ശിവരാമനെതിരേ സിപിഎം ഇടുക്കി ജില്ലാ സെക്രട്ടറി : Deepika.com Kerala News |

Click here for detailed news of all items

ശിവരാമനെതിരേ സിപിഎം ഇടുക്കി ജില്ലാ സെക്രട്ടറി

Thursday, January 2, 2025 2:55 AM IST

തൊടുപുഴ: സിപിഐ സംസ്ഥാന കൗണ്‍സിൽ അംഗം കെ.കെ.ശിവരാമന്‍റെ മാനസികനില സിപിഐ പരിശോധിക്കണമെന്ന് സിപിഎം ജില്ലാ സെക്രട്ടറി സി.വി. വർഗീസ്. സിപിഎമ്മിനെ നന്നാക്കാൻ ശിവരാമൻ ശ്രമിക്കേണ്ട.

സിപിഎമ്മിന് മാർഗ നിർദേശം നൽകാൻ ശിവരാമനെ ചുമതലപ്പെടുത്തിയിട്ടില്ലെന്നും അദ്ദേഹം സ്വന്തം പാർട്ടിയെ നന്നാക്കിയാൽ മതിയെന്നും സി.വി വർഗീസ് പറഞ്ഞു.

കട്ടപ്പനയിൽ ആത്മഹത്യ ചെയ്ത നിക്ഷേപകന്‍റെ മനോനില പരിശോധിക്കണമെന്ന എം.എം. മണി എംഎൽഎയുടെ പ്രസംഗത്തെ കെ.കെ. ശിവരാമൻ തന്‍റെ ഫേസ്ബുക്ക് പേജിൽ രൂക്ഷമായി വിമർശിച്ചിരുന്നു. ഇതേ തുടർന്നാണ് കെ.കെ ശിവരാമനെതിരേ രൂക്ഷ വിമർശനവുമായി സി.വി.വർഗീസ് ഇന്നലെ രംഗത്തെത്തിയത്.സിപിഎമ്മിന് കൃത്യമായ പെരുമാറ്റച്ചട്ടമുണ്ട്.എം.എം. മണിയുടെ പരാമർശത്തെ ഒറ്റതിരിഞ്ഞ് കാണേണ്ട.

കട്ടപ്പനയിലെ നിക്ഷേപകന്‍റെ ആത്മഹത്യയിൽ സിപിഎം മുൻ ഏരിയ സെക്രട്ടറി വി.ആർ. സജിയുടെ പങ്ക് പോലീസ് അന്വേഷിക്കുന്നുണ്ട്.

കുറ്റക്കാരനെന്ന് തെളിഞ്ഞാൽ അപ്പോൾ നോക്കാമെന്നും സജിയുടെ വിശദീകരണം പാർട്ടി ക്ക് തൃപ്തികരമാണെന്നും സി.വി. വർഗീസ് പറഞ്ഞു.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.