പ്രി​യ ഇ​ട​യ​ന് യാ​ത്രാ​മൊ​ഴി​യേ​കി ഇ​ട​വ​ക​ജ​നം
Saturday, October 5, 2024 3:24 AM IST
മ​ങ്കൊ​മ്പ്: 2021 ജൂ​ലൈ മാ​സ​ത്തി​ൽ ത​ങ്ങ​ളു​ടെ പ്രി​യ​പ്പെ​ട്ട ഇ​ട​യ​നെ ആ​ദ​ര​വോ​ടെ വ​ര​വേ​റ്റ ച​മ്പ​ക്കു​ള​ത്തെ ഇ​ട​വ​ക​ജ​നം ഇ​ന്ന​ലെ ക​ണ്ണീ​രോ​ടെ അ​ദ്ദേ​ഹ​ത്തി​നു യാ​ത്രാ​മൊ​ഴി​യേ​കി. മൂ​ന്നേ​കാ​ൽ വ​ർ​ഷ​ം പ്ര​കാ​ശ​ഗോ​പു​ര​മെ​ന്ന​പോ​ൽ വി​ശ്വാ​സ​യാ​ത്ര​യി​ൽ മു​ൻ​പേ​ ന​ട​ന്നു ന​യി​ച്ച ഇ​ട​യ​ന്‍റെ ചേ​ത​ന​യ​റ്റ ശ​രീ​രം വ​ഹി​ച്ച ആം​ബു​ല​ൻ​സ് പ്ര​ധാ​ന​ക​വാ​ടം ക​ട​ന്നു​പോ​കു​ന്ന​ത് നി​റ​മി​ഴി​ക​ളോ​ടെ​യാ​ണ് വി​ശ്വാ​സി​സ​മൂ​ഹം നോ​ക്കി​നി​ന്ന​ത്.

അ​ടു​ത്ത​റി​ഞ്ഞ​വ​രു​ടെ​യെ​ല്ലാം മ​ന​സി​നു​ള്ളി​ൽ ഇ​ടം​പി​ടി​ച്ചി​രു​ന്ന വൈ​ദി​ക​നെ​ കാ​ണാ​ൻ കു​ട്ട​നാ​ടി​ന്‍റെ വി​വി​ധ ഭാ​ഗ​ങ്ങ​ളി​ൽ​നി​ന്നു​ള്ള​വ​ർ ച​മ്പ​ക്കു​ള​ത്തേ​ക്ക് ഒ​ഴു​കി​യെ​ത്തി​യി​രു​ന്നു. ജി​ല്ല​യ് ക്കു പു​റ​ത്തു​നി​ന്നു​ള്ള സ​ന്യ​സ്ത​രും അ​ൽ​മാ​യ​രും ഉ​ച്ച​മു​ത​ൽ​ക്കെ ച​മ്പ​ക്കു​ള​ത്തെ​ത്തി​യി​രു​ന്നു. കാ​ത്തി​രി​പ്പി​നൊ​ടു​വി​ൽ മൂ​ന്നേ​കാ​ലോ​ടെ ഗ്രി​ഗ​റി​യ​ച്ച​ന്‍റെ ഭൗ​തി​ക​ശ​രീ​ര​വും വ​ഹി​ച്ചു​ള്ള ആം​ബു​ല​ൻ​സ് ബ​സി​ലി​ക്ക ക​വാ​ടം ക​ട​ന്നെ​ത്തി.

