നെ​ടു​മ​ങ്ങാ​ട് : വെ​ള്ള​നാ​ട് പ​ഞ്ചാ​യ​ത്തി​ലെ വി​വി​ധ പ്ര​ദേ​ശ​ങ്ങ​ളി​ൽ ത​ണ്ണീ​ർ​ത്ത​ട​ങ്ങ​ളും നെ​ൽ​വ​യ​ലു​ക​ളും നി​ക​ത്തു​ന്ന​ത് വ്യാ​പ​ക​മാ​യി. ഇ​തി​നെ​തി​രെ നെ​ൽ​വ​യ​ൽ ത​ണ്ണീ​ർ​ത്ത​ട നി​യ​മ​പ്ര​കാ​രം സ്വ​മേ​ധ​യാ ന​ട​പ​ടി​യെ​ടു​ക്കേ​ണ്ട അ​ധി​കൃ​ത​ർ പ​രാ​തി​ക​ൾ ല​ഭി​ച്ചി​ട്ടും തി​രി​ഞ്ഞു നോ​ക്കു​ന്നി​ല്ലെ​ന്ന് ആ​ക്ഷേ​പം.

ഭൂ​മി ത​രം​മാ​റ്റാ​നു​ള്ള നി​യ​മ​ത്തി​ന്‍റെ പ​ഴു​തു​ക​ൾ ദു​രു​പ​യോ​ഗം ചെ​യ്താ​ണ് പ​ല​രും നി​ലം നി​ക​ത്തു​ന്ന​തെ​ന്ന് നാ​ട്ടു​കാ​ർ പ​റ​യു​ന്നു. ഉ​റി​യാ​ക്കോ​ട് ജം​ഗ്ഷ​ന് സ​മീ​പ​മു​ള്ള ഒ​രു തോ​ടി​ന്‍റെ ഉ​റ​വ പൂ​ർ​ണ​മാ​യും മ​ണ്ണി​ട്ട് നി​ക​ത്തി​യ അ​വ​സ്ഥ​യി​ലാ​ണെ​ന്നും നൂ​റ് ക​ണ​ക്കി​ന് ലോ​ഡ് മ​ണ്ണ് കൊ​ണ്ടു​വ​ന്നാ​ണ് ഉ​റ​വ​യ​ട​ച്ച് നി​ലം നി​ക​ത്തി​യ​തെ​ന്നും പ​രി​സ്ഥി​തി സം​ര​ക്ഷ​ണ കൂ​ട്ടാ​യ്മ​യ പ്ര​വ​ർ​ത്ത​ക​ർ പ​റ​ഞ്ഞു. വെ​ള്ള​നാ​ട് വാ​ളി​യ​റ​യി​ൽ ക​ല​ക്ട​റു​ടെ ഉ​ത്ത​ര​വ് ലം​ഘി​ച്ച് നി​ലം നി​ക​ത്തി​യ സം​ഭ​വ​വു​മു​ണ്ടാ​യി.

ഇ​വി​ടെ ഒ​ട്ടേ​റെ ലോ​ഡ് മ​ണ്ണി​ട്ട് നി​ലം നി​ക​ത്തി​യ​താ​യി നാ​ട്ടു​കാ​ർ പ​റ​ഞ്ഞു. മ​ണ്ണി​ട്ട​തി​നെ തു​ട​ർ​ന്ന് വെ​ള്ളം ഒ​ഴു​കു​ന്ന നീ​ർ​ച്ചാ​ലു​ക​ൾ ഉ​ൾ​പ്പെ​ടെ അ​ട​ഞ്ഞെ​ന്നും സ​മീ​പ​ത്തെ വ​സ്തു​ക്ക​ളി​ൽ കൃ​ഷി ചെ​യ്യാ​ൻ സാ​ധി​ക്കു​ന്നി​ല്ലെ​ന്നും ചൂ​ണ്ടി​ക്കാ​ട്ടി സ​മീ​പ​ത്തെ വ​സ്തു ഉ​ട​മ​യും ക​ർ​ഷ​ക​രും ഉ​ദ്യോ​ഗ​സ്ഥ​ർ​ക്ക് പ​രാ​തി ന​ൽ​കി.

തു​ട​ർ​ന്ന് സ്ഥ​ലം സ​ന്ദ​ർ​ശി​ച്ച വി​ല്ലേ​ജ് ഓ​ഫീ​സ​ർ ഇ​വി​ടെ മ​ണ്ണി​ട്ട് നി​ക​ത്തു​ന്ന​തി​ന് അ​നു​മ​തി ഉ​ണ്ടാ​യി​രു​ന്നി​ല്ലെ​ന്ന് വ്യ​ക്ത​മാ​ക്കി​യ ശേ​ഷം നി​ലം നി​ക​ത്ത​ലി​ന് സ്റ്റോ​പ് മെ​മ്മോ ന​ൽ​കി.

പ​രി​സ്ഥി​തി​യെ ബാ​ധി​ക്കു​ന്ന ത​ര​ത്തി​ൽ വെ​ള്ള​നാ​ട് പ​ഞ്ചാ​യ​ത്തി​ൽ വ​ർ​ധി​ച്ചു വ​രു​ന്ന നി​ലം നി​ക​ത്ത​ലും കു​ന്നി​ടി​ക്ക​ലും അ​ടി​യ​ന്തി​ര​മാ​യി ത​ട​യ​ണ​മെ​ന്നും അ​ല്ലാ​ത്ത​പ​ക്ഷം സ​മ​ര​പ​രി​പാ​ടി​ക​ൾ സം​ഘ​ടി​പ്പി​ക്കു​മെ​ന്നും നാ​ട്ടു​കാ​ർ പ​റ​ഞ്ഞു .