ക​ർ​ട്ട​ൻ വീ​ഴാ​തി​രി​ക്കാ​ൻ!
കേ​ര​ള​ത്തി​ലെ പ്ര​ഫ​ഷ​ണ​ൽ നാ​ട​ക​വേ​ദി വ​ള​രു​ക​യാ​ണോ, ത​ള​രു​ക​യാ​ണോ? പു​ഷ്ടി പ്രാ​പി​ക്കു​ക​യാ​ണോ അ​തോ മ​ന്ദീ​ഭ​വി​ക്കു​ക​യാ​ണോ? ത​ള​രു​ക​യാ​ണെ​ങ്കി​ൽ അ​ഥ​വാ മ​ന്ദീ​ഭ​വി​ക്കു​ക​യാ​ണെ​ങ്കി​ൽ അ​തി​ന്‍റെ കാ​ര​ണ​മെ​ന്ത്?

ഒ​രു​കാ​ല​ത്തു കേ​ര​ള​ത്തി​ലെ പ്ര​ഫ​ഷ​ണ​ൽ നാ​ട​ക​വേ​ദി അ​തി​ശ​ക്ത​വും പു​ഷ്ക​ല​വു​മാ​യി​രു​ന്നു. ഭാ​ര​ത​ത്തി​ലെ ഇ​ത​ര സം​സ്ഥാ​ന​ങ്ങ​ൾ​ക്കു പോ​ലും കേ​ര​ള​ത്തി​ലെ പ്ര​ഫ​ഷ​ണ​ൽ നാ​ട​ക​ങ്ങ​ൾ മാ​തൃ​ക​യും പ്ര​ചോ​ദ​ന​വു​മാ​യി വ​ർ​ത്തി​ച്ചു. അ​ങ്ങ​നെ ബ​ലി​ഷ്ഠ​മാ​യ അ​ടി​ത്ത​റ​യി​ൽ നി​ല​കൊ​ണ്ടി​രു​ന്ന, ക​രു​ത്തു​റ്റ നാ​ട​ക​ങ്ങ​ൾ​കൊ​ണ്ടു സ​ന്പ​ന്ന​മാ​യി​രു​ന്ന ന​മ്മു​ടെ നാ​ട​ക​വേ​ദി​ക്ക് ഇ​തെ​ന്തു​പ​റ്റി?

കു​റെ വ​ർ​ഷ​ങ്ങ​ളാ​യി പ്ര​ഫ​ഷ​ണ​ൽ നാ​ട​ക​ങ്ങ​ളെ സ്ഥി​ര​മാ​യി വീ​ക്ഷി​ച്ചു​കൊ​ണ്ടി​രി​ക്കു​ന്ന വ്യ​ക്തി​യെ​ന്ന നി​ല​യി​ൽ എ​നി​ക്കു ധൈ​ര്യ​മാ​യി പ​റ​യാ​ൻ ക​ഴി​യും, ഈ ​നാ​ട​ക​വേ​ദി ത​ള​രു​ക​യാ​ണ്. നാ​ട​ക​ങ്ങ​ളു​ടെ ഗു​ണ​നി​ല​വാ​രം താ​ഴോ​ട്ടു പോ​കു​ക​യാ​ണ്. എ​ന്താ​ണി​തി​നു കാ​ര​ണം? എ​വി​ടെ​യാ​ണ് പ്ര​ശ്നം?

എ​ന്താ​ണ് കാ​ര​ണം?

ന​ല്ല ര​ച​ന​ക​ളി​ല്ലാ​ഞ്ഞി​ട്ടാ​ണോ? സ​മ​ർ​ഥ​രാ​യ നാ​ട​ക​ര​ച​യി​താ​ക്ക​ളി​ല്ലാ​ഞ്ഞി​ട്ടാ​ണോ? പ്ര​തി​ഭാ​സ​ന്പ​ന്ന​രാ​യ സം​വി​ധാ​യ​ക​രു​ടെ കു​റ​വാ​ണോ? മി​ക​ച്ച ന​ടീ​ന​ട​ന്മാ​രെ ല​ഭി​ക്കാ​ഞ്ഞി​ട്ടാ​ണോ? പു​തി​യ ന​ടി​ക​ൾ രം​ഗ​ത്തു വ​രാ​ഞ്ഞി​ട്ടാ​ണോ? അ​തോ സാ​ങ്കേ​തി​ക​വി​ദ​ഗ്ധ​രു​ടെ അ​ഭാ​വ​മാ​ണോ?

