കട്ടപ്പന: എൽഡിഎഫ് സ്ഥാനാർഥി ജോയ്സ് ജോർജ് ഇന്നലെ കട്ടപ്പന ബാർ അസോസിയേഷനിലെത്തി സുഹൃത്തുക്കളോടും സഹപ്രവർത്തകരോടും വോട്ടഭ്യർഥിച്ചു. കോടതി ജീവനക്കാരുടെയും അഭിഭാഷകരുടെയും വോട്ട് ഉറപ്പിച്ച സ്ഥാനാർഥി അവരോടൊപ്പം ഉച്ചയൂണും കഴിച്ചാണ് മടങ്ങിയത്.
രാവിലെ 7.30 ന് പാന്പാടുംപാറ കേരള കാർഷിക സർവകലാശാല ഏലം ഗവേഷണകേന്ദ്രം സന്ദർശിച്ചാണ് സ്ഥാനാർഥി പര്യടനം ആരംഭിച്ചത്. ജീവനക്കാർ മാലയിട്ട് സ്ഥാനാർഥിയെ സ്വീകരിച്ചു. തുടർന്ന് കൽക്കൂന്തൽ, താന്നിമൂട്, പാന്പാടുംപാറ, നെടുങ്കണ്ടം എന്നിവിടങ്ങളിൽ സംഘടിപ്പിച്ച കുടുംബയോഗങ്ങളിലും പങ്കെടുത്തു.
ഇന്ന് മൂവാറ്റുപുഴ നിയോജക മണ്ഡലത്തിൽ പര്യടനം നടത്തും. രാവിലെ ഏഴിന് കാലാന്പൂരിൽ നിന്ന് പര്യടനം ആരംഭിക്കും. തുടർന്ന് മൂങ്ങാംകുന്ന് ജംഗ്ഷൻ, പാലക്കുഴ, പാലക്കുഴ, മാറിക, ആരക്കുഴ, കണ്ണങ്ങാടി, പെരിങ്ങഴ, പേട്ട, മാറാടി, കാവക്കാട്, പേരമംഗലം, കുളങ്ങാട്ടുപാറ, കലൂർ എന്നിവിടങ്ങളിൽ വോട്ട് തേടും. കടവൂർ ലക്ഷംവീട് കോളനി, തൊണ്ണൂറാം കോളനി, കല്ലൂർകാട് ലക്ഷംവീട് കോളനി, ആറൂർ കോളനി എന്നിവിടങ്ങളിലെ നാട്ടുകൂട്ടത്തിലും പങ്കെടുക്കും.