ഹൊറൈസണ്‍ മോട്ടോഴ്‌സ് അഖിലകേരള വടംവലി മത്സരം ഇന്നു തൊടുപുഴയില്‍
1467568
Saturday, November 9, 2024 4:00 AM IST
തൊടുപുഴ: ഹൊറൈസണ്‍ മോട്ടോഴ്‌സും കേരള വടംവലി അസോസിയേഷനും സംയുക്തമായി നടത്തുന്ന അഖില കേരള വടംവലി മത്സരം ഇന്നു വൈകുന്നേരം ആറിനു വെങ്ങല്ലൂർ സോക്കര്‍ സ്‌കൂള്‍ മൈതാനത്ത് നടക്കും.
കാണികള്‍ക്കായി ഗാലറി ഒരുക്കുന്ന ഇടുക്കിയിലെ ഏക വടംവലി മത്സരമാണിത്. പുരുഷന്മാര്‍ക്കും വനിതകള്‍ക്കും പ്രത്യേകം മത്സരങ്ങളുണ്ട്. 455 കിലോ കാറ്റഗറിയില്‍ നടക്കുന്ന മത്സരത്തില്‍ രണ്ടു ലക്ഷം രൂപയുടെ സമ്മാനങ്ങളാണ് നല്‍കുന്നത്. ""സുരക്ഷിതമായി വാഹനമോടിക്കൂ, ജീവന്‍ രക്ഷിക്കൂ'' എന്ന സന്ദേശം ജനങ്ങളിലേക്ക് എത്തിക്കുന്നതിന്‍റെ ഭാഗമായാണ് വടംവലി മത്സരം സംഘടിപ്പിക്കുന്നതെന്ന് ഹൊറൈസണ്‍ ഗ്രൂപ്പ് മാനേജിംഗ് ഡയറക്ടര് എബിന്‍ ഷാജി കണ്ണിക്കാട്ട് പറഞ്ഞു.
മഞ്ഞള്ളൂര്‍ പഞ്ചായത്ത് പ്രസിഡന്‍റ് ആന്‍സി ജോസ്, എറണാകുളം ക്രൈംബ്രാഞ്ച് എസ്പി വി.ഐ. കുര്യാക്കോസ്, തൊടുപുഴ എന്‍ഫോഴ്‌സ്‌മെന്‍റ് ആര്‍ടിഒ കെ.കെ. രാജീവ്, തൊടുപുഴ ഡിവൈഎസ്പി ഇമ്മാനുവല്‍ പോള്‍, മഞ്ഞള്ളൂര്‍ പഞ്ചായത്തംഗം കെ.വി. സുനില്‍, ഇടുക്കി പ്രസ്‌ക്ലബ് പ്രസിഡന്‍റ് വിനോദ് കണ്ണോളി,
തൊടുപുഴ മര്‍ച്ചന്‍റ് അസോസിയേഷന്‍ പ്രസിഡന്‍റ് ടി.സി. രാജു, ഹൊറൈസണ്‍ ഗ്രൂപ്പ് മാനേജിംഗ് ചെയര്‍മാന്‍ ഷാജി ജെ. കണ്ണിക്കാട്ട്, മാനേജിംഗ് ഡയറക്ടര് എബിന്‍ ഷാജി കണ്ണിക്കാട്ട്, ഹൊറൈസണ്‍ മോട്ടോഴ്‌സ് ഗ്ലോബല്‍ സിഇഒ അലക്‌സ് അലക്‌സാണ്ടര്‍ എന്നിവര്‍ പങ്കെടുക്കും.