ഞാ​ൻ അ​മ​ച്വ​ർ നാ​ട​ക​രം​ഗ​ത്തു പ്ര​വ​ർ​ത്തി​ക്കാ​ൻ തു​ട​ങ്ങി​യി​ട്ട് ഏ​ഴ് പ​തി​റ്റാ​ണ്ട് ക​ഴി​ഞ്ഞു. ഒ​ട്ട​ന​വ​ധി സാ​മൂ​ഹ്യ​നാ​ട​ക​ങ്ങ​ൾ ഞാ​നെ​ഴു​തി പ്ര​സി​ദ്ധീ​ക​രി​ച്ച​ത് അ​മ​ച്വ​ർ ക​ലാ​സം​ഘ​ട​ന​ക​ൾ​ക്കു വേ​ണ്ടി​യാ​ണ്. എ​ന്നാ​ൽ, ഇ​തേ കാ​ല​യ​ള​വി​ൽ​ത​ന്നെ സ​മാ​ന്ത​ര​മാ​യി പ്ര​ഫ​ഷ​ണ​ൽ രം​ഗ​ത്തു പ്ര​മു​ഖ​രും പ്ര​ഗ​ത്ഭ​രു​മാ​യ എ​ഴു​ത്തു​കാ​രു​ടെ ഒ​ട്ടേ​റെ നാ​ട​ക​ങ്ങ​ൾ അ​ര​ങ്ങു​ത​ക​ർ​ക്കു​ക​യാ​യി​രു​ന്നു.

നാ​ല്പ​ത് - അ​ന്പ​ത് വ​ർ​ഷ​ങ്ങ​ൾ​ക്കു​മു​ന്പ് ക​ണ്ട​താ​യ എ​ത്ര​യോ നാ​ട​ക​ങ്ങ​ൾ എ​ന്‍റെ മ​ന​സി​ൽ ഇ​ന്നും പ​ച്ച​വി​ടാ​തെ നി​ൽ​ക്കു​ന്നു. തോ​പ്പി​ൽ ഭാ​സി​യു​ടെ അ​ശ്വ​മേ​ധം, പു​തി​യ ആ​കാ​ശം പു​തി​യ ഭൂ​മി, എ​ൻ.​എ​ൻ. പി​ള്ള​യു​ടെ ക്രോ​സ് ബെ​ൽ​റ്റ്, കാ​പാ​ലി​ക, എ​സ്.​എ​ൽ. പു​ര​ത്തി​ന്‍റെ അ​ഗ്നി​പു​ത്രി, കാ​ട്ടു​കു​തി​ര, കെ.​ടി. മു​ഹ​മ്മ​ദി​ന്‍റെ സൃ​ഷ്ടി, സ്ഥി​തി, സം​ഹാ​രം തു​ട​ങ്ങി​യ നാ​ട​ക​ങ്ങ​ൾ, കാ​ളി​ദാ​സ ക​ലാ​കേ​ന്ദ്രം അ​വ​ത​രി​പ്പി​ച്ച വൈ​ക്കം ച​ന്ദ്ര​ശേ​ഖ​ര​ൻ​നാ​യ​രു​ടെ ഡോ​ക്ട​ർ, പൊ​ൻ​കു​ന്നം വ​ർ​ക്കി​യു​ടെ വി​ശ​റി​ക്കു കാ​റ്റു​വേ​ണ്ട, അ​ൾ​ത്താ​ര, പി.​ജെ. ആ​ന്‍റ​ണി എ​ഴു​തി ച​ങ്ങ​നാ​ശേ​രി ഗീ​ഥ അ​വ​ത​രി​പ്പി​ച്ച ര​ശ്മി, മ​ണ്ണ് എ​ന്നീ നാ​ട​ക​ങ്ങ​ൾ. ഇ​വ ഏ​താ​നും ഉ​ദാ​ഹ​ര​ണ​ങ്ങ​ൾ മാ​ത്രം. ഈ ​നാ​ട​ക​ങ്ങ​ളെ​ല്ലാം അ​ര​ങ്ങ​ത്തെ അ​നു​ഭ​വ​ങ്ങ​ളാ​യി​രു​ന്നു.

