ചങ്ങനാശേരി: ജനദ്രോഹ ബജറ്റിനെതിരേ കേരളത്തില് വൻ പ്രതിഷേധം ഉയരുമെന്ന് കേരള കോണ്ഗ്രസ് ഉന്നതാധികാര സമിതിയംഗം വി.ജെ. ലാലി. കേരള സ്റ്റേറ്റ് സര്വീസ് പെന്ഷനേഴ്സ് അസോസിയേഷന് നിയോജക മണ്ഡലം കമ്മിറ്റി സംഘടിപ്പിച്ച പഞ്ചദിന സത്യഗ്രഹ സമാപന സമ്മേളനം ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം.
പെന്ഷന് പരിഷ്കരണ കുടിശിക ഉടന് നൽകുക, നാലുഗഡു ക്ഷാമബത്ത അനുവദിക്കുക. മെഡിസെപ്പിലെ അപാകത പരിഹരിച്ച് നടപ്പാക്കുക തുടങ്ങിയ ആവശ്യങ്ങളും ഉന്നയിച്ചാണ് പഞ്ചദിന സത്യഗ്രഹം നടത്തിയത്.
അസോസിയേഷന് പ്രസിഡന്റ് എം.എസ്. അലി റാവുത്തര് അധ്യക്ഷത വഹിച്ചു. എന്ജിഒ അസോസിയേഷന് സംസ്ഥാന സെക്രട്ടേറിയറ്റംഗം അഷറഫ് പറപ്പള്ളില് മുഖ്യപ്രഭാഷണം നടത്തി. പായിപ്പാട് പഞ്ചായത്തംഗം കെ.എ. പാപ്പച്ചന്, പി.ടി. തോമസ്, ബാബു കുട്ടന്ചിറ, ഡോ. ബാബു സെബാസ്റ്റ്യന്, അന്സാരി ബാപ്പു, കെ.എം. ജോബ്, വി.എ. ബഷീര്, കെ. ദേവകുമാര്, അക്വിന്സ് മാത്യു, ജെ. ഹരികുമാര്, വി.ഐ. ജോഷ്, ബാവച്ചന് സുരേഷ്, പി.പി. രാജു, കെ.ജെ. സേവ്യര്, ടി.എസ്. സേവ്യര്, ഉണ്ണികൃഷ്ണന് നായര്, കെ.ജെ. ടോമി തുടങ്ങിയവര് പ്രസംഗിച്ചു.