പാലാ: കഴിഞ്ഞദിവസം അന്തരിച്ച എംജി യൂണിവേഴ്സിറ്റി പ്രഥമ വൈസ് ചാന്സലര് ഡോ. എ.ടി. ദേവസ്യായുടെ സംസ്കാരം വന് ജനാവലിയുടെ സാന്നിധ്യത്തില് അന്ത്യാളം സെന്റ് മാത്യൂസ് പള്ളിയില് നടത്തി. ഭവനത്തില് നടന്ന ശുശ്രൂഷകള്ക്ക് സീറോ മലബാര്സഭ കൂരിയ ബിഷപ് മാര് സെബാസ്റ്റ്യന് വാണിയപ്പുരയ്ക്കലും പള്ളിയിലെ ശുശ്രൂഷകള്ക്ക് പാലാ രൂപതാധ്യക്ഷന് മാര് ജോസഫ് കല്ലറങ്ങാട്ടും മുഖ്യകാര്മികത്വം വഹിച്ചു.
സീറോമലബാര് സഭ മേജര് ആര്ച്ച് ബിഷപ് കര്ദിനാള് മാര് ജോര്ജ് ആലഞ്ചേരിയുടെ അനുശോചന സന്ദേശം ദേവാലയത്തില് വായിച്ചു. മാര് കല്ലറങ്ങാട്ട് അനുസ്മരണ പ്രസംഗം നടത്തി. രാഷ്ട്രീയസാമൂഹ്യ രംഗത്തെ നിരവധി പ്രമുഖര് ഭവനത്തിലും ദേവാലയത്തിലും എത്തിയിരുന്നു.
മന്ത്രി റോഷി അഗസ്റ്റിന്, ജോസ് കെ. മാണി എംപി, എംഎല്എമാരായ പി.ജെ. ജോസഫ്, തിരുവഞ്ചൂര് രാധാകൃഷ്ണന്, മാണി സി. കാപ്പന്, മോന്സ് ജോസഫ്, രാഷ്ട്രദീപിക ലിമിറ്റഡ് എംഡി ഫാ. മാത്യു ചന്ദ്രന്കുന്നേല്, ഫ്രാന്സിസ് ജോര്ജ്, പി.സി. ജോര്ജ്, വി.ജെ. ജോസഫ്, പി.സി. ജോസഫ്, ജോര്ജ് ജെ. മാത്യു, ജോണി നെല്ലൂര്, കെ.സി. ജോസഫ്, വക്കച്ചന് മറ്റത്തില്, പി.സി. തോമസ്, ജോയി ഏബ്രാഹം, എംജി യൂണിവേഴ്സിറ്റി വൈസ് ചാൻസലർ ഡോ. സാബു തോമസ്, നിയമ സര്വകലാശാല വിസി ഡോ. കെ.സി. സണ്ണി, മുന് വിസിമാരായ ഡോ. സിറിയക് തോമസ്, ഡോ. ബാബു സെബാസ്റ്റ്യന്, എംജി രജിസ്ട്രാര് ഡോ. പ്രകാശ് കുമാര്, ടോമി കല്ലാനി, പിഎസ്സി അംഗം ഡോ. സ്റ്റാനി തോമസ്, ജില്ലാ പഞ്ചായത്തംഗങ്ങളായ രാജേഷ് വാളിപ്ലാക്കല്, ജോസ്മോന് മുണ്ടക്കല് തുടങ്ങിയവര് അന്ത്യാഞ്ജലി അര്പ്പിക്കാന് എത്തിയിരുന്നു.
സംസ്കാരശുശ്രൂഷകള്ക്കു ശേഷം പാരിഷ് ഹാളില് ചേര്ന്ന അനുശോചന യോഗത്തില് വികാരി ഫാ. കുര്യന് ആനിത്താനം അധ്യക്ഷത വഹിച്ചു. ഡോ. സിറിയക് തോമസ്, ഡോ. കെ.സി. സണ്ണി, ഡോ. സാബു ഡി. മാത്യു, പി.സി. തോമസ്, രാജേഷ് വാളിപ്ലാക്കല്, സാജു അലക്സ്, ഡൊമിനിക് തോമസ് എന്നിവര് അനുസ്മരണ പ്രസംഗം നടത്തി. ഷംഷാബാദ് രൂപത നിയുക്ത മെത്രാന് മാര് തോമസ് പാടിയത്ത് ഭവനത്തിലെത്തി പ്രാര്ഥനാശുശ്രൂഷ നടത്തി.