Play Audio

വ​രു​ന്നൂ, വ​ഖ​ഫി​നൊ​ത്തൊ​രു കാ​ട്ടു​നി​യ​മം
Monday, December 16, 2024 12:00 AM IST
ര​ക്ഷി​ക്കാ​നു​ള്ള ക​ഴി​വു​കേ​ട് ശി​ക്ഷി​ക്കാ​നു​ള്ള ക​ഴി​വു​കൊ​ണ്ട് മ​റ​യ്ക്കാ​നാ​കു​മോ?

വ​ന്യ​ജീ​വി​ക​ളി​ൽ​നി​ന്നോ ജ​ന​ദ്രോ​ഹ​നി​യ​മ​ങ്ങ​ളി​ൽ​നി​ന്നോ വ​നം​വ​കു​പ്പ് ഉ​ദ്യോ​ഗ​സ്ഥ​രി​ൽ​നി​ന്നോ ജ​ന​ങ്ങ​ളെ ര​ക്ഷി​ക്കാ​ൻ ഈ ​സ​ർ​ക്കാ​രി​നു ക​ഴി​വോ താ​ത്പ​ര്യ​മോ ഉ​ള്ള​താ​യി ആ​ർ​ക്കും തെ​റ്റി​ദ്ധാ​ര​ണ​പോ​ലു​മി​ല്ല. സം​സ്ഥാ​ന വ​ന​നി​യ​മ ഭേ​ദ​ഗ​തി ക​ര​ട് വി​ജ്ഞാ​പ​ന​വും അ​തി​ന്‍റെ തെ​ളി​വാ​യി മാ​റി​യി​രി​ക്കു​ക​യാ​ണ്.

മ​നു​ഷ്യ​രെ ക്രൂ​ര​മാ​യി കൊ​ന്നൊ​ടു​ക്കു​ക​യും പ​ണി​യെ​ടു​ത്തു ജീ​വി​ക്കാ​ൻ അ​നു​വ​ദി​ക്കാ​തി​രി​ക്കു​ക​യും ചെ​യ്യു​ന്ന വ​ന്യ​മൃ​ഗ​ങ്ങ​ളു​ടെ കാ​ര്യ​ത്തി​ൽ ഒ​ന്നും ചെ​യ്യാ​ൻ ശേ​ഷി​യി​ല്ലാ​ത്ത വ​നം മ​ന്ത്രി​യാ​ണ് ഈ ​ജ​ന​ദ്രോ​ഹ വാ​റോ​ല​യി​ൽ ഒ​പ്പി​ട്ടി​രി​ക്കു​ന്ന​ത്. വ​നം, കേ​ര​ള​ത്തി​ന്‍റെ അ​യ​ൽ​രാ​ജ്യ​വും വ​ന്യ​ജീ​വി​ക​ളു​ടേ​ത് അ​തി​ർ​ത്തി ക​ട​ന്നെ​ത്തു​ന്ന ഭീ​ക​രാ​ക്ര​മ​ണ​വും വ​നം​വ​കു​പ്പ് ഉ​ദ്യോ​ഗ​സ്ഥ​ർ അ​ധി​നി​വേ​ശ​ക്കാ​രാ​യ സൈ​ന്യ​വു​മാ​യി മാ​റി. ഈ ​സ​മാ​ന്ത​ര ജ​ന്തു​സ്ഥാ​ൻ ഉ​ദ്യോ​ഗ​സ്ഥ​ർ​ക്ക്, പൗ​ര​ന്മാ​ർ​ക്കു​മേ​ൽ കു​തി​ര​ക​യ​റാ​നു​ള്ള നി​യ​മ​ങ്ങ​ൾ പാ​സാ​ക്കി​ക്കൊ​ടു​ക്കു​ക​യാ​ണ് ഒ​റ്റു​കാ​രാ​യ ന​മ്മു​ടെ ഭ​ര​ണാ​ധി​കാ​രി​ക​ൾ. അ​തി​ൽ ഏ​റ്റ​വും പു​തി​യ​താ​ണ് 1961ലെ ​വ​ന​നി​യ​മം ഭേ​ദ​ഗ​തി ചെ​യ്ത് ഇ​റ​ക്കി​യി​രി​ക്കു​ന്ന വി​ജ്ഞാ​പ​നം.

