അ​ശ്വ​തി മാ​ത്ത​ൻ മ​ല​യാ​ള​ത്തി​ലെ ആ​ദ്യ​ത്തെ വ​നി​താ തി​ര​ക്ക​ഥാ​കൃ​ത്ത്
ക​ണ​ക്കു​ക​ൾ പ്ര​കാ​രം മ​ല​യാ​ള​ത്തി​ലെ 120-ാമ​ത് സി​നി​മ​യാ​ണ് 1964 ഏ​പ്രി​ലി​ൽ ഇ​റ​ങ്ങി​യ "മ​ണ​വാ​ട്ടി.' "ഇ​ട​യ​ക​ന്യ​കേ പോ​വു​ക നീ, ​ഈ അ​ന​ന്ത​മാം ജീ​വി​ത​വീ​ഥി​യി​ൽ', "അ​ഷ്ട​മു​ടി​ക്കാ​യ​യി​ലെ അ​ന്ന​ന​ട​ത്തോ​ണി​യി​ലെ ചി​ന്ന​ക്കി​ളി ചി​ങ്കാ​ര​ക്കി​ളി' തു​ട​ങ്ങി​യ നി​ത്യ​ഹ​രി​ത സൂ​പ്പ​ർ ഹി​റ്റ് ഗാ​ന​ങ്ങ​ളി​ലൂ​ടെ അ​റു​പ​തു വ​ർ​ഷ​ങ്ങ​ൾ​ക്കി​പ്പു​റ​വും മ​ല​യാ​ളി​മ​ന​സി​ൽ മ​ണ​വാ​ട്ടി​ക്ക് ഇ​ട​മു​ണ്ട്. എ​ന്നാ​ൽ, ഈ ​ഗാ​ന​ങ്ങ​ൾ മാ​ത്ര​മ​ല്ല, മ​റ്റൊ​രു ച​രി​ത്ര​പ​ര​മാ​യ പ്ര​ത്യേ​ക​ത​കൂ​ടി ഈ ​സി​നി​മ മ​ല​യാ​ളി​ക​ൾ​ക്കു സ​മ്മാ​നി​ച്ചു. മ​ല​യാ​ള സി​നി​മ​യ്ക്കാ​യി ഒ​രു വ​നി​ത ആ​ദ്യ​മാ​യി തി​ര​ക്ക​ഥ ര​ചി​ച്ച സി​നി​മ​കൂ​ടി​യാ​ണ് മ​ണ​വാ​ട്ടി. മ​ണ​വാ​ട്ടി​യി​ലൂ​ടെ അ​ശ്വ​തി മാ​ത്ത​ൻ എ​ന്ന പെ​ൺ​തി​ര​ക്ക​ഥാ​കൃ​ത്ത് രം​ഗ​പ്ര​വേ​ശം ചെ​യ്തു.

അ​ശ്വ​തി മാ​ത്ത​ൻ

കോ​ട്ട​യം പ​ള്ള​ത്തെ പ്ര​ശ​സ്ത​മാ​യ ക​ല്ലൂ​പ്പ​റ​മ്പി​ൽ കു​ടും​ബ​ത്തി​ൽ 1930 ഒ​ക്‌​ടോ​ബ​ർ എ​ട്ടി​നു ജ​ന​നം. തി​രു​വ​ല്ല ബാ​ലി​കാ​മ​ഠ​ത്തി​ൽ സ്കൂ​ൾ വി​ദ്യാ​ഭ്യാ​സം പൂ​ർ​ത്തി​യാ​ക്കി. തു​ട​ർ​ന്ന് മ​ദ്രാ​സ് വി​മ​ൺ​സ് കോ​ള​ജി​ൽ ചേ​ർ​ന്നു. അ​ക്കാ​ല​ത്തു തി​രു​വി​താം​കൂ​റി​ലെ പ്ര​മു​ഖ വ്യ​വ​സാ​യി സി.​പി. മാ​ത്ത​ന്‍റെ മ​ക​ൻ രാ​ജു എം.​മാ​ത്ത​നു​മാ​യി പ്ര​ണ​യ​ത്തി​ലാ​യി. രാ​ജു മ​ദ്രാ​സ് ലെ​യോ​ള കോ​ള​ജി​ൽ പ​ഠി​ക്കു​ക​യാ​യി​രു​ന്നു. ഇ​രു​വ​രു​ടെ​യും വി​വാ​ഹം 1951 മേ​യ് മൂ​ന്നി​ന് ന​ട​ന്നു.
രാ​ജു​വി​ന്‍റെ സി​നി​മ,

