മു​ഖ്യ​മ​ന്ത്രി​യു​ടെ വി​മ​ർ​ശ​ക​രാ​യ​ത് സ്വ​ന്തം പ​ക്ഷ​ത്തു നി​ന്നു​ള്ള​വ​ർ
Tuesday, July 2, 2024 2:36 AM IST
തി​രു​വ​ന​ന്ത​പു​രം: മ​റ്റു ജി​ല്ല​ക​ളി​ൽ മു​ഖ്യ​മ​ന്ത്രി പി​ണ​റാ​യി വി​ജ​യ​നെ​തി​രെ​യും പാ​ർ​ട്ടി നേ​തൃ​ത്വ​ത്തി​നെ​തി​രെ​യും ഉ​ണ്ടാ​യ​തി​നേ​ക്കാ​ൾ വി​മ​ർ​ശ​നം തി​രു​വ​ന​ന്ത​പു​രം ജി​ല്ല​യി​ൽ നേ​രി​ടേ​ണ്ടി വ​ന്ന​തി​ൽ ഞെ​ട്ടി സി​പി​എം സം​സ്ഥാ​ന നേ​തൃ​ത്വം.

സ​ർ​ക്കാ​രി​ൽ മാ​ത്ര​മ​ല്ല പാ​ർ​ട്ടി നേ​തൃ​ത്വ​ത്തി​ലും മാ​റ്റം വേ​ണ​മെ​ന്നു ജി​ല്ല​യി​ലെ നേ​താ​ക്ക​ൾ ആ​വ​ശ്യ​പ്പെ​ട്ട​തു പാ​ർ​ട്ടി സം​സ്ഥാ​ന സെ​ക്ര​ട്ട​റി എം.​വി.​ഗോ​വി​ന്ദ​നെ​പ്പോ​ലും ആ​ശ​ങ്ക​പ്പെ​ടു​ത്തി​യി​രി​ക്കു​ക​യാ​ണ്. പാ​ർ​ട്ടി നേ​താ​ക്ക​ളു​ടെ വ​ഴി​വി​ട്ട ബ​ന്ധ​ങ്ങ​ളും വി​മ​ർ​ശ​ന​വി​ധേ​യ​മാ​യി. ഈ ​വി​മ​ർ​ശ​ന​ങ്ങ​ളി​ൽ സി​പി​എം സം​സ്ഥാ​ന സെ​ക്ര​ട്ടേ​റി​യ​റ്റ് എ​ന്തു നി​ല​പാ​ടു സ്വീ​ക​രി​ക്കു​മെ​ന്ന കാ​ര്യ​മാ​ണ് ഇ​നി കാ​ണേ​ണ്ട​ത്. ലോ​ക്സ​ഭ തെ​ര​ഞ്ഞെ​ടു​പ്പു ഫ​ലം ച​ർ​ച്ച ചെ​യ്യാ​ൻ ക​ഴി​ഞ്ഞ ദി​വ​സ​ങ്ങ​ളി​ൽ ചേ​ർ​ന്ന പാ​ർ​ട്ടി ജി​ല്ലാ ക​മ്മി​റ്റി യോ​ഗ​ത്തി​ലാ​ണ് ഒ​രു ഇ​ട​വേ​ള​യ്ക്കു ശേ​ഷം സി​പി​എം ഒൗ​ദ്യോ​ഗി​ക നേ​തൃ​ത്വ​ത്തി​നെ​തി​രെ രൂ​ക്ഷ​മാ​യ വി​മ​ർ​ശ​ന​മു​ണ്ടാ​കു​ന്ന​ത്.

