ഏ​റ്റു​മാ​നൂ​ർ: വീ​ട്ട​മ്മ​യെ ക​ഴു​ത്ത​റു​ത്ത് കൊ​ല്ല​പ്പെ​ട്ട നി​ല​യി​ൽ വീ​ട്ടി​ൽ ക​ണ്ടെ​ത്തി. തെ​ള്ള​കം പൂ​ഴി​ക്കു​ന്നേ​ൽ ജോ​സി​ന്‍റെ ഭാ​ര്യ ലീ​ന ജോ​സി(55)​നെ​യാ​ണ് ബു​ധ​നാ​ഴ്ച രാ​ത്രി വീ​ടി​നു പു​റ​കി​ൽ അ​ടു​ക്ക​ള​ക്ക് സ​മീ​പം ക​ഴു​ത്ത് മു​റി​ഞ്ഞ് മ​രി​ച്ച നി​ല​യി​ൽ ക​ണ്ടെ​ത്തി​യ​ത്. സം​ഭ​വ​വു​മാ​യി ബ​ന്ധ​പ്പെ​ട്ട് ഭ​ർ​ത്താ​വ് ജോ​സി​നെ പോ​ലീ​സ് ക​സ്റ്റ​ഡി​യി​ലെ​ടു​ത്ത് ചോ​ദ്യം ചെ​യ്തു വ​രി​ക​യാ​ണ്.

തെ​ള്ള​കം ജം​ഗ്ഷ​നു സ​മീ​പം എം​സി റോ​ഡി​നെ​യും ഓ​ൾ​ഡ് എം​സി റോ​ഡി​നെ​യും ബ​ന്ധി​പ്പി​ക്കു​ന്ന റോ​ഡി​ലാ​ണ് സം​ഭ​വം ന​ട​ന്ന വീ​ട്. ലീ​ന​യു​ടെ ഭ​ർ​ത്താ​വും ഇ​ള​യ മ​ക​ൻ തോ​മ​സും ഭ​ർ​ത്താ​വി​ന്‍റെ പി​താ​വ് ചാ​ക്കോ​യും സം​ഭ​വ സ​മ​യ​ത്ത് വീ​ട്ടി​ലു​ണ്ടാ​യി​രു​ന്നെ​ങ്കി​ലും ഇ​വ​രാ​രും വി​വ​ര​മ​റി​ഞ്ഞി​ല്ലെ​ന്നാ​ണ് മൊ​ഴി ന​ൽ​കി​യി​രി​ക്കു​ന്ന​ത്.

മെ​ഡി​ക്ക​ൽ കോ​ള​ജി​നു സ​മീ​പം ഹോ​ട്ട​ൽ ന​ട​ത്തു​ന്ന ഇ​വ​രു​ടെ മൂ​ത്ത മ​ക​ൻ ജെ​റി​ൻ രാ​ത്രി 12.30ന് ​വീ​ട്ടി​ൽ മ​ട​ങ്ങി​യെ​ത്തി​യ​പ്പോ​ഴാ​ണ് അ​മ്മ​യെ മ​രി​ച്ച നി​ല​യി​ൽ ക​ണ്ടെ​ത്തി​യ​ത്. മൃ​ത​ദേ​ഹ​ത്തി​നു സ​മീ​പം ബ്ലേ​ഡ്, ചെ​റി​യ ക​റി​ക്ക​ത്തി, ക​ത്തി, വെ​ട്ടു​ക​ത്തി എ​ന്നി​വ ഉ​ണ്ടാ​യി​രു​ന്നു. ലീ​ന ധ​രി​ച്ചി​രു​ന്ന സ്വ​ർ​ണ മാ​ല​യും ക​മ്മ​ലും ശ​രീ​ര​ത്തി​ൽ ഉ​ണ്ടാ​യി​രു​ന്നി​ല്ല. വീ​ട്ടി​ൽ വി​ശ​ദ​മാ​യ തെര​ച്ചി​ൽ ന​ട​ത്തി​യി​ട്ടും ആ​ഭ​ര​ണ​ങ്ങ​ൾ ക​ണ്ടെ​ത്താ​നാ​യി​ട്ടി​ല്ല.


ഇ​ന്ന​ലെ രാ​വി​ലെ പോ​ലീ​സ് ഉ​ദ്യോ​ഗ​സ്ഥ​ർ എ​ത്തി മേ​ൽന​ട​പ​ടി​ക​ൾ പൂ​ർ​ത്തീ​ക​രി​ച്ച ശേ​ഷം മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ പോ​സ്റ്റ്മോ​ർ​ട്ടം ന​ട​ത്തി. പോ​സ്റ്റ്മോ​ർ​ട്ട​ത്തി​നു ശേ​ഷം വീ​ട്ടി​ൽ എ​ത്തി​ച്ച മൃ​ത​ദേ​ഹം സം​ക്രാ​ന്തി ലി​റ്റി​ൽ ഫ്ല​വ​ർ പ​ള്ളി​യി​ൽ സം​സ്ക​രി​ച്ചു.