ഡല്ഹിയില് നടന്നത് കേന്ദ്ര വിരുദ്ധ സമരമല്ല; കേരളത്തിന്റെ പ്രശ്നങ്ങളാണ് അവതരിപ്പിച്ചത്; മന്ത്രി സജി ചെറിയാന്
Friday, February 9, 2024 12:17 PM IST
തിരുവനന്തപുരം: ഡല്ഹിയില് നടന്നത് കേന്ദ്ര വിരുദ്ധ സമരമല്ലെന്ന് മന്ത്രി സജി ചെറിയാന്. തങ്ങള് കേരളത്തിന്റെ പ്രശ്നങ്ങളെ അവതരിപ്പിക്കുകയായിരുന്നെന്നും മന്ത്രി പ്രതികരിച്ചു.
കേരളത്തിന് കിട്ടേണ്ട വിഹിതം ലഭിക്കണമെന്ന് മാത്രമാണ് ആവശ്യപ്പെടുന്നത്. കേന്ദ്ര, സംസ്ഥാന സര്ക്കാരുകള് തമ്മിലുള്ള ബന്ധം വളരെ പ്രധാനപ്പെട്ടതാണ്. ഇവിടെ വി.ഡി.സതീശന് മാത്രമാണ് വസ്തുതകള് മനസിലാകാത്തതെന്നും മന്ത്രി വിമര്ശിച്ചു.
ക്ഷേമ പെന്ഷന് മുടങ്ങിയതിനേ തുടര്ന്ന് വണ്ടിപ്പെരിയാറില് 90 വയസുകാരി റോഡില് കസേരയിട്ടിരുന്ന് പ്രതിഷേധിച്ച സംഭവത്തിലും മന്ത്രി പ്രതികരിച്ചു. പെന്ഷനായി കുത്തിയിരുന്നത് റിപ്പോര്ട്ട് ചെയ്തിട്ട് കാര്യമില്ല. കൊടുക്കാന് പണം വേണ്ടേ എന്നായിരുന്നു പ്രതികരണം.