അ​ശ്വ​തി​യു​ടെ ക​ഥ

രാ​ജു എം. ​മാ​ത്ത​ൻ 1963ൽ ​ഒ​രു സി​നി​മ നി​ർ​മി​ക്ക​ണ​മെ​ന്ന ആ​ഗ്ര​ഹം അ​ശ്വ​തി​യു​മാ​യി പ​ങ്കു​വ​ച്ചു. രാ​ജു​വി​ന്‍റെ എ​ല്ലാ ബി​സി​ന​സു​ക​ൾ​ക്കും പൂ​ർ​ണ പി​ന്തു​ണ ന​ൽ​കി​യി​രു​ന്ന അ​ശ്വ​തി പ​ക്ഷേ ഇ​ത്ത​വ​ണ ഒ​രു ഉ​പാ​ധി​വ​ച്ചു; താ​ൻ എ​ഴു​തു​ന്ന ക​ഥ പ​രി​ഗ​ണി​ക്ക​ണം. രാ​ജു​വി​നു പൂ​ർ​ണ സ​മ്മ​തം. ഏ​താ​നും മാ​സ​ങ്ങ​ൾ​കൊ​ണ്ട് അ​ശ്വ​തി മ​ണ​വാ​ട്ടി​യു​ടെ തി​ര​ക്ക​ഥ എ​ഴു​തി പൂ​ർ​ത്തി​യാ​ക്കി.

മൂ​ത്ത​മ​ക​ൾ ത​ങ്ക​ത്തി​ന്‍റെ പേ​രി​ൽ പ​ടു​ത്തു​യ​ർ​ത്തി​യ ത​ങ്കം ഫി​ലിം​സി​ന്‍റെ ബാ​ന​റി​ലാ​ണ് മ​ണ​വാ​ട്ടി നി​ർ​മി​ച്ച​ത്. മ​ദ്രാ​സി​ലെ ന്യൂ​ട്ട​ൺ സ്റ്റു​ഡി​യോ​യി​ലും കൊ​ല്ലം അ​ഷ്ട​മു​ടി​ക്കാ​യ​ലി​ന്‍റെ പ​രി​സ​ര​ത്തു​മാ​യി ചി​ത്രീ​ക​ര​ണം പൂ​ർ​ത്തി​യാ​ക്കി. കെ.​എ​സ്. സേ​തു​മാ​ധ​വ​ൻ സം​വി​ധാ​നം ചെ​യ്ത ഈ ​സി​നി​മ ബോ​ക്സോ​ഫീ​സി​ൽ വ​ൻ വി​ജ​യം നേ​ടി. സ​ത്യ​ൻ, മ​ധു, എ​സ്.​പി. പി​ള്ള, ബ​ഹ​ദൂ​ർ, രാ​ഗി​ണി, കെ.​ആ​ർ. വി​ജ​യ, ആ​റ​ന്മു​ള പൊ​ന്ന​മ്മ, അ​ടൂ​ർ പ​ങ്ക​ജം, ബേ​ബി, വി​നോ​ദി​നി, ഭാ​ര​തി, ഗോ​പി​നാ​ഥ് എ​ന്നി​വ​രാ​യി​രു​ന്നു അ​ഭി​നേ​താ​ക്ക​ൾ.

മ​ണ​വാ​ട്ടി​യു​ടെ ക​ഥ

ആ​ദ്യം ചേ​ട്ട​ന്‍റെ​യും പി​ന്നീ​ട് അ​നു​ജ​ന്‍റെ​യും കാ​മു​കി​യാ​കേ​ണ്ടി വ​ന്ന സൂ​സി എ​ന്ന യു​വ​തി​യു​ടെ പ്ര​ണ​യ സം​ഘ​ർ​ഷ​ങ്ങ​ളാ​ണ് മ​ണ​വാ​ട്ടി​യു​ടെ പ്ര​മേ​യം. ഹൃ​ദ്രോ​ഗി​യാ​യ ബാ​ബു​വി​നെ പ​രി​ച​രി​ക്കാ​നാ​ണ് കോ​ൺ​വെ​ന്‍റി​ൽ ക​ഴി​ഞ്ഞി​രു​ന്ന സൂ​സി അ​യാ​ളു​ടെ വീ​ട്ടി​ൽ എ​ത്തു​ന്ന​ത്. ഏ​താ​നും ദി​വ​സ​ത്തെ പ​രി​ച​ര​ണം​കൊ​ണ്ട് ബാ​ബു​വി​ന്‍റെ അ​സു​ഖം ഭേ​ദ​മാ​കു​ന്നു. എ​ന്നാ​ൽ, അ​തോ​ടൊ​പ്പം സൂ​സി ബാ​ബു​വി​ന്‍റെ ഹൃ​ദ​യ​ത്തി​ൽ ചേ​ക്കേ​റി.

