വൃ​ത്തി​ഹീ​ന​മാ​യ സാ​ഹ​ച​ര്യ​ത്തി​ൽ ഭ​ക്ഷ​ണശാ​ല​ക​ൾ; വ്യാ​പ​ക പ​രാ​തി
Sunday, June 23, 2024 5:30 AM IST
കു​റ്റ്യാ​ടി: ഫാ​സ്റ്റ്ഫു​ഡു​ക​ൾ വ്യാ​പ​ക​മാ​കു​ക​യും വി​ദേ​ശ ഇ​നം ഭ​ക്ഷ​ണ​ങ്ങ​ൾ ഉ​ണ്ടാ​ക്കി വി​ൽ​ക്ക​പ്പെ​ടു​ന്ന ക​ട​ക​ൾ വ​ർ​ധി​ക്കു​ക​യും ചെ​യ്ത​തോ​ടെ ഇ​ത്ത​രം സ്ഥാ​പ​ന​ങ്ങ​ളി​ലെ വൃ​ത്തി​യി​ല്ലാ​യ്മ​യ​യും കൂ​ടി വ​രു​ന്നു. ഇ​ക്ക​ഴി​ഞ്ഞ ദി​വ​സം കു​റ്റ്യാ​ടി പ​ഞ്ചാ​യ​ത്തും ഗ​വ: താ​ലൂ​ക്ക് ആ​ശു​പ​ത്രി​യും സം​യു​ക്ത​മാ​യി ന​ട​ത്തി​യ പ​രി​ശോ​ധ​ന​യി​ൽ വ്യാ​പ​ക​മാ​യ തോ​തി​ൽ ഭ​ക്ഷ​ണ​ശാ​ല​ക​ളി​ലെ വൃ​ത്തി​യി​ല്ലാ​യ്മ ക​ണ്ട​ത്തി.

വ​ട്ടോ​ളി​യി​ലെ മ​ല​ബാ​ർ ഹോ​ട്ട​ലി​ന് പി​ഴ ചു​മ​ത്തു​ക​യും ഹോ​ട്ട​ൽ ഒ​രാ​ഴ്ച അ​ട​ച്ചി​ട്ട് ശു​ചീ​ക​ര​ണം ന​ട​ത്താ​നും നി​ർ​ദേ​ശി​ച്ചു. തൊ​ട്ടി​ൽ പാ​ല​ത്തും ത​ളീ​ക്ക​ര​യി​ലും കാ​യ​ക്കൊ​ടി​യി​ലും ഭ​ക്ഷ​ണ​ശാ​ല​ക​ളി​ൽ ആ​വ​ശ്യ​ത്തി​ന് ശു​ചിത്വം പു​ല​ർ​ത്തു​ന്നി​ല്ല എ​ന്ന് പ​രി​ശോ​ധ​ന​യി​ൽ ക​ണ്ട​ത്തു​ക​യും ന​ട​പ​ടി​യെ​ടു​ക്കു​ക​യും മു​ന്ന​റി​യി​പ്പു​ക​ൾ ന​ൽ​കു​ക​യും ചെ​യ്ത സം​ഭ​വ​ങ്ങ​ൾ ഉ​ണ്ട്.

കു​റ്റ്യാ​ടി ടൗ​ണി​ലെ ഹോ​ട്ട​ലു​ക​ളി​ലെ മ​ലി​ന​ജ​ലം ന​ഗ​ര​ത്തി​ലെ ഓ​വു​ചാ​ലു​ക​ളി​ൽ ത​ള്ളു​ന്ന​ത് ഏറെ വി​വാ​ദ​മാ​യി​രു​ന്നു. ഓ​വു​ചാ​ലന്‍റെ നവീക രണ പ്ര​വൃ​ത്തി​ക്കി​ട​യി​ലാ​ണ് മ​ലി​ന​ജ​ലം ഒ​ഴു​ക്കാ​നു​ള്ള കു​ഴ​ലു​ക​ൾ ക​ണ്ട​ത്തി​യ​ത്. ഓ​വൂ ചാ​ലി​ലെ മ​ഴ​വെ​ള്ള​ത്തോ​ട​പ്പം മ​ലി​ന​ജ​ലം ഒ​ഴു​ക്കി വി​ടു​ന്ന​തി​ന്‍റെ ഫ​ല​മാ​യി കു​റ്റ്യാ​ടി പു​ഴ​യും മ​ലി​നീ​ക​രി​ക്ക​പ്പെ​ടു​ക​യാ​ണ്.

ബ​ർ​ഗ​ർ, ചി​ക്ക​ൻ റോ​ൾ ഉ​ൾ​പ്പെ​ടെ​യു​ള്ള മാം​സ​ങ്ങ​ൾ ഉ​പ​യോ​ഗി​ച്ചു​ള്ള ഭ​ക്ഷ​ണ പ​ദാ​ർ​ത്ഥ​ങ്ങ​ളി​ൽ നി​ന്ന് ഭ​ഷ്യ വി​ഷ​ബാ​ധ പ​ല സ്ഥ​ല​ങ്ങ​ളി​ലും ഉ​ണ്ടാ​യി​ട്ടു​ണ്ട്. ശാ​സ്ത്രീ​യ​മാ​യ മാ​ലി​ന്യ നി​ർ​മാ​ർ​ജ​നം മാ​ലി​ന്യ​ങ്ങ​ളു​ടെ സം​സ്ക്ക​ര​ണം എ​ന്നി​വ ഇ​ത്ത​രം സ്ഥാ​പ​ന​ങ്ങ​ളി​ൽ ഇ​ല്ല. ജീ​വ​ന​ക്കാ​ർ​ക്ക് ആ​വ​ശ്യ​മാ​യ ആ​രോ​ഗ്യ ശു​ചി​ത്വം പാ​ലി​ക്കു​ന്ന​തി​ൽ ജാ​ഗ്ര​ത കു​റ​വു​ണ്ട്.

ഭ​ക്ഷ​ണ​ം വി​ത​ര​ണം ചെ​യ്യു​മ്പോ​ൾ ധരിക്കേണ്ട കൈയുറ​ക​ൾ, ത​ല മ​റ​ക്കാ​നു​ള്ള തൊ​പ്പി​ക​ൾ എന്നിവ പ​ല​യി​ട​ത്തും ഉ​പ​യോ​ഗി​ക്കാ​റി​ല്ല.
Copyright @ 2018 , Rashtra Deepika Ltd.