പെരുവന്താനം: സെന്റ് ആന്റണീസ് കോളജിനെ യുജിസിയുടെ അംഗീകാരം. നാലിന് കോളജില് നടക്കുന്ന സമ്മേളനത്തിൽ ചീഫ് വിപ്പ് ഡോ.എന്. ജയരാജ് പ്രഖ്യാപനം നടത്തും. വാഴൂര് സോമന് എംഎല്എ അധ്യക്ഷത വഹിക്കും. കോട്ടയം- ഇടുക്കി ജില്ലകളില് യുജിസിയുടെ രണ്ട് (എഫ്) ലിസ്റ്റില് ഉള്പ്പെടുന്ന ആദ്യ സ്വാശ്രയ കോളജ് എന്ന ബഹുമതിയും സെന്റ് ആന്റണീസിന് സ്വന്തമാണ്.
ഇന്ദിരാഗാന്ധി നാഷണല് ഓപ്പണ് യൂണിവേഴ്സിറ്റി സ്റ്റഡി സെന്ററിന്റെയും ഫുള്ടൈം ഇന്റര്നാഷണല് കോഴ്സുകളുടെയും ഉദ്ഘാടനം സീറോ മലബാർ സഭ കൂരിയ ബിഷപ് മാര് സെബാസ്റ്റ്യന് വാണിയപുരയ്ക്കല് നിര്വഹിക്കും. ഡിജിറ്റല് ലൈബ്രറിയുടെ ഉദ്ഘാടനം എംജി യൂണിവേഴ്സിറ്റി മുന് സിന്ഡിക്കറ്റ് മെംബർ പി. ഷാനവാസും അന്യം നിന്നുപോകുന്ന നാടന് കലാരൂപങ്ങള് പുനര് സൃഷ്ടിക്കുന്നതിനുവേണ്ടി രൂപീകരിച്ചിട്ടുള്ള കേരള സര്ക്കാര് ഫോക്ക് ലോര് അക്കാദമിയുടെ കോളജ് തല ക്ലബിന്റെ ഉദ്ഘാടനം പഞ്ചായത്ത് പ്രസിഡന്റ് ഡോമിന സജിയും അഡ്മിഷന് സെല്ലിന്റെ ഉദ്ഘാടനം റവ. ഡോ. ജെയിംസ് ഇലഞ്ഞിപ്പുറവും നിര്വഹിക്കും.
ഇഗ്നോ കൊച്ചി അസിസ്റ്റന്റ് കോ-ഓര്ഡിനേറ്റര് ഡോ. വി.ടി. ജലജ കുമാരി മുഖ്യപ്രഭാഷണം നടത്തും. കേരള പോപ്പുലര് അക്കാദമി ക്ലബിന്റെ രജിസ്ട്രേഷന് സര്ട്ടിഫിക്കറ്റ് കേരള സര്ക്കാര് ഫോക്ക്ലോര് അക്കാദമി ചെയര്മാന് ഒ.എസ്. ഉണ്ണികൃഷ്ണന് കൈമാറും. കോളജ് ചെയര്മാന് ബെന്നി തോമസ് ആമുഖ പ്രഭാഷണം നടത്തും. പ്രിന്സിപ്പല് ഡോ. ലാലിച്ചന് കല്ലമ്പള്ളി, സെക്രട്ടറി ടി. ജോമോന് ജേക്കബ്, വൈസ് പ്രിന്സിപ്പല്മാരായ സുപര്ണ രാജു, ഇ.എ. റെസ്നി മോള്, ബോബി കെ. മാത്യു, പി.ആര്. രതീഷ്, കോളജ് യൂണിയന് വൈസ് ചെയര്പേഴ്സണ് ഇ.എം. ലിയമോള്, സ്റ്റാഫ് സെക്രട്ടറിമാരായ അക്ഷയ് മോഹന്ദാസ്, എസ്. ഷാന്റി മോള്, ജിനു തോമസ്, അശ്വിനി ജയ്സി, ഗവേണിംഗ് ബോഡിയംഗം ജോസ് ആന്റണി, ത്രേസ്യകുട്ടി തോമസ് എന്നിവർ പ്രസംഗിക്കും.
സമ്മേളനത്തില് കാഞ്ഞിരപ്പള്ളിയുടെ മുന് എംഎല്എയും കാഞ്ഞിരപ്പള്ളി സെന്റ് ആന്റണീസിന്റെ സഹ സ്ഥാപകനുമായിരുന്ന തോമസ് കല്ലമ്പള്ളിയുടെ ജീവിത രേഖകള് പ്രതിപാദിക്കുന്ന കാഞ്ഞിരപ്പള്ളിയുടെ കല്ലമ്പള്ളി എന്ന സ്മരണിക മാര് സെബാസ്റ്റ്യന് വാണിയാപുരക്കല് പി. ഷാനവാസിനു കൈമാറി പ്രകാശനം ചെയ്യും.
ചെയര്മാന് ബെന്നി തോമസ്, പ്രിന്സിപ്പല് ഡോ. ആന്റണി ജോസഫ് കല്ലമ്പള്ളി, സെക്രട്ടറി ടി. ജോമോന് ജേക്കബ്, വൈസ് പ്രിന്സിപ്പല്മാരായ ബോബി കെ. മാത്യു, സുപര്ണ രാജു, ഇ.എ. റെസ്നി മോള്, പി.ആര്. രതീഷ്, സുപ്രണ്ട് ജസ്റ്റിന് ജോസ് എന്നിവര് പത്രസമ്മേളനത്തില് പങ്കെടുത്തു.