ഡ​ൽ​ഹി​യി​ൽ സി​പി​എം കേ​ന്ദ്ര ക​മ്മി​റ്റി യോ​ഗ​ത്തി​ൽ പ​ങ്കെ​ടു​ക്കാ​ൻ പോ​കേ​ണ്ടി​വ​ന്ന​തി​നാ​ൽ ജി​ല്ലാ ക​മ്മി​റ്റി​യി​ൽ സം​സ്ഥാ​ന സെ​ക്ര​ട്ട​റി എം.​വി.​ ഗോ​വി​ന്ദ​നു പ​ങ്കെ​ടു​ക്കാ​നാ​യി​ല്ല. സാ​ധാ​ര​ണ​യാ​യി ജി​ല്ല​യി​ലെ പാ​ർ​ട്ടി യോ​ഗ​ത്തി​ൽ സം​സ്ഥാ​ന സെ​ക്ര​ട്ട​റി പ​ങ്കെ​ടു​ക്കു​ന്ന​താ​ണു പ​തി​വ്. സെ​ക്ര​ട്ട​റി​യു​ടെ അ​ഭാ​വ​വും അം​ഗ​ങ്ങ​ൾ വി​മ​ർ​ശ​ന​മാ​യി ചൂ​ണ്ടി​ക്കാ​ട്ടി.

സ​ർ​ക്കാ​രി​ന്‍റെ പ്ര​വ​ർ​ത്ത​ന​ങ്ങ​ളി​ൽ ജ​ന​ങ്ങ​ൾ​ക്കു തൃ​പ്തി​യി​ല്ല, മു​ഖ്യ​മ​ന്ത്രിയുടെ വെ​റു​പ്പി​ക്ക​ൽ ശൈ​ലി, ഇ.​പി.​ ജ​യ​രാ​ജ​ന്‍റെ വ​ഴി​വി​ട്ട ബ​ന്ധ​ങ്ങ​ൾ, ചി​ല മ​ന്ത്രി​മാ​രു​ടെ ധാ​ർ​ഷ്ട്യം... വി​മ​ർ​ശ​ന​ങ്ങ​ൾ ഇ​ങ്ങ​നെ നീ​ണ്ടു. ചി​ല വി​മ​ർ​ശ​ന​ങ്ങ​ൾ അ​തി​രു​ക​ട​ന്നൂവെ​ന്നു യോ​ഗ​ത്തി​ൽ ആ​ദ്യാ​വ​സാ​നം പ​ങ്കെ​ടു​ത്ത പാ​ർ​ട്ടി സം​സ്ഥാ​ന സെ​ക്ര​ട്ടേ​റി​യ​റ്റം​ഗം എം.​ സ്വ​രാ​ജ് ച​ർ​ച്ച​യ്ക്കു​ള്ള മ​റു​പ​ടി​യി​ൽ പ​റ​ഞ്ഞൊ​തു​ക്കി​യെ​ങ്കി​ലും നേ​തൃ​ത്വ​ത്തി​ന് അ​ങ്ങ​നെ ത​ള്ളാ​വു​ന്ന ആ​ക്ഷേ​പ​ങ്ങ​ള​ല്ല ച​ർ​ച്ച​യി​ൽ ഉ​ണ്ടാ​യ​ത്.

മ​ന്ത്രി​മാ​രാ​യ വീ​ണാ ജോ​ർ​ജും മു​ഹ​മ്മ​ദ് റി​യാ​സും ഏ​റെ വി​മ​ർ​ശി​ക്ക​പ്പെ​ട്ടു. ക​ട​കം​പ​ള്ളി സു​രേ​ന്ദ്ര​ന്‍റെ അ​നു​യാ​യി​ക​ളാ​ണു ആ​ക്കു​ളം കാ​യ​ലി​ന്‍റെ മ​റ​വി​ൽ റി​യാ​സി​നെ​തി​രെ ആ​ഞ്ഞ​ടി​ച്ച​ത്. മ​ന്ത്രി വീ​ണ ജോ​ർ​ജ് സി​പി​എം മ​ന്ത്രി​യാ​ണോ എ​ന്നു പോ​ലും സം​ശ​യ​മു​ണ്ടെ​ന്നു അം​ഗ​ങ്ങ​ൾ പ​റ​ഞ്ഞു. മ​ന്ത്രി​യു​ടെ പ്രൈ​വ​റ്റ് സെ​ക്ര​ട്ട​റി​യും യോ​ഗ​ത്തി​ൽ വി​മ​ർ​ശി​ക്ക​പ്പെ​ട്ടു.

