ഹരിപ്പാട്: ഹരിപ്പാട് ഉപജില്ലാ കലോത്സവം തിങ്കൾ, ചൊവ്വ, ബുധൻ ദിവസങ്ങളിലായി പള്ളിപ്പാട് നടുവട്ടം വൊക്കേഷൻ ഹയർ സെക്കൻഡറി സ്കൂളിൽ നടക്കുമെന്ന് ഭാരവാഹികൾ വാർത്താ സമ്മേളനത്തിൽ അറിയിച്ചു.
ഏഴ് വേദികളിലായി 3500 ൽപരം വിദ്യാർഥികളാണ് മത്സരങ്ങളിൽ പങ്കെടുക്കുക. നാളെ രാവിലെ 9.30 ് നടുവട്ടം വിഎച്ച്എസ്എസ് മാനേജർ പി.കെ. ഗോപിനാഥൻ നായർ പതാക ഉയർത്തും. തുടർന്നു നടക്കുന്ന സമ്മേളനം രമേശ് ചെന്നിത്തല എംഎൽഎ ഉദ്ഘാടനം ചെയ്യും.പള്ളിപ്പാട് പഞ്ചായത്ത് പ്രസിഡന്‍റും സ്വാഗതസംഘം ചെയർപേഴ്സണുമായ ആർ. രഞ്ജിനി അധ്യക്ഷത വഹിക്കും. ആലപ്പുഴ ജില്ലാ പഞ്ചായത്തംഗം എ.ശോഭ മുഖ്യപ്രഭാഷണം നടത്തും. ചലച്ചിത്ര സംവിധായകൻ മധു ഇറവങ്കര മുഖ്യാതിഥിയാവും.
ഹരിപ്പാട് ഉപജില്ലാ വിദ്യാഭ്യാസ ഓഫീസർ കെ.ഗീത,ജില്ല പഞ്ചായത്ത് അംഗം എം.വി.പ്രിയ,ഹരിപ്പാട് ബ്ലോക്ക് പഞ്ചായത്ത് പ്രസിഡണ്ട് രുഗ്‌മിണി രാജു, ബ്ലോക്ക് പഞ്ചായത്ത് അംഗം ജോർജ് വർഗീസ്,റിസപ്ഷൻ കമ്മിറ്റി കൺവീനർ രാജേഷ് കുമാർ തുടങ്ങിയവർ പ്രസംഗിക്കും.
ബുധനാഴ്ച നടക്കുന്ന സമാപന സമ്മേളനം ജില്ലാ പഞ്ചായത്ത് പ്രതിപക്ഷ നേതാവ് ജോൺ തോമസ് ഉദ്ഘാടനം ചെയ്യും.പള്ളിപ്പാട് പഞ്ചായത്ത് വൈസ് പ്രസിഡന്റ് ലാൽ വർഗീസ് അധ്യക്ഷത വഹിക്കും. മുതുകുളം ബ്ലോക്ക് പഞ്ചായത്ത് പ്രസിഡന്റ് അംബുജാക്ഷി ടീച്ചർ, പള്ളിപ്പാട് പഞ്ചായത്ത് പ്രസിഡന്റ് ആർ.രഞ്ജിനി, ഹരിപ്പാട് നഗരസഭ ചെയർമാൻ കെ.കെ.രാമകൃഷ്ണൻ തുടങ്ങിയവർ പ്രസംഗിക്കും.
വാർത്താ സമ്മേളനത്തിൽ എഇഒ കെ. ഗീത,സീനിയർ സൂപ്രണ്ട് ദിനേശ്, പ്രോഗ്രാം ചെയർമാൻ ബിജു, പ്രോഗ്രാം കൺവീനർമിനിമോൾ,പബ്ളിസിറ്റി കൺവീനർ രവിരാജ്,എച്ച്എം ഫോറം കൺവീനർ രാജീവ്‌,റിസപ്ഷൻ കമ്മിറ്റി കൺവീനർ രാജേഷ് കുമാർ, സലിൽ,സരിത,ദീപ തുടങ്ങിയവർ പങ്കെടുത്തു.