അ​ഗ്നി​ര​ക്ഷാ​നി​ല​യം ചീ​മേ​നി​യി​ൽ; മ​ല​യോ​ര​ത്തി​ന് നി​രാ​ശ
Friday, June 21, 2024 1:48 AM IST
വെ​ള്ള​രി​ക്കു​ണ്ട്: മ​ല​യോ​ര മേ​ഖ​ല​യി​ൽ അ​ഗ്നി​ര​ക്ഷാ​നി​ല​യം വേ​ണ​മെ​ന്ന ആ​വ​ശ്യം ദീ​ർ​ഘ​നാ​ളാ​യി നി​ല​നി​ല്ക്കു​ന്ന​തി​നി​ട​യി​ൽ ജി​ല്ല​യി​ൽ പു​തു​താ​യി അ​നു​വ​ദി​ച്ച അ​ഗ്നി​ര​ക്ഷാ​നി​ല​യം ചീ​മേ​നി​യി​ലേ​ക്ക്. മ​ല​യോ​ര​ത്തി​ന്‍റെ ക​ണ​ക്കി​ലാ​ണെ​ങ്കി​ലും വെ​ള്ള​രി​ക്കു​ണ്ട് താ​ലൂ​ക്കി​ലെ ഭൂ​രി​ഭാ​ഗം പ്ര​ദേ​ശ​ങ്ങ​ൾ​ക്കും പ്ര​യോ​ജ​ന​പ്പെ​ടാ​ത്ത ഇ​ട​ത്താ​ണ് പു​തി​യ നി​ല​യം വ​രു​ന്ന​ത്. ചീ​മേ​നി​യി​ൽ നി​ന്ന് അ​ധി​കം ദൂ​രെ​യ​ല്ലാ​തെ ക​ണ്ണൂ​ർ ജി​ല്ല​യി​ലെ പെ​രി​ങ്ങോ​ത്ത് ഇ​പ്പോ​ൾ​ത​ന്നെ അ​ഗ്നി​ര​ക്ഷാ​നി​ല​യം പ്ര​വ​ർ​ത്തി​ക്കു​ന്നു​മു​ണ്ട്.

ഭീ​മ​ന​ടി​യി​ലും വെ​ള്ള​രി​ക്കു​ണ്ടി​ലും പ​ര​പ്പ​യി​ലു​മാ​ണ് അ​ഗ്നി​ര​ക്ഷാ നി​ല​യ​ത്തി​നാ​യി ഏ​റ്റ​വു​മ​ധി​കം ആ​വ​ശ്യം ഉ​യ​ർ​ന്നി​രു​ന്ന​ത്. വെ​ള്ള​രി​ക്കു​ണ്ട് താ​ലൂ​ക്കി​ലെ ദു​ർ​ഗ​മ​മാ​യ മ​ല​യോ​ര മേ​ഖ​ല​ക​ളി​ൽ തീ​പി​ടു​ത്ത​മോ മ​റ്റ് അ​പ​ക​ട​ങ്ങ​ളോ ഉ​ണ്ടാ​യാ​ൽ ഇ​പ്പോ​ൾ കാ​ഞ്ഞ​ങ്ങാ​ട് നി​ന്നോ തൃ​ക്ക​രി​പ്പൂ​ർ, പെ​രി​ങ്ങോം, കു​റ്റി​ക്കോ​ൽ എ​ന്നി​വി​ട​ങ്ങ​ളി​ൽ നി​ന്നോ ആ​ണ് അ​ഗ്നി​ര​ക്ഷാ​സേ​ന എ​ത്തേ​ണ്ട​ത്. ഇ​ത്ര​യും ദൂ​രെ​നി​ന്ന് അ​ഗ്നി​ര​ക്ഷാ​സേ​ന എ​ത്തു​മ്പോ​ഴേ​ക്കും ഒ​ന്നു​കി​ൽ അ​ത്യാ​ഹി​ത​ങ്ങ​ൾ സം​ഭ​വി​ക്കു​ക​യോ അ​ല്ലെ​ങ്കി​ൽ നാ​ട്ടു​കാ​ർ ത​ന്നെ ര​ക്ഷാ​പ്ര​വ​ർ​ത്ത​നം ന​ട​ത്തു​ക​യോ ആ​ണ് ഉ​ണ്ടാ​വു​ക. ഇ​നി ചീ​മേ​നി​യി​ൽ പു​തി​യ നി​ല​യം തു​ട​ങ്ങി​യാ​ലും പെ​രി​ങ്ങോ​ത്തി​നെ അ​പേ​ക്ഷി​ച്ച് വ​ലി​യ വ്യ​ത്യാ​സ​മൊ​ന്നും വ​രാ​നി​ല്ല.