തി​ല​ക​നും രാ​ജ​ൻ പി. ​ദേ​വും

2009ൽ ​അ​ന്ത​രി​ച്ച അ​നു​ഗൃ​ഹീ​ത ന​ട​ൻ രാ​ജ​ൻ പി. ​ദേ​വ് അ​ഭി​ന​യി​ച്ച കാ​ട്ടു​കു​തി​ര! അ​തി​ൽ അ​ദ്ദേ​ഹം അ​ഭി​ന​യി​ക്കു​ക​യ​ല്ല ജീ​വി​ക്കു​ക​യാ​യി​രു​ന്നു. അ​ന​ന്യ​സാ​ധാ​ര​ണ​മാ​യ ന​ട​ന​വൈ​ഭ​വം കൊ​ണ്ടും ന​ർ​മ​ര​സം ക​ല​ർ​ത്തി​യു​ള്ള സം​ഭാ​ഷ​ണ​പ്ര​യോ​ഗം കൊ​ണ്ടും ത​നി​ക്കു​മാ​ത്രം സാ​ധി​ക്കു​ന്ന ഒ​രു പ്ര​ത്യേ​ക ഭാ​വ​ശൈ​ലി​കൊ​ണ്ടും അ​തി​ലെ കൊ​ച്ചു​വാ​വ എ​ന്ന ക​ഥാ​പാ​ത്ര​ത്തെ അ​ദ്ദേ​ഹം അ​ന​ശ്വ​ര​മാ​ക്കി. ആ​യി​ര​ത്തി​ലേ​റെ വേ​ദി​ക​ളി​ലാ​ണ് കാ​ട്ടു​കു​തി​ര അ​തി​ന്‍റെ കു​ള​ന്പ​ടി​ശ​ബ്ദം കേ​ൾ​പ്പി​ച്ച​ത്.

അ​തു​പോ​ലെ​ത​ന്നെ പി.​ജെ. ആ​ന്‍റ​ണി ര​ചി​ച്ച ര​ശ്മി​യി​ലെ വൈ​ദി​ക​ന്‍റെ റോ​ളി​ൽ തി​ല​ക​ൻ കാ​ഴ്ച​വ​ച്ച​ത് അ​വി​സ്മ​ര​ണീ​യ​മാ​യ അ​ഭി​ന​യ​മാ​യി​രു​ന്നു. ഭാ​വ​ഗാം​ഭീ​ര്യം​കൊ​ണ്ടും ശ​ബ്ദ​ത്തി​ലെ നി​യ​ന്ത്ര​ണം​കൊ​ണ്ടും രം​ഗ​വേ​ദി​യി​ലെ ഉ​ചി​ത​ച​ല​നം​കൊ​ണ്ടും മൗ​നം​കൊ​ണ്ടു വാ​ചാ​ല​മാ​ക്കി​യ നി​മി​ഷ​ങ്ങ​ൾ​കൊ​ണ്ടും തി​ല​ക​ൻ സ​മ​സ്ത​പ്രേ​ക്ഷ​ക​രു​ടെ​യും മ​നം​ക​വ​ർ​ന്നു.