വ​ന്യ​മൃ​ഗ​ങ്ങ​ൾ നാ​ട്ടി​ലി​റ​ങ്ങി മ​നു​ഷ്യ​രെ കൊ​ന്നു കൊ​ല​വി​ളി​ക്കു​ന്പോ​ൾ നോ​ക്കു​കു​ത്തി​യാ​യി നി​ൽ​ക്കു​ന്ന സ​ർ​ക്കാ​ർ, കാ​ട്ടി​ൽ ക​യ​റു​ക​യോ ക​യ​റി​യെ​ന്നു വ​നം വ​കു​പ്പ് ജീ​വ​ന​ക്കാ​ർ​ക്കു തോ​ന്നു​ക​യോ ചെ​യ്യു​ന്ന മ​നു​ഷ്യ​രെ മ​ര്യാ​ദ പ​ഠി​പ്പി​ക്കാ​ൻ കൊ​ണ്ടു​വ​ന്നി​രി​ക്കു​ന്ന നി​യ​മ​ത്തെ​ക്കു​റി​ച്ചാ​ണ് നാം ​പ​റ​യു​ന്ന​ത്. അ​താ​ണ്, 2024 ന​വം​ബ​ര്‍ ഒ​ന്നി​ന് കേ​ര​ള ഗ​സ​റ്റി​ല്‍ വി​ജ്ഞാ​പ​നം ചെ​യ്ത കേ​ര​ള വ​ന നി​യ​മ ഭേ​ദ​ഗ​തി 2024. അ​ത​നു​സ​രി​ച്ച്, വ​നം കു​റ്റ​കൃ​ത്യ​ങ്ങ​ള്‍​ക്കു​ള്ള പി​ഴ പ​ത്തി​ര​ട്ടി​വ​രെ കൂ​ട്ടും. വാ​റ​ണ്ടോ കേ​സോ ഇ​ല്ലാ​തെ ആ​രെ​യും അ​റ​സ്റ്റ് ചെ​യ്യാ​ൻ ബീ​റ്റ് ഫോ​റ​സ്റ്റ് ഓ​ഫീ​സ​ര്‍ ത​സ്തി​ക മു​ത​ലു​ള്ള ഓ​ഫീ​സ​ര്‍​മാ​ര്‍​ക്ക് അ​നു​മ​തി​യു​ണ്ടാ​കും.

ജീ​വ​ന​ക്കാ​ര​ന്‍റെ ഡ്യൂ​ട്ടി ത​ട​സ​പ്പെ​ടു​ത്തി​യെ​ന്നോ തോ​ട്ടി​ൽ​നി​ന്നു മീ​ൻ പി​ടി​ച്ചെ​ന്നോ കാ​ട്ടി​ൽ പ്ലാ​സ്റ്റി​ക് ഇ​ട്ടെ​ന്നോ പ​റ​ഞ്ഞ് കൈ​യി​ൽ കി​ട്ടി​യ​വ​രെ അ​റ​സ്റ്റ് ചെ​യ്യാം. വ​ന്യ​ജീ​വി ശ​ല്യ​ത്തി​ന്‍റെ​യോ ക​ർ​ഷ​ക​ദ്രോ​ഹ​ത്തി​ന്‍റെ​യോ പേ​രി​ൽ ത​ങ്ങ​ളെ ചോ​ദ്യം ചെ​യ്ത ക​ർ​ഷ​ക​നെ​യും ഇ​നി ഒ​രു ജീ​വ​ന​ക്കാ​ര​ൻ വി​ചാ​രി​ച്ചാ​ൽ "ഒ​തു​ക്കാം'.