ആ​യി​ര​ക്ക​ണ​ക്കി​നു​വ​രു​ന്ന ജ​ന​സ​മൂ​ഹ​ത്തി​നു ന​ടു​വി​ലൂ​ടെ അ​ച്ച​ന്‍റെ ചേ​ത​ന​യ​റ്റ ദേ​ഹം ദേ​വാ​ല​യ​ത്തി​നു​ള്ളി​ലേ​ക്ക്, ദി​വ​സ​വും ബ​ലി​യ​ർ​പ്പി​ച്ചി​രു​ന്ന അ​ൾ​ത്താ​ര​യ്ക്ക​ഭി​മു​ഖ​മാ​യി, അ​വ​സാ​ന​മാ​യി ത​ന്‍റെ ഇ​ട​വ​ക ജ​ന​ത്തി​നു മു​ൻ​പി​ലേ​ക്ക്. മ​ണി​ക്കൂ​റു​ക​ളാ​യി കാ​ത്തു​നി​ന്നി​രു​ന്ന​വ​ർ വ​രി​യാ​യി പ​ള്ളി​ക്കു​ള്ളി​ൽ പ്ര​വേ​ശി​ച്ച് പ്രി​യ​വൈ​ദി​ക​നെ അ​വ​സാ​ന​മാ​യി ഒ​രു​നോ​ക്കു ക​ണ്ടു. ച​മ്പ​ക്കു​ളം ഫൊ​റോ​ന​യി​ലെ​യും ഇ​ട​വ​ക​യി​ലെ​യും വൈ​ദി​ക​രു​ടെ നേ​തൃ​ത്വ​ത്തി​ൽ പ്രാ​ർ​ഥ​നാ​ശു​ശ്രൂ​ഷ​ക​ൾ ന​ട​ന്നു.

തു​ട​ർ​ന്ന് ദ​ർ​ശ​ന​സ​മൂ​ഹാം​ഗ​ങ്ങ​ളു​ടെ നേ​തൃ​ത്വ​ത്തി​ൽ പൊ​ൻ​കു​രി​ശി​ന്‍റെ​യും മു​ത്തു​ക്കു​ട​ക​ളു​ടെ​യും അ​ക​മ്പ​ടി​യോ​ടെ പ്രി​യ​വി​കാ​രി​യെ പ​ള്ളി​യി​ൽ നി​ന്നു പു​റ​ത്തേ​ക്കി​റ​ക്കി, അ​വ​സാ​ന യാ​ത്ര​യ​യ​പ്പി​നാ​യി. ഒ​ടു​വി​ൽ ഇ​ട​യ​ന്‍റെ ഭൗ​തി​ക​ശ​രീ​ര​വും വ​ഹി​ച്ചു​ള്ള ആം​ബു​ല​ൻ​സ് പ​ള്ളി​മു​റ്റ​ത്തൂ​കൂ​ടി പ്ര​ധാ​ന ക​വാ​ട​വും ക​ട​ന്നു റോ​ഡി​ലേ​ക്കി​റ​ങ്ങി. ഇ​ട​വ​ക​സ​മൂ​ഹ​മൊ​ന്നാ​കെ ആം​ബു​ല​ൻ​സി​നെ അ​നു​ഗ​മി​ച്ചു പി​ന്നാ​ലെ​യെ​ത്തി.

നേ​ര​ത്തെ നി​ര​വ​ധി വാ​ഹ​ന​ങ്ങ​ളു​ടെ അ​ക​മ്പ​ടി​യോ​ടെ​യാ​ണ് ച​ങ്ങ​നാ​ശേ​രി​യി​ൽ​നി​ന്ന് ഇ​ട​വ​ക സ​മൂ​ഹം ഓ​ണം​കു​ള​മ​ച്ച​ന്‍റെ ഭൗ​തി​ക​ശ​രീ​രം ദൈ​വാ​ല​യ​ത്തി​ലേ​ക്കു കൊ​ണ്ടു​വ​ന്ന​ത്. ഒ​രു യാ​ത്ര​യ​യ​പ്പു​പോ​ലെ വാ​ഹ​ന​ങ്ങ​ളു​ടെ അ​ക​മ്പ​ടി​യോ​ടെ ജ​ന്മ​ഗൃ​ഹ​ത്തി​ലേ​ക്ക് ഇ​ട​വ​ക​ജ​നം അ​ച്ച​നെ പി​ൻ​തു​ട​ർ​ന്നു.

