വ​ട​ക്ക​ഞ്ചേ​രി: രാ​പ്പ​ക​ൽ വ്യ​ത്യാ​സ​മി​ല്ലാ​തെ അ​ഞ്ചു​മാ​സ​ക്കാ​ലം ക​ണ്ണി​ലെ​ണ്ണ​യൊ​ഴി​ച്ച് സം​ര​ക്ഷി​ച്ച കൂ​ർ​ക്ക​കൃ​ഷി​യു​ടെ വി​ള​വെ​ടു​പ്പി​ലാ​ണ് അ​ഞ്ചു​മൂ​ർ​ത്തി​മം​ഗ​ലം ഐ​ടി​സി​ക്ക​ടു​ത്തെ കൊ​ള​വ​ള്ളി​യി​ലെ സ്വാ​മി​നാ​ഥ​നും ഭാ​ര്യ ദേ​വു​വും.

പ​ന്നി​ക്കൂ​ട്ട​ങ്ങ​ളി​ൽ​നി​ന്നും കൃ​ഷി ര​ക്ഷി​ക്ക​ലാ​ണു ഏ​റെ ദു​ർ​ഘ​ട​മെ​ന്നു ര​ണ്ടു​പ​തി​റ്റാ​ണ്ടാ​യി കൂ​ർ​ക്ക​കൃ​ഷി ന​ട​ത്തി​വ​രു​ന്ന ഈ ​ക​ർ​ഷ​ക ദ​മ്പ​തി​ക​ൾ പ​റ​യു​ന്നു. മ​യി​ൽ​ശ​ല്യ​വും രൂ​ക്ഷ​മാ​ണ്.

കൃ​ഷി​യെ ര​ക്ഷി​ച്ചെ​ടു​ക്കാ​ൻ ഷെ​ഡ്കെ​ട്ടി രാ​വും​പ​ക​ലും കൃ​ഷി​യി​ട​ത്തി​ൽ കാ​വ​ലി​രു​ന്നു. വൈ​കു​ന്നേ​ര​മാ​കു​ന്ന​തോ​ടെ പ​ന്നി​ക്കൂ​ട്ട​ങ്ങ​ളു​ടെ വ​ര​വു​തു​ട​ങ്ങും.

കൂ​ടു​ത​ൽ ആ​ക്ര​മ​ണ​കാ​രി​ക​ളാ​ണെ​ന്നു​ക​ണ്ടാ​ൽ പ​ട​ക്കം​പൊ​ട്ടി​ച്ച് തു​ര​ത്ത​ണം. പ​ട​ക്കം​ത​ന്നെ വ​ലി​യൊ​രു തു​ക​യ്ക്ക് വാ​ങ്ങേ​ണ്ടി വ​ന്നു​വെ​ന്നു ദേ​വു പ​റ​ഞ്ഞു. എ​ങ്കി​ലും ഇ​ത്ത​വ​ണ പ​ന്നി​ശ​ല്യം രൂ​ക്ഷ​മാ​യി​ട്ടും വി​ള​വെ​ടു​ക്കാ​ൻ ക​ഴി​ഞ്ഞ​തി​ന്‍റെ സ​ന്തോ​ഷ​ത്തി​ലാ​ണ് ഇ​രു​വ​രും.

വീ​ട്ടി​ൽ​നി​ന്നും ഒ​രു​കി​ലോ​മീ​റ്റ​റോ​ളം​മാ​റി അ​ണ​ക്ക​പ്പാ​റ​യി​ൽ ദേ​ശീ​യ പാ​ത​യോ​ര​ത്തെ പാ​ടം പാ​ട്ട​ത്തി​നെ​ടു​ത്താ​ണു ഇ​വ​ർ കൂ​ർ​ക്ക​കൃ​ഷി ന​ട​ത്തി​യ​ത്.

കൂ​ടു​ത​ൽ സ്ഥ​ലം പാ​ട്ട​ത്തി​നെ​ടു​ത്തി​രു​ന്നെ​ങ്കി​ലും അ​സു​ഖ​ത്തെ തു​ട​ർ​ന്ന് പ​ത്തു​സെ​ന്‍റ് സ്ഥ​ല​ത്തു മാ​ത്ര​മാ​യി​രു​ന്നു കൃ​ഷി.

കൂ​ർ​ക്ക​ക്ക് ഭേ​ദ​പ്പെ​ട്ട വി​ള​വു​ണ്ടെ​ങ്കി​ലും വി​പ​ണി​യാ​ണ് ഈ ​കൃ​ഷി ദ​മ്പ​തി​ക​ളെ വ​ല​യ്ക്കു​ന്ന​ത്. കി​ലോ​യ്ക്ക് 40 രൂ​പ നി​ര​ക്കി​ൽ പാ​ട​ത്തെ കൃ​ഷി​യി​ട​ത്തി​ൽ​ത​ന്നെ ഇ​വ​ർ ചി​ല്ല​റ വി​ല്പ​ന ന​ട​ത്തു​ന്നു​ണ്ട്.

കൃ​ഷി​യി​ട​ത്തി​ൽ ത​ന്നെ കൂ​ർ​ക്ക വി​റ്റു​തീ​ർ​ന്നി​ല്ലെ​ങ്കി​ൽ വാ​ഹ​നം വാ​ട​ക​യ്ക്കു​വി​ളി​ച്ച് തൃ​ശൂ​ർ മാ​ർ​ക്ക​റ്റി​ലെ​ത്തി​ക്ക​ണം. ചെ​ല​വ് ക​ണ​ക്കാ​ക്കു​മ്പോ​ൾ അ​ത് ലാ​ഭ​ക​ര​മാ​കി​ല്ലെ​ന്നാ​ണ് ഇ​വ​ർ പ​റ​യു​ന്ന​ത്.

കൂ​ർ​ക്ക വി​റ്റു​കി​ട്ടു​ന്ന തു​ക​കൊ​ണ്ടു​വേ​ണം ഇ​നി ചെ​ല​വു​ക​ളെ​ല്ലാം കൂ​ട്ടി​മു​ട്ടി​ച്ച് എ​ന്തെ​ങ്കി​ലു​മൊ​ക്കെ വ​രു​മാ​നം ക​ണ​ക്കാ​ക്കാ​നെ​ന്നും ഇ​വ​ർ പ​റ​യു​ന്നു. ഉ​റ​ക്ക​വും വി​ശ്ര​മ​വും ഇ​ല്ലാ​തെ​യു​ള്ള ഇ​വ​രു​ടെ ക​ഷ്ട​പ്പാ​ടു​ക​ൾ​ക്ക് വി​ല ക​ണ​ക്കാ​ക്കു​മ്പോ​ൾ കൃ​ഷി ക​ണ​ക്കു​ക​ൾ അ​നു​കൂ​ല​മാ​കി​ല്ലെ​ന്ന് ഇ​വ​ർ​ക്ക​റി​യാ​മെ​ങ്കി​ലും അ​റി​യാ​വു​ന്ന തൊ​ഴി​ൽ ചെ​യ്യു​ക​യാ​ണെ​ന്നു സ്വാ​മി​നാ​ഥ​ൻ പ​റ​ഞ്ഞു.