വ​ന​ത്തി​നു​ള്ളി​ല്‍​നി​ന്ന് മ​ണ​ല്‍ വാ​രു​ക, വ​നാ​തി​ര്‍​ത്തി​യി​ലെ വേ​ലി​ക​ള്‍​ക്കും കൈ​യാ​ല​ക​ള്‍​ക്കും കേ​ടു​വ​രു​ത്തു​ക, തോ​ക്കു​ക​ളും സ്‌​ഫോ​ട​ക​വ​സ്തു​ക്ക​ളു​മാ​യി വ​ന​ത്തി​ല്‍ പ്ര​വേ​ശി​ക്കു​ക, വ​ന്യ​മൃ​ഗ​ങ്ങ​ള്‍​ക്ക് ഭ​ക്ഷ​ണം ന​ല്‍​കു​ക, അ​വ​യെ ശ​ല്യ​പ്പെ​ടു​ത്തു​ക... ഇ​തൊ​ക്കെ ദു​രു​പ​യോ​ഗി​ക്ക​പ്പെ​ടാ​നു​ള്ള സാ​ധ്യ​ത​പോ​ലും തി​രി​ച്ച​റി​യാ​നാ​യി​ല്ല​ല്ലോ ഈ ​മ​ന്ത്രി​ക്ക്! തോ​ക്കു​മാ​യി വേ​ട്ട​യ്ക്കി​റ​ങ്ങു​ന്ന​വ​ർ ഉ​ൾ​പ്പെ​ടെ​യു​ള്ള​വ​ർ​ക്കെ​തി​രേ കേ​സെ​ടു​ക്കാ​നൊ​ന്നും നി​ല​വി​ൽ വ​കു​പ്പി​ല്ലാ​ഞ്ഞി​ട്ട​ല്ല, ക​ഴി​വു​കേ​ടു മ​റ​യ്ക്കാ​നാ​ണ് സ​ർ​ക്കാ​രി​ന്‍റെ കു​റു​ക്കു​വ​ഴി. ഇ​തി​ന്‍റെ പ​കു​തി ആ​ത്മാ​ർ​ഥ​ത വ​നം വ​കു​പ്പി​നോ സ​ർ​ക്കാ​രി​നോ ഉ​ണ്ടാ​യി​രു​ന്നെ​ങ്കി​ൽ വ​ന്യ​ജീ​വി​ക​ൾ കൊ​ന്നൊ​ടു​ക്കി​യ വ​നാ​തി​ർ​ത്തി​ക​ളി​ലെ എ​ത്ര​യോ മ​നു​ഷ്യ​ർ ഇ​ന്നും ജീ​വ​നോ​ടെ ഉ​ണ്ടാ​കു​മാ​യി​രു​ന്നു! വ​നം സം​ര​ക്ഷി​ക്കു​ക​ത​ന്നെ വേ​ണം; ക​ർ​ഷ​ക​രെ കു​രു​തി​കൊ​ടു​ത്തു വേ​ണ്ട.