രോ​ഗ​ശ​യ്യ​യി​ലും ഇ​ട​വ​ക​യെ മ​റ​ക്കാ​തെ...

മ​ങ്കൊ​മ്പ്: ആ​ശു​പ​ത്രി​ക്കി​ട​ക്ക​യി​ൽ രോ​ഗ​ത്തോ​ടു മ​ല്ല​ടി​ക്കു​മ്പോ​ഴും ഇ​ട​വ​ക​യെ​യും ത​ന്നി​ൽ നി​ക്ഷി​പ്ത​മാ​യി​രി​ക്കു​ന്ന ആ​ത്മീ​യ ശു​ശ്രൂ​ഷ​ക​ളെ​പ്പ​റ്റി​യും ഗ്രി​ഗ​റി​യ​ച്ച​ൻ ക​ർ​ക്ക​ശ​ക്കാ​ര​നാ​യി​രു​ന്നു.

ഇ​ട​വ​ക​യു​ടെ ഭാ​ഗ​മാ​യ ബി​ഷ​പ് കു​ര്യാ​ള​ശേ​രി സ്‌​കൂ​ളി​നോ​ടു ചേ​ർ​ന്നു​ള്ള ഓ​ർ​ശ​ലേം ചാ​പ്പ​ലി​ലെ തി​രു​നാ​ളാ​രം​ഭി​ച്ച​ത് ബു​ധ​നാ​ഴ്ച​യാ​ണ്. കൊ​ടി​യേ​റ്റു​ക​ർ​മം നി​ർ​വ​ഹി​ക്കേ​ണ്ട​ത് ഇ​ട​വ​ക​യു​ടെ വി​കാ​രി​യെ​ന്ന നി​ല​യി​ൽ ഗ്രി​ഗ​റി​യ​ച്ച​നാ​യി​രു​ന്നു. ആ​ശു​പ​ത്രി​ക്കി​ട​ക്ക​യി​ലാ​യ​തി​നാ​ൽ പ​ക​രം കൊ​ടി​യേ​റ്റാ​നു​ള്ള സം​വി​ധാ​ന​മൊ​രു​ക്കാ​മെ​ന്ന് സ​ഹ​വി​കാ​രി അ​ച്ച​നെ അ​റി​യി​ച്ചു.

എ​ന്നാ​ൽ, ആ​രോ​ഗ്യ​സ്ഥി​തി കാ​ര്യ​മാ​ക്കേ​ണ്ടെ​ന്നും കൊ​ടി​യേ​റ്റി​നു താ​നെ​ത്തു​മെ​ന്നു​മ​റി​യി​ച്ച അ​ച്ച​ൻ സ​മ​യ​ത്തു​ത​ന്നെ​യെ​ത്തി കൊ​ടി​യേ​റ്റി​യ ശേ​ഷം ആ​ശു​പ​ത്രി​യി​ലേ​ക്കു മ​ട​ങ്ങി. പി​റ്റേ​ന്നു പു​ല​ർ​ച്ചെ​യാ​ണ് അ​ച്ച​ന്‍റെ ആ​രോ​ഗ്യ​നി​ല വ​ഷ​ളാ​കു​ക​യും മ​ര​ണ​ത്തി​ലേ​ക്കു ന​യി​ക്കു​ക​യും ചെ​യ്ത​ത്.

അ​തു​കൊ​ണ്ടു​ത​ന്നെ സ്വ​ന്തം ആ​രോ​ഗ്യ​നി​ല പോ​ലും മ​റ​ന്നു ത​ങ്ങ​ൾ​ക്കു​വേ​ണ്ടി ജീ​വി​ച്ച പ്രി​യ ഇ​ട​യ​ന്‍റെ വേ​ർ​പാ​ട് വി​ശ്വാ​സി​സ​മൂ​ഹ​ത്തി​നു താ​ങ്ങാ​വു​ന്ന​തി​ലും അ​ധി​ക​മാ​ണ്.

