മാര് പവ്വത്തിലിന്റെ ഭൗതികശരീരവും സംവഹിച്ചുകൊണ്ടുള്ള വിലാപയാത്ര ചങ്ങനാശേരിക്ക് ചരിത്രസംഭവമായി. ഗ്ലാസ് കവചിത വാഹനത്തില് ഭൗതികശരീരം എത്തിച്ചപ്പോള് റോഡിന്റെ വശങ്ങളില്നിന്ന് ആളുകള് സ്നേഹാഭിവാദനങ്ങളര്പ്പിച്ചു.
നഗരത്തിലെയും മാര്ക്കറ്റിലെയും വ്യാപാര സമൂഹവും വിവിധ തൊളിലാളികളും അഭിവന്ദ്യപിതാവിനു സ്നേഹാഞ്ജലികളുമായി വിവിധ കേന്ദ്രങ്ങളില് തടിച്ചുകൂടി. സെന്ട്രല് ജംഗ്ഷനില് പൗരാവലി ആദരവ് അര്പ്പിച്ചു. സമൂഹത്തിന്റെ നാനാതുറയിലുള്ളവരാണ് ഇവിടെ ആദരവ് അര്പ്പിക്കാന് എത്തിയത്.
ദളിത് കത്തോലിക്കാ
മഹാജനസഭ
ചങ്ങനാശേരി: അതിരൂപതയിലെ ദളിത് കത്തോലിക്ക സമൂഹത്തെ സാമൂഹിക-ആത്മീയ- വിദ്യാഭ്യാസ മേഖലകളില് ദീര്ഘവീക്ഷണത്തോടെ നയിച്ച വലിയ ഇടയനായിരുന്ന അഭിവന്ദ്യ മാര് ജോസഫ് പവത്തില് പിതാവിന്റെ വേര്പാടില് അതിരൂപത ഡിസിഎംഎസ് കമ്മിറ്റി അനുശോചന രേഖപ്പെടുത്തി.
അഭിവന്ദ്യ പിതാവിന്റെ അജപാലന കാലഘട്ടത്തില് രൂപീകരിച്ച രജതജൂബിലി സ്മാരക ദളിത് കത്തോലിക്ക ക്ഷേമനിധി രൂപതയിലെ ദളിത് കത്തോലിക്ക ക്ഷേമപ്രവര്ത്തങ്ങളുടെ നാഴികകല്ലായിരുന്നുവെന്നും കമ്മിറ്റി വിലയിരുത്തി. അതിരൂപത ഡയറക്ടര് ഫാ. ജോണ് വടക്കേക്കളം, പ്രസിഡന്റ് ഡോ. സിജോ ജേക്കബ്, സെക്രട്ടറി ഇന്ചാര്ജ് മാത്യു ജോസഫ് എന്നിവര് പ്രസംഗിച്ചു.
കേരള കോൺഗ്രസ്
നിയോജകമണ്ഡലം
കമ്മിറ്റി
ചങ്ങനാശേരി: അഭിവന്ദ്യ പവ്വത്തില് പിതാവിന്റെ നിര്യാണം കേരളത്തിലെ ആധ്യാത്മിക വിദ്യാഭ്യാസ മണ്ഡലങ്ങളില് വലിയ ശൂന്യതയാണ് സൃഷ്ടിച്ചിരിക്കുന്നതെന്ന് കേരള കോണ്ഗ്രസ് നിയോജകമണ്ഡലം എക്സിക്യൂട്ടീവ് അഭിപ്രായപ്പെട്ടു. ആദര്ശങ്ങള്ക്കും മൂല്യങ്ങള്ക്കുംവേണ്ടി ധീരമായ നിലപാട് എടുത്ത പിതാവിന്റെ മാതൃക പൊതുപ്രവര്ത്തകര്ക്ക് അനുകരണീയമാണെന്ന യോഗം വിലയിരുത്തി.