വ​നം​വ​കു​പ്പി​ന് അ​ക​ത്തും പു​റ​ത്തു​മു​ള്ള ഒ​രു കാ​ട്ടു​ക​ള്ള​നെ​യും ത​ട​യാ​ൻ ഈ ​നി​യ​മ​ത്തി​നു ക​ഴി​യി​ല്ല. നി​യ​മ​ങ്ങ​ളി​ല്ലാ​ത്ത​ത​ല്ല ഈ ​സം​സ്ഥാ​ന​ത്തി​ന്‍റെ പ്ര​തി​സ​ന്ധി. പോ​ലീ​സി​ല്ലാ​ഞ്ഞി​ട്ടാ​ണോ നാ​ട്ടി​ൽ കു​റ്റ​കൃ​ത്യ​ങ്ങ​ൾ ഈ ​വി​ധം പെ​രു​കു​ന്ന​ത്? സി​പി​എ​മ്മി​ന്‍റേ​ത് ഉ​ൾ​പ്പെ​ടെ​യു​ള്ള നേ​താ​ക്ക​ൾ നി​യ​ന്ത്രി​ക്കാ​ത്ത ഏ​തെ​ങ്കി​ലും പോ​ലീ​സ് സ്റ്റേ​ഷ​ൻ കേ​ര​ള​ത്തി​ലു​ണ്ടോ? ട്രാ​ഫി​ക് നി​യ​മ​ങ്ങ​ൾ ഇ​ല്ലാ​തി​രു​ന്നി​ട്ടാ​ണോ റോ​ഡ​പ​ക​ട​ങ്ങ​ൾ പെ​രു​കു​ന്ന​ത്? പ​ടി വാ​ങ്ങാ​തെ ഡ്രൈ​വിം​ഗ് ലൈ​സ​ൻ​സ് കൊ​ടു​ക്കു​ന്ന എ​ത്ര ഉ​ദ്യോ​ഗ​സ്ഥ​രു​ണ്ട് മോ​ട്ടോ​ർ വാ​ഹ​ന വ​കു​പ്പി​ൽ? എ​ക്സൈ​സും പോ​ലീ​സും ഇ​ല്ലാ​തി​രു​ന്നി​ട്ടാ​ണോ മു​ക്കി​നും മൂ​ല​യി​ലും മ​യ​ക്കു​മ​രു​ന്ന് സു​ല​ഭ​മാ​യ​ത്? വ​നം-​വ​ന്യ​ജീ​വി നി​യ​മം ഇ​ല്ലാ​ത്ത​തു​കൊ​ണ്ടാ​ണോ കാ​ട്ടി​ൽ ക​ഴി​യേ​ണ്ട വ​ന്യ​ജീ​വി​ക​ൾ നാ​ടു വി​റ​പ്പി​ക്കു​ന്ന​ത്? ഈ ​നി​യ​മ​ഭേ​ദ​ഗ​തി പാ​സാ​യാ​ൽ ഉ​റ​പ്പാ​കു​ന്ന ഒ​രു കാ​ര്യ​മേ​യു​ള്ളൂ.

വ​നാ​തി​ർ​ത്തി​യി​ലെ ക്ലേ​ശ​ക​ര​മാ​യ ജീ​വി​തം കൂ​ടു​ത​ൽ ദുഃ​സ​ഹ​മാ​ക്കി അ​വ​ശേ​ഷി​ക്കു​ന്ന ക​ർ​ഷ​ക​രെ​യും കു​ടി​യി​റ​ക്കാ​ൻ വ​നം​വ​കു​പ്പി​ന് അ​ധി​കാ​ര​മു​ണ്ടാ​കും. വ​ന്യ​ജീ​വ​ക​ളെ ഭ​യ​ക്കു​ന്ന​തു​പോ​ലെ വ​നം​വ​കു​പ്പു ജീ​വ​ന​ക്കാ​രി​ൽ പ​ല​രെ​യും ഭ​യ​ക്കേ​ണ്ടി​വ​രും. ജ​ന​മേ​ഖ​ല ബ​ഫ​ർ​സോ​ണാ​ക്കാ​നും ബ​ഫ​ർ​സോ​ണു​ക​ൾ വ​ന​മാ​ക്കാ​നും കൂ​ടു​ത​ൽ സൗ​ക​ര്യ​മാ​കും. കാ​ർ​ബ​ൺ ക്രെ​ഡി​റ്റ് ഫ​ണ്ട് വ​ർ​ധി​ച്ചേ​ക്കും. പ​ക്ഷേ, ഇ​ന്ന​ല്ലെ​ങ്കി​ൽ നാ​ളെ പ​ത്താ​യ​പ്പു​ര​ക​ൾ ന​മ്മു​ടെ ഖ​ജ​നാ​വു​പോ​ലെ​യാ​കും.

