പു​ലി​പ്പേ​ടി​യി​ൽ വി​റ​ച്ച് മു​ളി​യാ​റും കാ​റ​ഡു​ക്ക​യും
Friday, July 5, 2024 1:03 AM IST
കാ​റ​ഡു​ക്ക: കാ​ട്ടാ​ന​ശ​ല്യം ചെ​റു​താ​യെ​ങ്കി​ലും അ​ട​ങ്ങി​യ​തി​നു പി​ന്നാ​ലെ പു​ലി​പ്പേ​ടി​യി​ൽ വി​റ​ച്ച് മു​ളി​യാ​ർ, കാ​റ​ഡു​ക്ക പ​ഞ്ചാ​യ​ത്തു​ക​ൾ. അ​ടു​ത്ത കാ​ല​ത്താ​യി വ​ള​ർ​ത്തു​നാ​യ്ക്ക​ളെ​യും മ​റ്റും കാ​ണാ​താ​കു​ന്ന​തി​നു പി​ന്നാ​ലെ നി​ര​വ​ധി പേ​ർ പു​ലി​യെ നേ​രി​ൽ ക​ണ്ട​താ​യും മു​ര​ൾ​ച്ച കേ​ട്ട​താ​യും വാ​ർ​ത്ത​ക​ൾ വ​ന്നി​രു​ന്നു.

തു​ട​ക്ക​ത്തി​ൽ എ​ല്ലാം നി​ഷേ​ധി​ച്ച വ​നം​വ​കു​പ്പ് പി​ന്നീ​ട് കാ​മ​റ​ക​ൾ സ്ഥാ​പി​ക്കാ​ൻ ത​യ്യാ​റാ​യെ​ങ്കി​ലും പു​ലി​യു​ടെ ദൃ​ശ്യ​ങ്ങ​ളൊ​ന്നും ഇ​തു​വ​രെ പ​തി​ഞ്ഞി​ട്ടി​ല്ല. എ​ങ്കി​ലും സം​ഭ​വം ന​ട​ന്ന സ്ഥ​ല​ങ്ങ​ളി​ൽ പ​തി​ഞ്ഞ കാ​ൽ​പാ​ടു​ക​ൾ പു​ലി​യു​ടേ​തു ത​ന്നെ​യാ​ണെ​ന്ന് വ​നം​വ​കു​പ്പ് ഏ​റെ​ക്കൂ​റെ സ്ഥി​രീ​ക​രി​ക്കു​ന്നു.

ദേ​ലം​പാ​ടി, കാ​റ​ഡു​ക്ക, മു​ളി​യാ​ർ പ​ഞ്ചാ​യ​ത്തു​ക​ളി​ലെ റോ​ഡു​ക​ളി​ൽ പ​ല​തും വ​ന​ത്തി​ലൂ​ടെ​യാ​ണ് ക​ട​ന്നു​പോ​കു​ന്ന​ത്. അ​തു​കൊ​ണ്ട് നാ​ട്ടു​കാ​ർ കു​ട്ടി​ക​ളെ സ്കൂ​ളി​ല​യ​ക്കാ​ൻ പോ​ലും ഭ​യ​ക്കു​ന്ന അ​വ​സ്ഥ​യി​ലാ​ണ്.

ക​ഴി​ഞ്ഞ ദി​വ​സം കു​ട്ടി​യെ സ്കൂ​ളി​ൽ വി​ടാ​ൻ ഒ​പ്പം​പോ​യ കൊ​ട്ടം​കു​ഴി ഒ​യ​ക്കോ​ലി​ലെ കൃ​ഷ്ണ​കു​മാ​രി​യു​ടെ ക​ൺ​മു​ന്നി​ലൂ​ടെ പു​ലി​യെ​ന്നു സം​ശ​യി​ക്കു​ന്ന മൃ​ഗം ഓ​ടി​മ​റ​ഞ്ഞി​രു​ന്നു. തൊ​ട്ടു​പി​ന്നാ​ലെ കാ​ട്ടി​നു​ള്ളി​ൽ നി​ന്ന് മു​ര​ൾ​ച്ച​യും കേ​ട്ടു. ഇ​തേ സ്ഥ​ല​ത്തി​ന് സ​മീ​പ​മാ​ണ് വ​നം​വ​കു​പ്പ് കാ​മ​റ സ്ഥാ​പി​ച്ചി​ട്ടു​ള്ള​ത്. ദി​വ​സ​ങ്ങ​ൾ​ക്കു​മു​മ്പ് ഇ​തി​ന​ടു​ത്ത വീ​ട്ടി​ലെ വ​ള​ർ​ത്തു​നാ​യ​യെ അ​ജ്ഞാ​ത​ജീ​വി ആ​ക്ര​മി​ച്ചി​രു​ന്നു. ഇ​വി​ടെ ത​ന്നെ​യാ​ണ് പു​ലി​യു​ടേ​താ​ണെ​ന്ന് ഏ​താ​ണ്ടു​റ​പ്പി​ക്കു​ന്ന കാ​ൽ​പാ​ടു​ക​ളും ക​ണ്ടെ​ത്തി​യ​ത്.

നെ​യ്യ​ങ്ക​യം വ​ന​മേ​ഖ​ല​യും ഇ​തി​നു തൊ​ട്ട​ടു​ത്താ​ണ്. ഇ​തി​ലൂ​ടെ ക​ട​ന്നു​പോ​കു​ന്ന റോ​ഡി​ലെ വാ​ഹ​ന​യാ​ത്ര​ക്കാ​രാ​ണ് രാ​ത്രി​യി​ൽ റോ​ഡ് മു​റി​ച്ചു​ക​ട​ക്കു​ന്ന ചെ​റു​തും വ​ലു​തു​മാ​യ ര​ണ്ട് പു​ലി​ക​ളെ ക​ണ്ട​താ​യി പ​റ​യു​ന്ന​ത്. ത​ള്ള​പ്പു​ലി​യും കു​ട്ടി​യു​മാ​യി​രി​ക്കാ​മെ​ന്നാ​ണ് നാ​ട്ടു​കാ​രു​ടെ സം​ശ​യം.

വ​ന​ത്തോ​ടു ചേ​ർ​ന്നു​കി​ട​ക്കു​ന്ന കു​റ്റി​യ​ടു​ക്കം, കു​ട്ടി​യാ​നം, മ​ഞ്ച​ക്ക​ൽ, പ​യ​ർ​പ​ള്ളം, പേ​ര​ടു​ക്കം ഭാ​ഗ​ങ്ങ​ളി​ലും പ​ല​രും പു​ലി​യെ ക​ണ്ട​താ​യി പ​റ​യു​ന്നു. വ​ള​ർ​ത്തു​നാ​യ​യെ ന​ഷ്ട​മാ​യ ഇ​രി​യ​ണ്ണി തോ​ണി​പ്പ​ള്ള​ത്തെ നാ​രാ​യ​ണ​ന്‍റെ വീ​ട്ടു​മു​റ്റ​ത്തും കാ​ൽ​പാ​ടു​ക​ൾ ക​ണ്ടി​രു​ന്നു.

Copyright @ 2022 , Rashtra Deepika Ltd.