കാഞ്ഞിരപ്പള്ളി: സര്‍വീസ് സഹകരണ ബാങ്കിന്‍റെ മുന്‍ പ്രസിഡന്‍റ് കെ. ജോര്‍ജ് വര്‍ഗീസ് അനുസ്മരണവും ഛായാചിത്ര അനാച്ഛാദനവും ഇന്നു രാവിലെ 11.30ന് ബാങ്ക് കോണ്‍ഫറന്‍സ് ഹാളില്‍ നടക്കും. കാഞ്ഞിരപ്പള്ളി രൂപതാധ്യക്ഷന്‍ മാര്‍ ജോസ് പുളിക്കല്‍, ചീഫ്‌ വിപ്പ് ഡോ. എന്‍. ജയരാജ്, ആന്‍റോ ആന്‍റണി എംപി, സെബാസ്റ്റ്യന്‍ കുളത്തുങ്കല്‍ എംഎല്‍എ, ബാങ്ക് പ്രസിഡന്‍റ് സ്റ്റനിസ്ലാവോസ് വെട്ടിക്കാട്ട്, സാമൂഹിക, സാംസ്കാരിക, രാഷ്‌ട്രീയ രംഗത്തെ പ്രമുഖര്‍ തുടങ്ങിയവർ പങ്കെടുക്കുമെന്ന് ബാങ്ക് അധികൃതര്‍ അറിയിച്ചു.
പൂർവവിദ്യാർഥി സംഗമം
കാഞ്ഞിരപ്പള്ളി: കുന്നുംഭാഗം ഗവൺമെന്‍റ് ഹൈസ്കൂളിലെ 1995 എസ്എസ്എൽസി ബാച്ച് വിദ്യാർഥികളുടെ സംഗമം 11ന് രാവിലെ 10.30ന് ദി കപ്സ് ഓഡിറ്റോറിയത്തിൽ നടക്കും. സംഗമത്തിന്‍റെ ഭാഗമായി വിവിധ കലാപരിപാടികളും നടത്തുമെന്നു സംഘാടക സമിതി അറിയിച്ചു.
കുടുംബശ്രീ വാർഷികവും റാലിയും
എരുമേലി: കുടുംബശ്രീ രജതജൂബിലി വർഷത്തോടനുബന്ധിച്ചു എരുമേലിയിൽ സിഡിഎസ് വാർഷികസമ്മേളനവും സാംസ്കാരിക റാലിയും നടന്നു. സെബാസ്റ്റ്യൻ കുളത്തുങ്കൽ എംഎൽഎ റാലി ഫ്ലാഗ് ഓഫ്‌ ചെയ്തു. പൊതുസമ്മേളനത്തിന്‍റെ ഉദ്ഘാടനം കാഞ്ഞിരപ്പള്ളി ബ്ലോക്ക്‌ പഞ്ചായത്ത് പ്രസിഡന്‍റ് അജിത രതീഷ് നിർവഹിച്ചു. പഞ്ചായത്ത് പ്രസിഡന്‍റ് സുബി സണ്ണി അധ്യക്ഷത വഹിച്ചു.
കുടുംബശ്രീ ജില്ലാ ഓഫീസർ അഭിലാഷ് ദിവാകർ, സിഡിഎസ് ചെയർപേഴ്സൺ അമ്പിളി സജീവൻ, ബ്ലോക്ക്‌ പഞ്ചായത്ത് മെംബർമാരായ ജൂബി അഷറഫ്, കൃഷ്ണകുമാർ, പഞ്ചായത്തംഗങ്ങളായ മറിയാമ്മ ജോസഫ്, ടി.വി. ഹർഷകുമാർ, സുനിൽ ചെറിയാൻ, ഷാനവാസ്, നാസർ പനച്ചിയിൽ, ജെസ്‌ന നജീബ്, തങ്കമ്മ ജോർജുകുട്ടി, പി.കെ. തുളസി, സനില രാജൻ, ഷിനി, ജിജിമോൾ, മറിയാമ്മ മാത്തുക്കുട്ടി, സിഡിഎസ് വൈസ് ചെയർപേഴ്സൺ രജനി ജോസഫ് എന്നിവർ പ്രസംഗിച്ചു. മികച്ച എഡിഎസായി കാരിശേരി, ചേനപ്പാടി, പ്രപ്പോസ് വാർഡുകൾ തെരഞ്ഞെടുക്കപ്പെട്ടു.