സാ​ന്ദ​ർ​ഭി​ക​മാ​യി പ​റ​യ​ട്ടെ, 2006ൽ ​ഞാ​ൻ കേ​ര​ള സം​ഗീ​ത​നാ​ട​ക അ​ക്കാ​ദ​മി ചെ​യ​ർ​മാ​നാ​യി​രി​ക്കെ, മ​ല​യാ​ള നാ​ട​ക​വേ​ദി​ക്കു ന​ൽ​കി​യ സ​മ​ഗ്ര​സം​ഭാ​വ​ന​യ്ക്കു​ള്ള സം​ഗീ​ത​നാ​ട​ക അ​ക്കാ​ദ​മി​യു​ടെ പു​ര​സ്കാ​രം തി​ല​ക​ന്, മു​ൻ ചെ​യ​ർ​മാ​ൻ കെ.​ടി. മു​ഹ​മ്മ​ദി​ന്‍റെ സാ​ന്നി​ധ്യ​ത്തി​ൽ കോ​ഴി​ക്കോ​ട് ടാ​ഗോ​ർ സെ​ന്‍റി​ന​റി ഹാ​ളി​ൽ​വ​ച്ചു ന​ൽ​കി ആ​ദ​രി​ച്ചു.

എ​ണ്ണം കൂ​ടി​യ​പ്പോ​ൾ

മു​ന്പേ സൂ​ചി​പ്പി​ച്ച നാ​ട​ക​ങ്ങ​ൾ മി​ക്ക​തും വെ​റും ര​ച​ന​ക​ളാ​യി​രു​ന്നി​ല്ല, ക​റ​തീ​ർ​ന്ന ക​ലാ​ശി​ല്പ​ങ്ങ​ളാ​യി​രു​ന്നു. അ​ന്നു പ്ര​ഫ​ഷ​ണ​ൽ നാ​ട​ക​ങ്ങ​ളെ​ഴു​തി​യ​വ​ർ സാ​ഹി​ത്യ​കാ​ര​ഗ​ണ​ത്തി​ൽ​പെ​ട്ട പേ​രെ​ടു​ത്ത എ​ഴു​ത്തു​കാ​രാ​യി​രു​ന്നു. വ​ർ​ഷ​ത്തി​ൽ ഒ​രു നാ​ട​കം! ന​ല്ല പ്ര​മേ​യം ക​ണ്ടു​പി​ടി​ച്ച്, ന​ന്നാ​യി ചി​ന്തി​ച്ച്, മ​ന​നം​ചെ​യ്തു, മ​ന​സി​ലി​ട്ടു പാ​ക​പ്പെ​ടു​ത്തി, ഒ​രു ത​പ​സു​പോ​ലെ, നീ​ണ്ട​നാ​ളു​ക​ളെ​ടു​ത്താ​ണ് അ​വ​ർ നാ​ട​ക​മെ​ഴു​തി​യി​രു​ന്ന​ത്. അ​തി​ന്‍റെ ഗു​ണ​വും മി​ക​വും രം​ഗ​വേ​ദി​യി​ൽ ദ​ർ​ശി​ച്ചു.

അ​ക്കാ​ല​ത്തു കേ​ര​ള​ത്തി​ൽ അ​ന്പ​തോ​ളം പ്ര​ഫ​ഷ​ണ​ൽ നാ​ട​ക​സം​ഘ​ങ്ങ​ളേ ഉ​ണ്ടാ​യി​രു​ന്നു​ള്ളൂ. പി​ന്നീ​ട് അ​തു വ​ർ​ധി​ച്ചു വ​ർ​ധി​ച്ചു മു​ന്നൂ​റോ​ളം സം​ഘ​ങ്ങ​ളാ​യി. ഇ​വ​ർ​ക്കെ​ല്ലാം നാ​ട​ക​ങ്ങ​ളും വേ​ണം. അ​ങ്ങ​നെ​വ​ന്ന​പ്പോ​ൾ നാ​ട​ക​മെ​ഴു​താ​ൻ ആ​ളി​ല്ലാ​താ​യി.

പ്ര​ഫ​ഷ​ണ​ൽ സം​ഘ​ങ്ങ​ൾ എ​ന്തു​ചെ​യ്യും? പ​രി​ച​യ​വും പ​ക്വ​ത​യും പാ​ര​ന്പ​ര്യ​വു​മി​ല്ലാ​ത്ത പു​തി​യ പു​തി​യ എ​ഴു​ത്തു​കാ​ർ സം​ഘ​ങ്ങ​ൾ​ക്കു നാ​ട​ക​മെ​ഴു​തി​ക്കൊ​ടു​ക്കാ​ൻ തു​ട​ങ്ങി. ആ​ദ്യം തൂ​ലി​ക കൈ​യി​ലെ​ടു​ത്ത​വ​ർ​പോ​ലും പ്ര​ഫ​ഷ​ണ​ൽ നാ​ട​ക​ങ്ങ​ളി​ൽ കൈ​വ​ച്ചു.