നിയോജക മണ്ഡലം പ്രസിഡന്റ് മാത്തുക്കുട്ടി പ്ലാത്താനം അധ്യക്ഷത വഹിച്ചു. വി.ജെ. ലാലി, അഡ്വ. ചെറിയാന് ചാക്കോ, ജോര്ജുകുട്ടി മാപ്പിളശേരി, ആര്. ശശിധരന് നായര് ശരണ്യ, സി.ഡി. വല്സപ്പന്, കെ.എ. തോമസ്, സിബിച്ചന് ചാമക്കാല, ജിമ്മി കളത്തിപ്പറമ്പില്, ജോഷി കുറുക്കന്കുഴി, ബിനു മൂലയില്, സണ്ണിച്ചന് പുലിക്കോട്ട്, സന്തോഷ് ആന്റണി, മാത്യു വര്ഗീസ് തെക്കനാട്ട്, സുമാ ഷൈന്, സെബാസ്റ്റ്യന് ശ്രാങ്കന്, സബീഷ് നെടുംപറമ്പില്, റോയി ജോസഫ്, ജോസി ചക്കാല, അനിയന്കുഞ്ഞ് വെട്ടിത്തുരുത്ത്, മിനി വിജയകുമാര്, ബേബിച്ചന് ഓലിക്കര, സൈനാ തോമസ്, ജോര്ജുകുട്ടി വാരിക്കാട്, ബിന്ദു രമേശ്, എല്സി രാജു, ഡിസ്നി പുളിമൂട്ടില്, സി.കെ. രാജു ചെറുതുണ്ടം, ഇ.സി. അച്ചാമ്മ, ജോസഫ് ആന്റണി എന്നിവര് പ്രസംഗിച്ചു.
വൈഎംസിഎ
ചങ്ങനാശേരി: പവ്വത്തില് പിതാവിന്റെ നിര്യാണത്തില് ചങ്ങനാശേരി വൈഎംസിഎ അനുശോചിച്ചു. പ്രസിഡന്റ് കെ.പി. മാത്യു, മാത്യു മുല്ലശ്ശേരി, ജോണിച്ചന് കൂട്ടുമ്മേല്കാട്ടില്, ജോബ്കുട്ടി, കുര്യന് തൂമ്പുങ്കല് എന്നിവര് അനുശോചനം രേഖപ്പെടുത്തി.
ഐഎന്ടിയുസി
ചങ്ങനാശേരി: പവ്വത്തില് പിതാവിന്റെ നിര്യാണത്തില് ഐഎൻടിയുസി സംസ്ഥാന സെക്രട്ടറി പി.പി. തോമസ് അനുശോചിച്ചു.
മാര്ക്കറ്റിലെ തൊഴിലാളികള് പവ്വത്തില് പിതാവിന്റെ ഭൗതികശരീരത്തില് കച്ച സമര്പ്പിച്ചു. വലിയ പിതാവിന്റെ ഭൗതികശരീരവും വഹിച്ചുകൊണ്ടുള്ള വിലാപയാത്ര കഴിയുന്നതുവരെ തൊഴിലാളികള് തൊഴില് നിര്ത്തിവച്ച് വിലാപയാത്ര സുഗമമായ മാര്ക്കറ്റ് കടന്നുപോകുന്നതിന് വേണ്ട സൗകര്യങ്ങൾ ചെയ്തു.
യുവദീപ്തി കൂട്ടായ്മ
ചങ്ങനാശേരി: പവ്വത്തില് പിതാവിന്റെ നിര്യാണത്തില് യുവദീപ്തി മുന്കാല പ്രവര്ത്തകരുടെ കൂട്ടായ്മയായ യൂത്ത് ഓഫ് യൂണിറ്റി അനുശോചനം രേഖപ്പെടുത്തി. കാലചക്രങ്ങള്ക്ക് മുമ്പേ നടന്ന പിതാവ് യുവജനങ്ങള് ദീര്ഘവീക്ഷണത്തോടെ പ്രവര്ത്തിക്കണമെന്ന ആഹ്വാനം ഒരിക്കല്ക്കൂടി ഓര്മപ്പെടുത്തി. യോഗത്തില് പ്രസിഡന്റ് ആന്റോ മേപ്പുറം, സെക്രട്ടറി നിറ്റോ ബേബി, ട്രഷറര് ജിന്സണ് ചിറത്തലയ്ക്കല് എന്നിവര് അനുശോചന യോഗത്തില് പ്രസംഗിച്ചു.
