എരുമേലി: പഞ്ചായത്തംഗത്തെ കള്ളക്കേസിൽ കുടുക്കിയെന്നാരോപിച്ച് യുഡിഎഫിന്റെ നേതൃത്വത്തിൽ എരുമേലി പഞ്ചായത്ത് ഓഫീസിലേക്ക് മാർച്ചും ധർണയും നടത്തി.
കെപിസിസി ജനറൽ സെക്രട്ടറി പി.എ. സലിം ധർണ ഉദ്ഘാടനം ചെയ്തു.
അവിശ്വാസ പ്രമേയം അട്ടിമറിക്കാൻ ഭരണസ്വാധീനം ഉപയോഗിച്ച് പോലീസിനെക്കൊണ്ട് ജാമ്യമില്ലാ വകുപ്പ് ചുമത്തി കള്ളക്കേസ് എടുത്ത സിപിഎം കുതന്ത്രം വിലപ്പോകില്ലെന്നും പഞ്ചായത്തംഗം നാസർ പനച്ചിക്കെതിരെ എൽഡിഎഫിന്റെ സമ്മർദത്തിൽ വനിത അസിസ്റ്റന്റ് എൻജിനിയർ നൽകിയ പരാതിയെ നിയമനടപടികളിലൂടെ നേരിടുമെന്നും പി.എ. സലിം പറഞ്ഞു.
കോൺഗ്രസ് മണ്ഡലം പ്രസിഡന്റ് ടി.വി. ജോസഫ് അധ്യക്ഷത വഹിച്ചു. റോയ് കപ്പലുമാക്കൽ, പ്രകാശ് പുളിക്കൽ, ബിനു മറ്റക്കര, പി.കെ. റസാക്ക്, നൗഷാദ് കുറുങ്കാട്ടിൽ, റെജി അമ്പാറ, വിജി വെട്ടിയാനിക്കൽ, സലിം കണ്ണങ്കര, അനിത സന്തോഷ്, മാത്യു മഞ്ഞപ്പള്ളിക്കുന്നേൽ, ജിജിമോൾ സജി, ലിസി സജി, സുനിൽ ചെറിയാൻ, മറിയാമ്മ മാത്തുകുട്ടി, മറിയാമ്മ സണ്ണി, മറിയാമ്മ പുറ്റുമണ്ണിൽ എന്നിവർ പ്രസംഗിച്ചു.