പാ​ർ​ട്ടി കേ​ന്ദ്ര ക​മ്മി​റ്റി അം​ഗം കൂ​ടി​യാ​യ ഇ.​പി. ​ജ​യ​രാ​ജ​നെ​തി​രെ വ​ലി​യ വ​മ​ർ​ശ​ന​മു​ണ്ടാ​യി. നേ​താ​ക്ക​ളി​ൽ വ​ഴി​വി​ട്ട വ​ലി​യ ബ​ന്ധ​മു​ള്ള ആ​ളാ​ണു ജ​യ​രാ​ജ​നെ​ന്നും തെ​റ്റു​ക​ളി​ൽ നി​ന്നു തെ​റ്റു​ക​ളി​ലേ​ക്കു പോ​കു​ന്ന ഈ ​നേ​താ​വി​നെ ആ​ർ​ക്കു വേ​ണ്ടി​യാ​ണ് ഇ​നി​യും ഇ​ങ്ങ​നെ ചു​മ​ക്കു​ന്ന​തെ​ന്നു​മാ​യി​രു​ന്നു ഒ​രു അം​ഗ​ത്തി​ന്‍റെ ചോ​ദ്യം. ജി​ല്ല​യി​ൽ പാ​ർ​ട്ടി വോ​ട്ടു​ക​ളി​ൽ വ​ലി​യ ചോ​ർ​ച്ച​യു​ണ്ടാ​യെ​ന്ന വി​മ​ർ​ശ​നം ജി​ല്ലാ സെ​ക്ര​ട്ടേ​റി​യ​റ്റ് യോ​ഗ​ത്തി​ലും ഉ​യ​ർ​ന്നി​രു​ന്നു.

മോ​ശ​മാ​യ കോ​ർ​പ​റേ​ഷ​ൻ ഭ​ര​ണം എ​തി​രാ​ളി​ക​ൾ​ക്കു ഗു​ണ​ക​ര​മാ​യെ​ന്നും ധാ​ർ​ഷ്ട്യം കാ​ണി​ക്കു​ന്ന നേ​താ​ക്ക​ളെ അ​നു​ക​രി​ക്കു​ന്ന മേ​യ​റാ​യി ആ​ര്യ രാ​ജേ​ന്ദ്ര​ൻ മാ​റി​യെ​ന്നും വി​മ​ർ​ശ​ന​മു​ണ്ടാ​യി. മേ​യ​റും ഭ​ർ​ത്താ​വ് സ​ച്ചി​ൻ​ദേ​വ് എം​എ​ൽ​എ​യും ഉ​ൾ​പ്പെ​ട്ട ക​ഐ​സ്ആ​ർ​ടി​സി ബ​സ് വി​വാ​ദം ചൂ​ണ്ടി​ക്കാ​ണി​ച്ചാ​യി​രു​ന്നു വി​മ​ർ​ശ​നം.

മു​ഖ്യ​മ​ന്ത്രി​യു​ടെ​യും മ​റ്റു ചി​ല മ​ന്ത്രി​മാ​രു​ടെ​യും വീ​ടു​ക​ളി​ൽ നി​ത്യ​സ​ന്ദ​ർ​ശ​ക​രാ​യി​ട്ടു​ള്ള ചി​ല പ്ര​മാ​ണി​മാ​രു​ടെ വി​വ​ര​ങ്ങ​ൾ യോ​ഗ​ത്തി​നു ശേ​ഷം വി​മ​ർ​ശി​ച്ച​വ​ർ ത​ന്നെ എം.​ സ്വ​രാ​ജി​നോ​ടു പ​റ​ഞ്ഞ​താ​യാ​ണു വി​വ​രം. ഇ​തി​ൽ മു​ഖ്യ​മ​ന്ത്രി​യു​ടെ മ​ക​ന്‍റെ സൃ​ഹൃ​ത്താ​യ ജി​ല്ല​യി​ലെ വ​ലി​യ ബി​സി​ന​സ് ന​ട​ത്തു​ന്ന ര​ണ്ടു​പേ​ർ നി​ര​ന്തം ക്ലി​ഫ്ഹൗ​സി​ലെ സ​ന്ദ​ർ​ശ​ക​രാ​ണെ​ന്ന വി​വ​ര​വും പു​റ​ത്തു​വ​രി​ക​യാ​ണ്. ഇ​ക്കാ​ര്യം നേ​ര​ത്തേ​യും താ​ൻ ചൂ​ണ്ടി​ക്കാ​ണി​ച്ചെ​ന്നും അ​തി​നു​ശേ​ഷ​മാ​ണു ചി​ല​ർ​ക്കു താ​ൻ ഇ​പ്പോ​ൾ അ​ന​ഭി​മ​ത​നാ​യി മാ​റി​യ​തെ​ന്നും ഒ​രം​ഗം പ​റ​ഞ്ഞു.