പ്രവര്ത്തക സമിതി
ചങ്ങനാശേരി: മാര് ജോസഫ് പവ്വത്തിലിന്റെ ദേഹവിയോഗത്തില് ചങ്ങനാശേരി നിയോജക മണ്ഡലം പ്രവര്ത്തക സമിതി അനുശോചിച്ചു. ബാബു തോമസിന്റെ അധ്യക്ഷതയില് ചേര്ന്ന യോഗത്തില് സജി ആലുംമൂട്ടില്, ജോസണ് കിങ്ങണംചിറ, അജി അരയശേരി, എം.ടി. തോമസ്, സജീവ് കറുകയില്, അനില പി.ടി. എന്നിവര് പ്രസംഗിച്ചു.
മദര് തെരേസ
ഫൗണ്ടേഷന്
ചങ്ങനാശേരി: മദര് തെരേസ ഫൗണ്ടേഷന് സംസ്ഥാന ചെയര്മാന് ലാലി ഇളപ്പുങ്കല് അനുശോചിച്ചു.
വെരൂര് ഇടവക
വെരൂര്: മാര് ജോസഫ് പവ്വത്തില് പിതാവിന്റെ ദേഹവിയോഗത്തില് വെരൂര് സെന്റ് ജോസഫ് ഇടവക അനുശോചിച്ചു. വികാരി റവ.ഡോ. ടോം പുത്തന്കളം അധ്യക്ഷത വഹിച്ചു. അസി. വികാരി ഫാ. ഡൊമിനിക് സാവിയോ കൊല്ലറേട്ട്, ഫാ. അനില് സിഎംഐ, ബാബു ജോര്ജ് കണിശേരി, തങ്കച്ചന് കൈനിക്കര, ബിനോയി കാട്ടാംപള്ളി, സിസ്റ്റര് അജയ, ബാബു ആലപ്പുറത്തു കാട്ടില്, ആന്റണി തോമസ് മലയില് തുടങ്ങിയവര് പ്രസംഗിച്ചു.
ഫൈനാന്സിയേഴ്സ് ക്ലബ്
ചങ്ങനാശേരി: മാര് പവ്വത്തിലിന്റെ ദേഹവിയോഗത്തില് ഫൈനാന്സിയേഴ്സ് ക്ലബ് അനുശോചിച്ചു. പ്രസിഡന്റ് സജിത്ത് പി.എം., ബിജു നെടിയകാലാപറമ്പില്, ശ്രീരാജ് മുണ്ടപ്പള്ളി, അജിത്ത് കുമാര്, ജോജിമോന് വടക്കേടത്ത് എന്നിവര് പ്രസംഗിച്ചു.
റീത്ത് സമര്പ്പിച്ചു
ചങ്ങനാശേരി: ആര്ച്ചുബിഷപ് മാര് ജോസഫ് പവ്വത്തിലിന്റെ ഭൗതികശരീരത്തില് മുന് മുഖ്യമന്ത്രി ഉമ്മന്ചാണ്ടിക്കു വേണ്ടി കെപിസിസി രാഷ്ട്രീയകാര്യ സമിതി അംഗം കെ.സി. ജോസഫ് കച്ച സമര്പ്പിച്ചു.
റെഡ്ക്രോസ്
മാര് പവ്വത്തിലിന്റെ ഭൗതികശരീരത്തില് റെഡ്ക്രോസ് സെസൈറ്റിക്കുവേണ്ടി തഹസില്ദാര് വിജയസേനനും ഭാരവാഹികളും ചേര്ന്ന് റീത്തു സമര്പ്പിച്ചു.