ഹൃ​ദ​യ​ത്തി​ന്‍റെ ആ​ഴ​ത്തി​ൽനി​ന്ന് അ​നു​ശോ​ച​നം: കൊ​ടി​ക്കു​ന്നി​ൽ സു​രേ​ഷ് എംപി

മ​ങ്കൊ​മ്പ്: ഓ​ണം​കു​ളം അ​ച്ച​ന്‍റെ വി​യോ​ഗ​ത്തി​ൽ എ​ന്‍റെ ഹൃ​ദ​യ​ത്തി​ന്‍റെ ആ​ഴ​ത്തി​ൽനി​ന്ന് അ​നു​ശോ​ചി​ക്കു​ന്ന​താ​യി കൊ​ടി​ക്കു​ന്നി​ൽ സു​രേ​ഷ് എം​പി. അ​ച്ച​നു​മാ​യി എ​നി​ക്ക് ദീ​ർ​ഘ​കാ​ല​ത്തെ സൗ​ഹൃ​ദ​ബ​ന്ധ​മു​ണ്ടാ​യി​രു​ന്നു.

എ​ന്‍റെ രാ​ഷ്ട്രീ​യ ജീ​വി​ത​ത്തി​ന്‍റെ ആ​ദ്യ​കാ​ല​ങ്ങ​ളി​ൽ​ത്ത​ന്നെ അ​ദ്ദേ​ഹം എ​നി​ക്ക് പ്ര​ചോ​ദ​ന​വും പി​ൻ​തു​ണ​യു​മാ​യി​രു​ന്നു. മാ​വേ​ലി​ക്ക​ര പാ​ർ​ല​മെ​ന്‍റ് മ​ണ്ഡ​ല​ത്തി​ൽ വി​ജ​യി​ച്ച ദി​വ​സം മു​ത​ൽ, വി​വി​ധ ഇ​ട​വ​ക​ക​ളി​ൽ വി​കാ​രി​യാ​യി സേ​വ​നം അ​നു​ഷ്ഠി​ക്കു​മ്പോ​ഴും ബ​ന്ധം നി​ല​നി​ന്നു​പോ​ന്നു.

ച​മ്പ​ക്കു​ളം പു​ല്ല​ങ്ങ​ടി തി​രു​ക്കു​ടും​ബ ദേ​വാ​ല​യ​ത്തി​ൽ സം​ഘ​ടി​പ്പി​ച്ച പ്ര​ഥ​മ ദി​വ്യ​ബ​ലി​യ​ർ​പ്പ​ണ​ത്തി​ന്‍റെ ശ​താ​ബ്ദി ആ​ഘോ​ഷ​ങ്ങ​ളു​ടെ സ​മാ​പ​ന സ​മ്മേ​ള​ന​മാ​യി​രു​ന്നു അ​ച്ച​നു​മാ​യി ഞാ​ൻ പ​ങ്കെ​ടു​ത്ത അ​വ​സാ​ന പ​രി​പാ​ടി.

അ​ച്ച​ന്‍റെ ദൈ​വ​സ്‌​നേ​ഹ​വും മ​നു​ഷ്യ​സേ​വ​ന​വും എ​നി​ക്ക് പ്ര​ചോ​ദ​ന​മാ​യി​രു​ന്നു. അ​ദ്ദേ​ഹ​ത്തി​ന്‍റെ സൗ​മ്യ​ത​യും സ്‌​നേ​ഹ​ത്തോ​ടെ​യു​ള്ള ഇ​ട​പെ​ട​ലു​ക​ളും എ​ക്കാ​ല​വും ഓ​ർ​മി​ക്ക​പ്പെ​ടു​മെ​ന്നും അ​ദ്ദേ​ഹം അ​നു​സ്മ​രി​ച്ചു.
Copyright @ 2018 , Rashtra Deepika Ltd.