തോ​ന്നു​ന്ന ഭൂ​മി​യെ​ല്ലാം വെ​ട്ടി​പ്പി​ടി​ക്കാ​ൻ വ​ഖ​ഫ് ബോ​ർ​ഡി​ന് അ​ധി​കാ​രം കൊ​ടു​ത്ത വ​ഖ​ഫ് നി​യ​മ​ത്തോ​ടാ​ണ്, ക​ർ​ഷ​ക​ർ ഉ​ൾ​പ്പെ​ടെ​യു​ള്ള ല​ക്ഷ​ക്ക​ണ​ക്കി​നു മ​നു​ഷ്യ​രു​ടെ നെ​ഞ്ച​ത്തു​ക​യ​റാ​ൻ വ​നം വ​കു​പ്പി​ന് അ​ധി​കാ​രം ന​ൽ​കു​ന്ന നി​യ​മ​ഭേ​ദ​ഗ​തി​ക്കു സാ​മ്യം. വ​നാ​തി​ർ​ത്തി​ക​ളി​ലെ മ​നു​ഷ്യ​രെ​യും മ​ല​യോ​ര ക​ർ​ഷ​ക​രെ​യും അ​ഭി​മാ​ന​ത്തോ​ടെ​യും സ​മാ​ധാ​ന​ത്തോ​ടെ​യും ജീ​വി​ക്കാ​ൻ അ​നു​വ​ദി​ക്കാ​ത്ത നീ​ക്ക​ങ്ങ​ളേ വ​നം​വ​കു​പ്പി​ൽ​നി​ന്ന് ഇ​തു​വ​രെ ഉ​ണ്ടാ​യി​ട്ടു​ള്ളൂ. ജ​നു​വ​രി​യി​ൽ നി​യ​മ​സ​ഭ​യി​ൽ ഈ ​നി​യ​മം പാ​സാ​ക്കാ​ൻ കൈ​പൊ​ക്കു​ന്ന എം​എ​ൽ‍​എ​മാ​രെ തി​രി​ച്ച​റി​യു​ന്നി​ട​ത്തു​നി​ന്നു തു​ട​ങ്ങും കേ​ര​ള​ത്തി​ലെ ക​ർ​ഷ​ക രാ​ഷ്‌​ട്രീ​യം.

വ​ന്യ​ജീ​വി​ക​ൾ മ​നു​ഷ്യ​രെ കൊ​ന്നൊ​ടു​ക്കു​ന്പോ​ൾ അ​നു​ശോ​ച​നം രേ​ഖ​പ്പെ​ടു​ത്താ​ൻ മാ​ത്രം എ​ന്തി​നാ​ണ് ഒ​രു സ​ർ​ക്കാ​ർ? കേ​ന്ദ്ര​ത്തി​നു നി​വേ​ദ​നം കൊ​ടു​ത്തു കാ​ത്തി​രി​ക്കു​ക​യും 1972ലെ ​വ​നം-​വ​ന്യ​ജീ​വി സം​ര​ക്ഷ​ണ നി​യ​മ​ത്തി​ന്‍റെ മ​റ​വി​ൽ മോ​ങ്ങി​ക്കൊ​ണ്ടി​രി​ക്കു​ക​യും ചെ​യ്യു​ന്ന അ​ല​സ​രാ​യ ഭ​ര​ണാ​ധി​കാ​രി​ക​ള​ല്ല കേ​ര​ള​ത്തി​നാ​വ​ശ്യം. ഈ ​നി​യ​മ​ത്തി​ന്‍റെ പേ​രി​ൽ കേ​ന്ദ്ര​വും സം​സ്ഥാ​ന​വും പ​ര​സ്പ​രം ന​ട​ത്തു​ന്ന പ​ഴി​ചാ​ര​ൽ അ​ധി​കാ​ര​ത്തി​ന്‍റെ അ​ശ്ലീ​ല​നാ​ട​ക​മാ​യി മാ​റി.

