ശ്രീ​നാ​രാ​യ​ണ​പു​രം പ​ഞ്ചാ​യ​ത്തി​ന്‍റെ കി​ഴ​ക്ക​ൻമേ​ഖ​ല​ക​ളി​ൽ മാ​സ​ങ്ങ​ളാ​യി കു​ടി​വെ​ള്ള​മി​ല്ല
Sunday, July 28, 2024 7:02 AM IST
ശ്രീ​നാ​രാ​യ​ണ​പു​രം: ശ്രീ​നാ​രാ​യ​ണ​പു​രം പ​ഞ്ചാ​യ​ത്തി​ന്‍റെ കി​ഴ​ക്ക​ൻ മേ​ഖ​ല​ക​ളി​ൽ മാ​സ​ങ്ങ​ളാ​യി കു​ടി​വെ​ള്ള​മി​ല്ല. വെ​ള്ളം ല​ഭ്യ​മാ​ക്കു​ന്ന​തി​നാ​യി യാ​തൊ​രു ന​ട​പ​ടി​യും വാ​ട്ട​ർ അ​ഥോ​റി​റ്റി സ്വീ​ക​രി​ക്കു​ന്നി​ല്ലെ​ന്ന പ​രാ​തി വ്യാ​പ​കം. ശ്രീ​നാ​രാ​യ​ണ​പു​രം 11ാം വാ​ർ​ഡ് കോ​ത​പ​റ​മ്പ് കി​ഴ​ക്കു​ഭാ​ഗ​ത്താ​ണ് വാ​ട്ട​ർ അ​ഥോ​റി​റ്റി​യു​ടെ കു​ടി​വെ​ള്ള​മെ​ത്താ​ത്ത​ത്.

നാ​ട്ടി​ക ഫ​ർ​ക്ക ശു​ദ്ധ​ജ​ല പ​ദ്ധ​തി പ്ര​കാ​ര​മാ​ണ് ഇ​വി​ടേ​യ്ക്കു വെ​ള്ള​മെ​ത്തു​ന്ന​ത്. എ​ന്നാ​ൽ, തെ​ക്കേ അ​റ്റ​മാ​യ​തി​നാ​ൽ ഇ​വി​ടേ​ക്കു വെ​ള്ള​മെ​ത്തു​ന്ന​ത് ആ​ഴ്ച്ച​യി​ൽ ഒ​ന്നോ ര​ണ്ടോ ദി​വ​സ​മാ​ണ്. ക​ഴി​ഞ്ഞ ആ​റു​മാ​സ​ത്തി​ല​ധി​ക​മാ​യി ഈ ​ഭാ​ഗ​ത്തേ​ക്കു തീ​രെ വെ​ള്ള​മെ​ത്തു​ന്നി​ല്ലെ​ന്നു പ്ര​ദേ​ശ​വാ​സി​ക​ൾ പ​റ​യു​ന്നു.

700 രൂ​പ ന​ൽ​കി​യാ​ണ് ഇ​വി​ടെ​യു​ള്ള​വ​ർ 2000 ലി​റ്റ​ർ വെ​ള്ളം വാ​ങ്ങു​ന്ന​ത്. മ​ഴ​യു​ള്ള​പ്പോ​ൾ മ​ഴ​വെ​ള്ളം പി​ടി​ച്ചു​വ​ച്ചാ​ണ് അ​ല​ക്കാ​നും കു​ളി​ക്കാ​നു​മെ​ല്ലാം ഉ​പ​യോ​ഗി​ക്കു​ന്ന​ത്. പ​ല​ത​വ​ണ അ​ധി​കൃ​ത​രോ​ടു പ​രാ​തി പ​റ​ഞ്ഞി​ട്ടും ന​ട​പ​ടി ഉ​ണ്ടാ​യി​ല്ലെ​ന്നു നാ​ട്ടു​കാ​ർ പ​റ​യു​ന്നു. ഇ​ല​ക്ഷ​ൻ​കാ​ല​ത്ത് കു​റ​ച്ചു ദി​വ​സം പ​ഞ്ചാ​യ​ത്ത് ടാ​ങ്ക​റി​ൽ വെ​ള്ള​മെ​ത്തി​ച്ചെ​ങ്കി​ലും പി​ന്നീ​ട് ഉ​ണ്ടാ​യി​ല്ലെ​ന്നും നാ​ട്ടു​കാ​ർ പ​റ​ഞ്ഞു.

ദേ​ശീ​യ​പാ​ത വി​ക​സ​ന​വു​മാ​യി ബ​ന്ധ​പ്പെ​ട്ട് പ​ണി​യാ​രം​ഭി​ച്ച​തോ​ടെ ഈ ​ഭാ​ഗ​ത്തേ​ക്കു​ള്ള പൈ​പ്പ് മു​റി​ച്ച് മാ​റ്റി​യ​താ​ണു വെ​ള്ള​മെ​ത്താ​ത്ത​തി​നു കാ​ര​ണ​മെ​ന്നാ​ണ് അ​ധി​കൃ​ത​രു​ടെ വി​ശ​ദീ​ക​ര​ണം. പ​ക​രം പൈ​പ്പി​ട്ട് വെ​ള്ള​മെ​ത്തി​ക്കാ​ൻ ഇ​തു​വ​രെ വാ​ട്ട​ർ അ​ഥോ​റി​റ്റി ത​യാ​റാ​യി​ട്ടി​ല്ല. അ​തേ​സ​മ​യം, ശ്രീ​നാ​രാ​യ​ണ​പു​രം പ​ഞ്ചാ​യ​ത്ത് പ്ര​ദേ​ശ​ത്തെ കു​ടി​വെ​ള്ള​ക്ഷാ​മം പ​രി​ഹ​രി​ക്കു​ന്ന​തി​നാ​യി വാ​ട്ട​ർ അ​ഥോ​റി​റ്റി ഉ​ദ്യോ​ഗ​സ്ഥ​രു​മാ​യി ക​ഴി​ഞ്ഞ ദി​വ​സം യോ​ഗം ചേ​ർ​ന്നി​രു​ന്നു​വെ​ന്നും എ​ത്ര​യും പെ​ട്ടെ​ന്നു കു​ടി​വെ​ള്ളം ല​ഭ്യ​മാ​ക്കു​ന്ന​തി​നു​ള്ള ന​ട​പ​ടി സ്വീ​ക​രി​ക്ക​ണ​മെ​ന്ന് ആ​വ​ശ്യ​പ്പെ​ട്ടി​ട്ടു​ണ്ടെ​ന്നും ഇ.​ടി. ടൈ​സ​ൺ എം​എ​ൽ​എ പ​റ​ഞ്ഞു.
Copyright @ 2018 , Rashtra Deepika Ltd.