നി​ല​വി​ലെ വോ​ട്ടിം​ഗ് നി​ല പ​രി​ശോ​ധി​ച്ചാ​ൽ കോ​ർ​പ​റേ​ഷ​ൻ ഭ​ര​ണം ന​ഷ്ട​മാ​കാ​ൻ സാ​ധ്യ​ത​യു​ണ്ടെ​ന്നും അ​ങ്ങ​നെ​യു​ണ്ടാ​യാ​ൽ അ​തി​ന് ഉത്ത​ര​വാ​ദി മേ​യ​ർ ആ​ര്യ രാ​ജേ​ന്ദ്ര​ൻ ത​ന്നെ​യാ​കു​മെ​ന്നും പ​ല നേ​താ​ക്ക​ളും ചൂ​ണ്ടി​ക്കാ​ട്ടി. ഏ​തു ക​ണ​ക്കു വ​ച്ചാ​ണു കോ​ർ​പ​റേ​ഷ​ൻ ഭ​ര​ണം ന​ഷ്ട​പ്പെ​ടു​മെ​ന്നു ചി​ല​ർ പ​റ​യു​ന്ന​തെ​ന്നു ച​ർ​ച്ച​യ്ക്കു​ള്ള മ​റു​പ​ടി​യി​ൽ ജി​ല്ലാ സെ​ക്ര​ട്ട​റി വി.​ജോ​യി പ​റ​ഞ്ഞ​തു ഇ​ട​യ്ക്കു ത​ർ​ക്ക​ത്തി​നും വ​ഴി​വ​ച്ചു.

പൊ​തു​വെ ശ​ക്ത​മാ​യ വി​മ​ർ​ശ​ന​മാ​ണു തി​രു​വ​ന​ന്ത​പു​രം ജി​ല്ലാ ക​മ്മി​റ്റി​യി​ൽ മു​ഖ്യ​മ​ന്ത്രി​ക്കെ​തി​രെ​യും പാ​ർ​ട്ടി നേ​തൃ​ത്വ​ത്തി​നെ​തി​രെ​യും ഉ​ണ്ടാ​യ​ത്. ഈ ​മാ​സം അ​വ​സാ​നം സി​പി​എം ജ​ന​റ​ൽ സെ​ക്ര​ട്ട​റി സീ​താ​റാം യെ​ച്ചൂ​രി​യും പോ​ളി​റ്റ്ബ്യൂ​റോ അം​ഗം പ്ര​കാ​ശ് കാ​രാ​ട്ടും പ​ങ്കെ​ടു​ത്തു​കൊ​ണ്ടു​ള്ള മേ​ഖ​ലാ യോ​ഗ​ങ്ങ​ൾ ന​ട​ക്കും. ഈ ​യോ​ഗ​ങ്ങ​ളി​ലാ​കും തി​രു​ത്ത​ൽ ന​ട​പ​ടി​ക​ളെ സം​ബ​ന്ധി​ച്ചു വി​ശ​ദീ​ക​രി​ക്കു​ക.

സ്വ​ന്തം ലേ​ഖ​ക​ൻ

Copyright @ 2022 , Rashtra Deepika Ltd.