ക​ർ​ഷ​ക​ർ​ക്കു കൃ​ഷി​കൊ​ണ്ടു ജീ​വി​ക്ക​ണ​മെ​ങ്കി​ൽ ക​രി​നി​യ​മ​സ്ര​ഷ്ടാ​ക്ക​ളെ രാ​ഷ്‌​ട്രീ​യ​മാ​യി നേ​രി​ട​ണ​മെ​ന്നു തി​രി​ച്ച​റി​ഞ്ഞ​വ​രാ​ണ് ഉ​ത്ത​രേ​ന്ത്യ​യി​ലെ ക​ർ​ഷ​ക​ർ. ഏ​റെ ക്ലേ​ശം സ​ഹി​ച്ചെ​ങ്കി​ലും, അ​വ​ർ ക​ടി​ച്ച പാ​ന്പി​നെ​ക്കൊ​ണ്ടു​ത​ന്നെ കാ​ർ​ഷി​ക നി​യ​മ​ങ്ങ​ളു​ടെ വി​ഷ​മി​റ​ക്കി​യ​ത് രാ​ജ്യം ക​ണ്ട​താ​ണ്. ആ ​ക​ർ​ഷ​ക​രോ​ട് ഐ​ക്യ​ദാ​ർ​ഢ്യം പ്ര​ഖ്യാ​പി​ച്ച​വ​രു​ടെ കേ​ര​ള​ത്തി​ലെ മു​ഖം​മൂ​ടി​ക​ൾ മാ​റ്റാ​ൻ സ​മ​യ​മാ​യി.

ആ​വ​ർ​ത്തി​ച്ചു പ​റ​യ​ട്ടെ, വ​നം​വ​കു​പ്പ​ല്ല, ക​ർ​ഷ​ക​രാ​ണ് കാ​ടി​ന്‍റെ സം​ര​ക്ഷ​ക​ർ. അ​വ​രു​ടെ കൃ​ഷി​യി​ട​ങ്ങ​ൾ കാ​ടി​നു പു​റ​ത്തെ ഫ​ല​വൃ​ക്ഷ വ​ന​ങ്ങ​ളാ​ണ്. അ​വ​രാ​ണ് യ​ഥാ​ർ​ഥ പ​രി​സ്ഥി​തി സം​ര​ക്ഷ​ക​ർ; ഒ​രു മ​ര​വും വ​ച്ചു​പി​ടി​പ്പി​ക്കാ​തെ ക​ട​ലാ​സു സം​ഘ​ട​ന​ക​ളു​മാ​യി ഭ​ര​ണ​കേ​ന്ദ്ര​ങ്ങ​ളും കോ​ട​തി​ക​ളും ക​യ​റി​യി​റ​ങ്ങു​ന്ന​വ​ര​ല്ല. പ​ക​ല​ന്തി​യോ​ളം ക​ർ​ഷ​ക​ർ പ​ണി​യെ​ടു​ക്കു​ന്ന​തു​കൊ​ണ്ടാ​ണ് ന​മ്മു​ടെ കൈ​യി​ലെ പ​ണം ഭ​ക്ഷ​ണ​മാ​യി മാ​റു​ന്ന​ത്. മ​ന്ത്രി​മാ​ർ​ക്കും വേ​ണം തി​ന്ന ചോ​റി​നു ന​ന്ദി. ക​ർ​ഷ​ക​രു​ടെ ജീ​വി​തം കൂ​ടു​ത​ൽ ദുഃ​സ​ഹ​മാ​ക്കു​ന്ന ഈ ​നി​യ​മം ഈ​വി​ധം ന​ട​പ്പാ​ക്കാ​ൻ പാ​ടി​ല്ല.
Copyright @ 2018 , Rashtra Deepika Ltd.