കൂ​ട്ട​ത്തി​ൽ ഭേ​ദ​പ്പെ​ട്ട നാ​ട​ക​ങ്ങ​ളെ​ഴു​തി​യ ചി​ല​ർ ശ്ര​ദ്ധി​ക്ക​പ്പെ​ട്ടു. അ​തോ​ടെ അ​വ​രെ​ക്കൊ​ണ്ടു ഒ​രേ​വ​ർ​ഷം​ത​ന്നെ വി​വി​ധ ട്രൂ​പ്പു​ക​ൾ നാ​ട​ക​മെ​ഴു​തി​ക്കാ​ൻ തു​ട​ങ്ങി. ചു​രു​ക്ക​ത്തി​ൽ ഡി​മാ​ൻ​ഡ് അ​നു​സ​രി​ച്ചു സ​പ്ലൈ ചെ​യ്യു​ന്ന ഫാ​ക്ട​റി​ക​ളാ​യി മാ​റി ചി​ല എ​ഴു​ത്തു​കാ​ർ. അ​പ്പോ​ൾ വ​ന്നു​ഭ​വി​ച്ച സ്ഥി​തി​വി​ശേ​ഷ​മെ​ന്താ​ണ്? നാ​ട​ക​ങ്ങ​ളു​ടെ എ​ണ്ണം കൂ​ടി.

പ​ക്ഷേ, ഗു​ണ​നി​ല​വാ​രം കു​റ​ഞ്ഞു. എ​ന്തൊ​ക്കെ ക​ഴി​വു​ണ്ടാ​യാ​ലും ഒ​രു വ​ർ​ഷ​ത്തി​ൽ എ​ത്ര നാ​ട​ക​ങ്ങ​ൾ എ​ഴു​താ​ൻ ക​ഴി​യും ഒ​രാ​ൾ​ക്ക്? താ​ര​ത​മ്യേ​ന ഭേ​ദ​പ്പെ​ട്ട നാ​ട​ക​മെ​ഴു​തി​യ​വ​ർ രം​ഗ​ത്തു പി​ടി​ച്ചു​നി​ൽ​ക്കു​ന്നു. അ​വ​ർ ജൈ​ത്ര​യാ​ത്ര തു​ട​രു​ന്നു. മ​റ്റു പ​ല നാ​ട​ക​കൃ​ത്തു​ക്ക​ളും ഈ ​മ​ത്സ​ര​യോ​ട്ട​ത്തി​ൽ പ​ങ്കു​ചേ​രു​ന്നു. പ​ക്ഷേ, ഒ​പ്പ​മെ​ത്താ​ൻ ക​ഴി​യാ​തെ കി​ത​യ്ക്കു​ക​യും ത​ള​രു​ക​യും ചെ​യ്യു​ന്നു.

ഇ​താ​ണ് ഇ​ന്ന​ത്തെ പ്ര​ഫ​ഷ​ണ​ൽ നാ​ട​ക​ങ്ങ​ളു​ടെ അ​വ​സ്ഥ. ശ​രാ​ശ​രി വി​ജ​യം മാ​ത്രം ക​ര​സ്ഥ​മാ​ക്കു​ന്ന ഇ​ത്ത​രം നാ​ട​ക​ങ്ങ​ൾ കേ​ര​ള​ത്തി​ലെ പ്ര​ഫ​ഷ​ണ​ൽ നാ​ട​ക​വേ​ദി​യെ ഉ​ന്ന​തി​യി​ലേ​ക്ക് ഉ​യ​ർ​ത്തു​ന്നു എ​ന്നു പ​റ​യാ​നാ​വു​മോ?

(തു​ട​രും)

സി.​എ​ൽ.​ജോ​സ്