എ​ൻ​ഐ​ടി വി​ദ്യാ​ർ​ഥി ഗ​വേ​ണിം​ഗ് ബോ​ഡി​യി​ൽനി​ന്നു മ​ല​യാ​ളി​ക​ളെ ത​ഴ​യാ​ൻ നീ​ക്കം
Monday, September 9, 2024 7:57 AM IST
കോ​ഴി​ക്കോ​ട്: ചാ​ത്ത​മം​ഗ​ലം എ​ൻ​ഐ​ടി​യി​ലെ വി​ദ്യാ​ർ​ഥി ഗ​വേ​ണിം​ഗ് ബോ​ഡി​യി​ൽ നി​ന്നു മ​ല​യാ​ളി വി​ദ്യാ​ർ​ഥി​ക​ളെ ഒ​ഴി​വാ​ക്കാ​ൻ ശ്ര​മം. 10 അം​ഗ വി​ദ്യാ​ർ​ഥി ഗ​വേ​ണിം​ഗ് ബോ​ഡി​യി​ൽ ജ​ന​റ​ൽ സെ​ക്ര​ട്ട​റി അ​ട​ക്കം അ​ഞ്ചു സെ​ക്ര​ട്ട​റി സ്ഥാ​ന​വും ഇ​ത​ര സം​സ്ഥാ​ന വി​ദ്യാ​ർ​ഥി​ക​ൾ​ക്കാ​യി സം​വ​ര​ണം ചെ​യ്താ​ണ് മ​ല​യാ​ളി വി​ദ്യാ​ർ​ഥി​ക​ൾ ത​ഴ​യ​പ്പെ​ടാ​ൻ കാ​ര​ണം.

എ​ൻ​ഐ​ടി​യി​ൽ ഭൂ​രി​പ​ക്ഷം വി​ദ്യാ​ർ​ഥി​ക​ളും മ​ല​യാ​ളി​ക​ളാ​ണെ​ന്നി​രി​ക്കെ​യാ​ണ് ഈ ​ന​ട​പ​ടി. ഇ​ന്നു ന​ട​ക്കാ​നി​രി​ക്കു​ന്ന തെ​ര​ഞ്ഞെ​ടു​പ്പി​ൽ, പു​തി​യ നി​ബ​ന്ധ​ന മൂ​ലം പ്ര​ധാ​ന സ്ഥാ​ന​ങ്ങ​ളി​ലേ​ക്കു നോ​മി​നേ​ഷ​ൻ ന​ൽ​കാ​ൻ മ​ല​യാ​ളി വി​ദ്യാ​ർ​ഥി​ക​ൾ​ക്ക് ക​ഴി​ഞ്ഞി​ട്ടി​ല്ല.

പു​തി​യ തീ​രു​മാ​ന​പ്ര​കാ​രം ക​ൾ​ച്ച​റ​ൽ, ടെ​ക്നി​ക്ക​ൽ, സ്പോ​ർ​ട്സ്, പി​ജി അ​ക്കാ​ദ​മി​ക് സ്ഥാ​ന​ങ്ങ​ളി​ലേ​ക്കു മാ​ത്ര​മേ മ​ല​യാ​ളി വി​ദ്യാ​ർ​ഥി​ക​ൾ​ക്കു മ​ത്സ​രി​ക്കാ​ൻ ക​ഴി​യു​ക​യു​ള്ളു. ജ​ന​റ​ൽ സെ​ക്ര​ട്ട​റി, ഫി​നാ​ൻ​സ്, ഹോ​സ്റ്റ​ൽ തു​ട​ങ്ങി​യ അ​ഞ്ചു സ്ഥാ​ന​ങ്ങ​ളി​ലേ​ക്കു മ​ല​യാ​ളി വി​ദ്യാ​ർ​ഥി​ക​ൾ​ക്കു മ​ത്സ​രി​ക്കാ​ൻ ക​ഴി​യി​ല്ല. നേ​ര​ത്തെ സ്പീ​ക്ക​റും 13 സെ​ക്ര​ട്ട​റി​മാ​രും ഉ​ണ്ടാ​യി​രു​ന്ന സ്റ്റു​ഡ​ന്‍റ്സ് അ​ഫ​യേ​ഴ്സ് കൗ​ണ്‍​സി​ൽ ഭേ​ദ​ഗ​തി ചെ​യ്ത് 21 അം​ഗ ഗ​വേ​ണിം​ഗ് ബോ​ഡി പു​തി​യ​താ​യി രൂ​പീ​ക​രി​ച്ച​പ്പോ​ഴാ​ണ് മ​ല​യാ​ളി വി​ദ്യാ​ർ​ഥി​ക​ളെ അ​വ​ഗ​ണി​ച്ച​ത്.


ഗ​വേ​ണിം​ഗ് ബോ​ഡി​യി​ൽ 10 വി​ദ്യാ​ർ​ഥി​ക​ളും, അ​ഡ്മി​നി​സ്ട്രേ​ഷ​ൻ വി​ഭാ​ഗം നോ​മി​നേ​റ്റു ചെ​യ്യു​ന്ന 11 ഫാ​ക്ക​ൽ​റ്റി പ്ര​തി​നി​ധി​ക​ളു​മാ​ണ് ഉ​ള്ള​ത്. കോ​ള​ജ് അ​ഡ്മി​നി​സ്ട്രേ​ഷ​ൻ വി​ഭാ​ഗ​ത്തി​ന്‍റെ തീ​രു​മാ​ന​ങ്ങ​ൾ​ക്കെ​തി​രേ മു​ൻ​കാ​ല​ങ്ങ​ളി​ൽ വി​ദ്യാ​ർ​ഥി​ക​ളു​ടെ ഒൗ​ദ്യോ​ഗി​ക ബോ​ഡി​യാ​യ സ്റ്റു​ഡ​ന്‍റ്സ് അ​ഫ​യേ​ഴ്സ് കൗ​ണ്‍​സി​ൽ രം​ഗ​ത്തു വ​ന്ന സാ​ഹ​ച​ര്യ​ത്തി​ൽ കൂ​ടി​യാ​ണ് അ​ധി​കൃ​ത​രു​ടെ പു​തി​യ തീ​രു​മാ​നം.