യൂണിയൻ ബാങ്ക്: 606 ഒഴിവ്
യൂണിയൻ ബാങ്ക് ഓഫ് ഇന്ത്യയിൽ സ്പെഷലിസ്റ്റ് ഓഫീസർ വിഭാഗത്തിൽ 606 ഒഴിവ്. ഫെബ്രുവരി 23 വരെ ഓണ്‍ലൈനായി അപേക്ഷിക്കാം. ജെഎംജിഎസ്-1, എംഎംജിഎസ് -2, എംഎംജിഎസ്-3, എസ്എംജിഎസ്-4 വിഭാഗങ്ങളിലായാണ് അവസരം.
വിവിധ വിഭാഗങ്ങളിൽ ചീഫ് മാനേജർ, സീനിയർ മാനേജർ, മാനേജർ, അസിസ്റ്റന്‍റ് മാനേജർ എന്നീ തസ്തികകളിലേക്ക് അപേക്ഷിക്കാം. ജെഎംജിഎസ്-1 ഒഴികെയുള്ള വിഭാഗങ്ങളിൽ ജോലിപരിചയമുള്ളവർക്കാണ് അവസരം.
ജെഎംജിഎസ്-1 സ്കെയിലിൽ ഇലക്‌ട്രിക്കൽ എൻജിനിയർ, സിവിൽ എൻജിനിയർ, ആർക്കിടെക്‌ട്, ടെക്നിക്കൽ ഓഫീസർ, ഫോറെക്സ് എന്നീ വിഭാഗങ്ങളിലായി അസിസ്റ്റന്‍റ് മാനേജർ തസ്തികയിൽ 108 ഒഴിവുണ്ട്. എംഎംജിഎസ്-2 വിഭാഗത്തിൽ മാനേജർ (ക്രെഡിറ്റ്) തസ്തികയിൽ മാത്രം 371 ഒഴിവുണ്ട്.
60% മാർക്കോടെ (പട്ടികവിഭാഗം, ഒബിസി, അംഗപരിമിതർക്ക് 55%) ബിരുദവും ബന്ധപ്പെട്ട മേഖലയിൽ 3 വർഷം ജോലിപരിചയവുമാണു യോഗ്യത.
www.unionbankofindia.co.in
പഞ്ചാബ് നാഷണൽ ബാങ്ക്: 1025 ഒഴിവ്
പഞ്ചാബ് നാഷണൽ ബാങ്ക് സ്പെഷലിസ്റ്റ് ഓഫീസർ തസ്തികകളിലേക്ക് അപേക്ഷ ക്ഷണിച്ചു. 1025 ഒഴിവാണുള്ളത്. ബാങ്ക് ക്രെഡിറ്റ് ഓഫീസർ (1,000), മാനേജർ-ഫോറക്സ്(15), മാനേജർ-സൈബർ സെക്യൂരിറ്റി (05), സീനിയർ മാനേജർ-സൈബർ സെക്യൂരിറ്റി (05) എന്നിങ്ങനെയാണ് ഒഴിവുകൾ.
ഫെബ്രുവരി 25 വരെ ഓണ്‍ലൈനായി അപേക്ഷിക്കാം. ഓണ്‍ലൈൻ എഴുത്തുപരീക്ഷയുടെയും ഇന്‍റവ്യൂവിന്‍റെയും അടിസ്ഥാനത്തിലായിരിക്കും നിയമനം. മാർച്ച്-ഏപ്രിൽ മാസങ്ങളിലാകും പരീക്ഷ. അപേക്ഷാഫീസ്: 1180 (ജിഎസ്ടി ഉൾപ്പെടെ). അർഹർക്ക് ഇളവ്.
www.pnbindia.in