അഞ്ചൽ: അഞ്ചൽ വെസ്റ്റ് സര്ക്കാര് ഹയര്സെക്കന്ഡറി സ്കൂളിൽ പ്രതിഭാ സംഗമവും ചിറക് പദ്ധതിയുടെ ഉദ്ഘാടനവും നാളെ നടക്കും. സ്കൂളിൽ പഠിച്ച് വിവിധ മേഖലകളിൽ പ്രാഗൽഭ്യം തെളിയിച്ച പ്രതിഭകളെ ചടങ്ങിൽ ആദരിക്കും. എസ്എസ്എൽസി, പ്ലസ്ടു പരീക്ഷകളില് മികച്ച വിജയം നേടിയ കുട്ടികളെയും അനുമോദിക്കും.
കഴിഞ്ഞ രണ്ട് വർഷക്കാലത്തേ പ്രതിഭകളെ ആദരിക്കുന്നതിനോടൊപ്പം സ്കൂൾ വെബ് സൈറ്റ് പ്രകാശനം, അക്കാഡമിക് മാസ്റ്റർ പ്ലാൻ പ്രകാശനം, ചിറക് പദ്ധതി ഉദ്ഘാടനം, സ്കൂൾ ഡയറി പ്രകാശനം, അക്ഷരജ്യോതി കൈയെഴുത്ത് മാസിക പ്രകാശനം എന്നിവയും നടക്കുമെന്ന് സ്കൂളില് നടത്തിയ പത്ര സമ്മേളനത്തില് സ്കൂള് അധികൃതര് പറഞ്ഞു.
മന്ത്രി വി. ശിവന്കുട്ടി ചടങ്ങ് ഉദ്ഘാടനം ചെയ്യും. പി.എസ് സുപാല് എംഎല്എ അധ്യക്ഷത വഹിക്കുന്ന ചടങ്ങില് എന്.കെ പ്രേമചന്ദ്രന് എംപി, മുൻ മന്ത്രി കെ.രാജു, ജില്ലാ പഞ്ചായത്ത് പ്രസിഡന്റ് സാം കെ. ഡാനിയൽ, കശുവണ്ടി വികസന കോർപ്പറേഷൻ ചെയർമാൻ എസ്.ജയമോഹനൻ, ബ്ലോക്ക്, ഗ്രാമപഞ്ചായത്ത് പ്രസിഡന്റ്മാര് അടക്കമുള്ള പ്രമുഖര് പങ്കെടുക്കും. സ്കൂള് പ്രിൻസിപ്പൽ ഡോ. സി.മണി, പ്രധാമാധ്യാപിക ആർ.എസ് കലദേവി, എസ്എംസി ചെയർമാൻ കെ.ബാബു പണിക്കർ, പിടിഎ പ്രസിഡന്റ് അഡ്വ : ജെ.സുരേന്ദ്രൻ നായർ, മുന് പ്രധാമാധ്യാപിക ബി. ഷൈലജ, പബ്ലിസിറ്റി കണ്വീനര് കെ ലൈജു എന്നിവർ പത്രസമ്മേളനത്തില് പങ്കെടുത്തു.