​ന്നൂ​രി​ൽ ഞാ​വ​ല്‍​പ്പ​ഴ​കൃ​ഷി വ്യാ​പ​ക​മാ​കു​ന്നു​ണ്ടെ​ന്നു കൃ​ഷി വ​കു​പ്പ് ഉ​ദ്യോ​ഗ​സ്ഥ​ര്‍ പ​റ​ഞ്ഞു.

പ്ര​തി​ദി​നം 20 കി​ലോ ഞാ​വ​ല്‍​പ്പ​ഴം വി​ല്ക്കു​ന്നു​ണ്ടെ​ന്നു പു​ല്ലാ​ട് വി​ല്ലേ​ജ് ഓ​ഫീ​സി​ന​ടു​ത്ത് വി​ല്പ​ന ന​ട​ത്തു​ന്ന ത​മി​ഴ്‌​നാ​ട് തി​രു​നെ​ല്‍​വേ​ലി സ്വ​ദേ​ശി​യാ​യ കാ​ര്‍​ത്തി​ക് പ​റ​ഞ്ഞു. ര​ക്ത​ത്തി​ലെ പ​ഞ്ച​സാ​ര​യു​ടെ അ​ള​വും മ​റ്റും ഞാ​വ​ല്‍​പ്പ​ഴം ക​ഴി​ച്ചാ​ല്‍ കു​റ​യു​മെ​ന്നു ക​ര്‍​ണാ​ട​ക സ്വ​ദേ​ശി​യാ​യ പ്രി​യാ സു​രേ​ഷ് പ​റ​ഞ്ഞു. മു​ന്പ് ആ​യു​ർ​വേ​ദ ചി​കി​ത്സ​യു​മാ​യി കേ​ര​ള​ത്തി​ലെ​ത്തി​യ​പ്പോ​ൾ ഡോ​ക്ട​റു​ടെ നി​ർ​ദേ​ശ​പ്ര​കാ​ര​മാ​ണ് ഞാ​വ​ൽ​പ്പ​ഴം വാ​ങ്ങി​ക്ക​ഴി​ച്ച​തെ​ന്നും ഇ​തു പ്ര​യോ​ജ​ന​പ്പെ​ട്ടെ​ന്നു​മാ​ണ് പ്രി​യ പ​റ​യു​ന്ന​ത്.
Copyright @ 2018 , Rashtra Deepika Ltd.