ഇ​തി​നി​ടെ, ആ ​വീ​ട്ടി​ൽ യാ​ദൃ​ച്ഛി​ക​മാ​യി ജോ​സി​നെ സൂ​സി ക​ണ്ടു​മു​ട്ടു​ന്നു. താ​ൻ പ​രി​ച​രി​ക്കു​ന്ന ബാ​ബു​വി​ന്‍റെ അ​നു​ജ​നാ​ണ് ത​ന്‍റെ പ​ഴ​യ കാ​മു​ക​നാ​യ ജോ​സ് എ​ന്ന സ​ത്യം അ​വ​ൾ മ​ന​സി​ലാ​ക്കു​ന്നു. ജോ​സി​ന്‍റെ ഓ​ർ​മ​ക​ളി​ലൂ​ടെ​യാ​ണ് ഇ​രു​വ​രു​ടെ​യും പ്ര​ണ​യം ആ​വി​ഷ്ക​രി​ക്ക​പ്പെ​ടു​ന്ന​ത്. സൂ​സി വീ​ടും പു​ര​യി​ട​വും പ​ണ​യം വ​ച്ചാ​യി​രു​ന്നു ജോ​സി​നെ ഉ​പ​രി​പ​ഠ​ന​ത്തി​നാ​യി അ​യ​ച്ച​ത്. എ​ന്നാ​ൽ, പി​ന്നീ​ട് മാ​താ​പി​താ​ക്ക​ളു​ടെ നി​ർ​ബ​ന്ധ​ത്തി​നു വ​ഴ​ങ്ങി ജോ​സി​ന് ഷീ​ല​യെ വി​വാ​ഹം ക​ഴി​ക്കേ​ണ്ടി വ​ന്നു. എ​ന്നാ​ൽ, ഷീ​ല​യു​ടെ ആ​ഡം​ബ​ര​വും ക്ല​ബ്ജീ​വി​ത​വും ഇ​രു​വ​രു​ടെ​യും ബ​ന്ധ​ത്തെ അ​ക​റ്റി.

സൂ​സി​യെ ബാ​ബു വി​വാ​ഹം ചെ​യ്യു​ന്ന​ത് ജോ​സി​നു താ​ത്പ​ര്യ​മാ​യി​രു​ന്നു. ജോ​സി​ന്‍റെ​യും അ​മ്മ​യു​ടെ​യും നി​ർ​ബ​ന്ധം​മൂ​ലം ബാ​ബു വി​വാ​ഹ​ത്തി​നു സ​മ്മ​തി​ക്കു​ന്നു. ഇ​തി​നി​ട​യി​ൽ ബാ​ബു ഒ​രു ശ​സ്ത്ര​ക്രി​യ​യ്ക്കു വി​ധേ​യ​നാ​കു​ന്നു. ശ​സ്ത്ര​ക്രി​യ മൂ​ലം അ​യാ​ൾ​ക്കു വൈ​വാ​ഹി​ക​ജീ​വി​തം നി​ഷി​ദ്ധ​മാ​ണെ​ന്നു ഡോ​ക്ട​ർ​മാ​ർ വി​ധി​യെ​ഴു​തി. ദാ​മ്പ​ത്യ​ജീ​വി​ത പ്ര​തീ​ക്ഷ​ക​ൾ ത​ക​ർ​ന്ന സൂ​സി കോ​ൺ​വെ​ന്‍റി​ലേ​ക്കു മ​ട​ങ്ങി​പ്പോ​കു​ന്ന​തോ​ടെ സി​നി​മ അ​വ​സാ​നി​ക്കു​ന്നു.
സൂ​സി​യാ​യി രാ​ഗി​ണി​യും ബാ​ബു​വാ​യി മ​ധു​വും ജോ​സാ​യി സ​ത്യ​നും ഷീ​ല​യാ​യി കെ.​ആ​ർ. വി​ജ​യ​യും അ​ഭി​ന​യി​ച്ചു.

സി​നി​മ​യി​ൽ​നി​ന്നു മ​ട​ക്കം

മ​ണ​വാ​ട്ടി​ക്കു ശേ​ഷം മ​റ്റൊ​രു തി​ര​ക്ക​ഥ​കൂ​ടി അ​ശ്വ​തി എ​ഴു​തി. എ​ന്നാ​ൽ, ക​ഥ​യും തി​ര​ക്ക​ഥ​യും മാ​റ്റി എ​ഴു​ത​ണ​മെ​ന്ന് ആ​വ​ശ്യ​പ്പെ​ട്ട സം​വി​ധാ​യ​ക​ന്‍റെ മു​ഖ​ത്തു നോ​ക്കി ച​ങ്കു​റ​പ്പോ​ടെ ത​നി​ക്കു പ​റ്റി​ല്ലെ​ന്നു പ​റ​ഞ്ഞ് സി​നി​മ​യി​ൽ​നി​ന്നു പി​ന്മാ​റി. സി​നി​മ വി​ട്ട ശേ​ഷം ക​റി പൗ​ഡ​ർ നി​ർ​മാ​ണ വ്യ​വ​സാ​യ​ത്തി​ലേ​ക്കു തി​രി​ഞ്ഞു. ചെ​റു​പ്പം മു​ത​ൽ എ​ഴു​തി​യി​രു​ന്ന​തും സ്വ​ന്തം അ​മ്മ​യി​ൽ​നി​ന്നു പ​ഠി​ച്ച​തു​മാ​യ പാ​ച​ക​ക്കൂ​ട്ടു​ക​ൾ ചേ​ർ​ത്ത് "എ​ന്‍റെ ത​റ​വാ​ട് പാ​ച​കം' എ​ന്ന ഗ്ര​ന്ഥം പ്ര​സി​ദ്ധീ​ക​രി​ച്ചു. 2007 ജൂ​ലൈ നാ​ലി​ന് അ​ന്ത​രി​ച്ചു.