തൃ​ക്ക​രി​പ്പൂ​ർ മ​ണ്ഡ​ല​ത്തി​ന്‍റെ ക​ണ​ക്കി​ലാ​ണ് ചീ​മേ​നി​യി​ൽ അ​ഗ്നി​ര​ക്ഷാ​നി​ല​യം അ​നു​വ​ദി​ച്ച​ത്. ഇ​ത് ഭീ​മ​ന​ടി​യി​ലാ​യി​രു​ന്നെ​ങ്കി​ൽ മ​ല​യോ​ര​ത്തി​ന് ഏ​റെ പ്ര​യോ​ജ​നം ചെ​യ്യു​മാ​യി​രു​ന്നു​വെ​ന്ന് നാ​ട്ടു​കാ​ർ ചൂ​ണ്ടി​ക്കാ​ട്ടു​ന്നു. ഭീ​മ​ന​ടി​യി​ൽ നി​ന്ന് വെ​ള്ള​രി​ക്കു​ണ്ട് താ​ലൂ​ക്കി​ന്‍റെ മി​ക്ക​വാ​റും എ​ല്ലാ ഭാ​ഗ​ങ്ങ​ളി​ലേ​ക്കും താ​ര​ത​മ്യേ​ന കു​റ​ഞ്ഞ ദൂ​ര​ത്തി​ലും സ​മ​യ​ത്തി​ലും എ​ത്താ​ൻ ക​ഴി​യു​മാ​യി​രു​ന്നു. പ​ക്ഷേ തൃ​ക്ക​രി​പ്പൂ​ർ മ​ണ്ഡ​ല​ത്തി​ലെ മ​ല​യോ​ര പ​ഞ്ചാ​യ​ത്തു​ക​ളോ​ടു​ള്ള അ​വ​ഗ​ണ​ന​യ്ക്ക് ഇ​ത്ത​വ​ണ​യും മാ​റ്റ​മു​ണ്ടാ​യി​ല്ല.

ചീ​മേ​നി​യി​ൽ അ​ഗ്നി​ര​ക്ഷാ​നി​ല​യം സ്ഥാ​പി​ക്കു​ന്ന​തി​നാ​യി മൂ​ന്നു കോ​ടി രൂ​പ​യു​ടെ പ​ദ്ധ​തി​ക്ക് ഭ​ര​ണാ​നു​മ​തി ല​ഭി​ച്ച​താ​യാ​ണ് ക​ഴി​ഞ്ഞ ദി​വ​സം എം.​രാ​ജ​ഗോ​പാ​ല​ൻ എം​എ​ൽ​എ അ​റി​യി​ച്ച​ത്. ചീ​മേ​നി ടൗ​ണി​ന് സ​മീ​പം പ്ലാ​ന്‍റേ​ഷ​ൻ കോ​ർ​പ​റേ​ഷ​ൻ വി​ട്ടു​ന​ല്കി​യ മൂ​ന്നേ​ക്ക​ർ സ്ഥ​ല​ത്താ​ണ് നി​ല​യം സ്ഥാ​പി​ക്കു​ക. ഇ​വി​ടെ നി​ർ​മി​ക്കു​ന്ന​തി​നു​ള്ള കെ​ട്ടി​ട​ത്തി​ന്‍റെ രൂ​പ​രേ​ഖ​യും പൊ​തു​മ​രാ​മ​ത്ത് വി​ഭാ​ഗം ത​യ്യാ​റാ​ക്കി ന​ല്കി​യി​ട്ടു​ണ്ട്. അ​ഞ്ച് അ​ഗ്നി​ര​ക്ഷാ എ​ൻ​ജി​നു​ക​ൾ​ക്ക് ഒ​രേ​സ​മ​യം നി​ർ​ത്തി​യി​ടാ​വു​ന്ന ഗാ​രേ​ജും നി​ർ​മി​ക്കും.

തൃ​ക്ക​രി​പ്പൂ​ർ മ​ണ്ഡ​ല​ത്തി​ന്‍റെ ഊ​ഴം ക​ഴി​ഞ്ഞ​തോ​ടെ ഇ​നി കാ​ഞ്ഞ​ങ്ങാ​ട് മ​ണ്ഡ​ല​ത്തി​ന്‍റെ ക​ണ​ക്കി​ൽ വെ​ള്ള​രി​ക്കു​ണ്ടി​ലോ പ​ര​പ്പ​യി​ലോ പു​തി​യ നി​ല​യം വ​രു​മോ​യെ​ന്നാ​ണ് മ​ല​യോ​രം പ്ര​തീ​ക്ഷ​യോ​ടെ കാ​ത്തി​രി​ക്കു​ന്ന​ത്.
Copyright @ 2018 , Rashtra Deepika Ltd.