പ്രതിഭകൾ സഭയോടും സമൂഹത്തോടും പ്രതിബദ്ധതയുള്ളവരാകണം: മാർ റാഫേൽ തട്ടിൽ : Deepika.com Kerala News |

Click here for detailed news of all items

പ്രതിഭകൾ സഭയോടും സമൂഹത്തോടും പ്രതിബദ്ധതയുള്ളവരാകണം: മാർ റാഫേൽ തട്ടിൽ

Thursday, January 2, 2025 2:55 AM IST

കൊച്ചി: പ്രതിഭകൾ സഭയോടും സമൂഹത്തോടും പ്രതിബദ്ധതയുള്ളവരായിരിക്കണമെന്നു സീറോമലബാർ സഭ മേജർ ആർച്ച്ബിഷപ് മാർ റാഫേൽ തട്ടിൽ. സഭയുടെ വിശ്വാസ പരിശീലന കമ്മീഷൻ കാക്കനാട് മൗണ്ട് സെന്‍റ് തോമസിൽ സംഘടിപ്പിച്ച പ്രതിഭാ സംഗമത്തിന്‍റെ സമാപന സമ്മേളനം ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം.

സഭ നൽകുന്ന അവസരങ്ങളും സാധ്യതകളും പ്രയോജനപ്പെടുത്തണം. സഭയുടെ സ്വപ്നങ്ങൾക്കും സമൂഹത്തിന്‍റെ നന്മകൾക്കും നിറം പകരുന്നവരാകണം പ്രതിഭകളെന്നും മേജർ ആർച്ച്ബിഷപ് ഓർമപ്പെടുത്തി. പ്രതിഭാ പുരസ്‌കാര ജേതാക്കൾക്ക് മേജർ ആർച്ച്ബിഷപ് സമ്മാനങ്ങൾ വിതരണം ചെയ്തു.

പന്ത്രണ്ടാം ക്ലാസിൽ വിശ്വാസപരിശീലനം നടത്തുന്ന വിവിധ രൂപതകളിലെ വിദ്യാർഥികളിൽനിന്നു തെരഞ്ഞെടുക്കപ്പെട്ട 58 പ്രതിഭകളാണ് ത്രിദിന സംഗമത്തിൽ പങ്കെടുത്തത്.

വിശ്വാസപരിശീലന കമ്മീഷൻ ചെയർമാൻ ബിഷപ് മാർ ജോസ് പുളിക്കൽ, ബിഷപ് മാർ പോൾ ആലപ്പാട്ട്, ബിഷപ് ‌മാർ സെബാസ്റ്റ്യൻ വാണിയപ്പുരയ്ക്കൽ, ഫാ. തോമസ് മേൽവെട്ടത്ത്, ഫാ. ജോസഫ് തോലാനിക്കൽ, ഫാ. ജിഫി മേക്കാട്ടുകുളം, ഫാ. സന്തോഷ് ഓലപ്പുരക്കൽ, ഫാ. പ്രകാശ് മറ്റത്തിൽ, അഡ്വ. ജസ്റ്റിൻ പള്ളിവാതുക്കൽ, ബേബി ജോൺ കലയന്താനി, സിസ്റ്റർ ജിൻസി ചാക്കോ എന്നിവർ ക്ലാസുകൾ നയിച്ചു. ഫാ. മനു പൊട്ടനാനിയിൽ, സിസ്റ്റർ ജിസ്‌ലറ്റ്, ജെബിൻ കുഴിമാലിൽ എന്നിവർ നേതൃത്വം നൽകി.

പ്രതിഭാ പുരസ്കാരം ഇവർക്ക്

2024ലെ സീറോമലബാർ സഭ വിശ്വാസ പരിശീലന പ്രതിഭാ പുരസ്‌കാരത്തിന് അർഹരായവർ: ജെറാർഡ് ജോൺ പന്തപ്പിള്ളിൽ (താമരശേരി), ആൽബിൻ സിബിച്ചൻ പള്ളിച്ചിറ (തലശേരി), മാനുവൽ ജോസഫ് മഞ്ഞളി (രാമനാഥപുരം), നൈബിൻ എം. ഷിജിൻ പുത്തൻപുര (പാലാ), സാം പന്തമാക്കൽ (ബെൽത്തങ്ങാടി), ട്രീസ ജെയിംസ് വട്ടപ്പാറ (ചങ്ങനാശേരി), റിമ ഷാജി വലിയകുന്നേൽ (ഇടുക്കി), ആൻമരിയ എസ്. മംഗലത്തുകുന്നേൽ (കോതമംഗലം), സാന്ദ്ര ജോബി കോനുക്കുടി (എറണാകുളം-അങ്കമാലി), പി.ജെ. എയ്ഞ്ചൽ പാലയൂർ (തൃശൂർ).

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.