തണ്ണീർമുക്കം ബണ്ടിന്‍റെ ഷ​ട്ട​റു​ക​ൾ നി​യ​ന്ത്രി​ക്കാ​ൻ ക​ള​ക്ട​ർ​ക്ക് നി​വേ​ദ​നം
Saturday, November 9, 2024 5:14 AM IST
മ​ങ്കൊ​മ്പ്: വേ​ലി​യേ​റ്റ​വും വേ​ലി​യി​റ​ക്ക​വു​മു​ണ്ടാ​കു​ന്ന സ​മ​യ​ങ്ങ​ളി​ൽ കു​ട്ട​നാ​ട്ടി​ലെ ജ​ല​നി​ര​പ്പു നി​യ​ന്ത്രി​ക്കാ​ൻ ത​ണ്ണീ​ർ​മു​ക്കം ബ​ണ്ടി​ന്‍റെ ഷ​ട്ട​റു​ക​ൾ നി​യ​ന്ത്രി​ക്ക​ണ​മെ​ന്ന് നെ​ൽ​ക​ർ​ഷ​ക സം​ര​ക്ഷ​ണ സ​മി​തി ആ​വ​ശ്യ​പ്പെ​ട്ടു.

ബ​ണ്ടി​ന്‍റെ തെ​ക്കു​വ​ശ​ത്താ​യി വേ​ലി​യേ​റ്റ-​വേ​ലി​യി​റ​ക്ക സ​മ​യ​ങ്ങ​ളി​ൽ ഏ​ക​ദേ​ശം ഒ​ന്ന​ര​യ​ടി​യോ​ളം വെ​ള്ള​ത്തി​ന്‍റെ വ്യ​ത്യാ​സ​മാ​ണ് ഉ​ണ്ടാ​വു​ന്ന​ത്. ഇ​തുമൂ​ലം കു​ട്ട​നാ​ട്ടി​ലെ മി​ക്ക​പാ​ട​ശേ​ഖ​ര​ങ്ങ​ളി​ലും ക​വി​ഞ്ഞു​ക​യ​റ്റം, അ​ള്ളുവീ​ഴ്ച തു​ട​ങ്ങി​യ​വ മൂ​ലം മ​ട​വീ​ഴ്ച ഭീ​ഷ​ണി നേ​രി​ടു​ക​യാ​ണ്. ഇ​തി​നു​പു​റമേ നി​ല​വി​ലെ സാ​ഹ​ച​ര്യ​ങ്ങ​ൾ മൂ​ലം പു​ഞ്ചകൃ​ഷി​യു​ടെ വി​ത​യും അ​നി​ശ്ചി​ത​മാ​യി നീ​ണ്ടു​പോ​വു​ക​യാ​ണ്.

വ​രാ​നി​രി​ക്കു​ന്ന വൃ​ശ്ചി​കമാ​സ​ത്തി​ലെ വേ​ലി​യേ​റ്റം ഇ​തി​ലും തീ​വ്ര​മാ​കു​മെ​ന്ന​ത് ക​ർ​ഷ​ക​രു​ടെ ആ​ശ​ങ്ക വ​ർ​ധിക്കു​ന്നു. ഈ ​സാ​ഹ​ച​ര്യം പ​രി​ഗ​ണി​ച്ചു ജി​ല്ലാ ഭ​ര​ണ​കൂ​ട​ത്തി​ന്‍റെ ഭാ​ഗ​ത്തു​നി​ന്നും അ​ടി​യ​ന്ത​ര​മാ​യി ഈ ​വി​ഷ​യ​ത്തി​ൽ ഇ​ട​പെ​ട്ട് ത​ണ്ണീ​ർ​മു​ക്കം ബ​ണ്ടി​ന്‍റെ ഷ​ട്ട​റു​ക​ൾ വേ​ലി​യേ​റ്റ​സ​മ​യ​ത്ത് അ​ട​ച്ചും വേ​ലി​യി​റ​ക്ക സ​മ​യ​ത്ത് ഉ​യ​ർ​ത്തി​യും വെ​ള്ളം ക്ര​മീ​ക​രി​ക്ക​ണം.

കു​ട്ട​നാ​ട്ടി​ലെ ജ​ന​ങ്ങ​ളെ​യും നെ​ൽകൃ​ഷി​യെ​യും സം​ര​ക്ഷി​ക്ക​ണ​മെ​ന്നാ​വ​ശ്യ​പ്പെ​ട്ട് ജി​ല്ലാ ക​ള​ക്ട​ർ​ക്ക് നി​വേ​ദ​നം ന​ൽ​കി​യ​താ​യി സ​മി​തി ഭാ​ര​വാ​ഹി​ക​ൾ അ​റി​യി​ച്ചു.
Copyright @ 2018 , Rashtra Deepika Ltd.