കോഴഞ്ചേരി: കോഴഞ്ചേരി തൊള്ളായിരക്കുഴി, അനുഗ്രഹ കോംപ്ലക്സ് കെട്ടിടത്തില്‍ ഹാന്‍ടെക്സിന്‍റെ നവീകരിച്ച ഷോറൂം മന്ത്രി വീണാ ജോർജ് ഉദ്ഘാടനം ചെയ്തു. കോഴഞ്ചേരി ഗ്രാമപഞ്ചായത്ത് പ്രസിഡന്‍റ് റോയി ഫിലിപ്പ് അധ്യക്ഷത വഹിച്ചു. റോയി എം. മാത്യു മുത്തൂറ്റിന് നല്‍കി ആദ്യവില്പന മന്ത്രി നിർവഹിച്ചു.
ഹാന്‍ടെക്സ് അഡ്മിനിസ്ട്രേറ്റീവ് കമ്മിറ്റി കണ്‍വീനര്‍ പി.വി. രവീന്ദ്രന്‍, കൈത്തറി ടെക്സ്‌റ്റൈല്‍സ് ആൻഡ് മാനേജിംഗ് ഡയറക്ടര്‍ കെ.എസ്. അനില്‍കുമാര്‍, ഹാന്‍ടെക്സ് ഫൈനാന്‍സ് മാനേജര്‍ പി.എസ്. സുധാദേവി, മാര്‍ക്കറ്റിംഗ് മാനേജര്‍ എസ്. ഹരിലാല്‍, ബാബു കോയിക്കലേത്ത്, ബിജിലി പി. ഈശോ, മിനി സുരേഷ്, ഗീതു മുരളി, സുമിത ഉദയകുമാര്‍, ജിജി വര്‍ഗീസ്, സാലി ഫിലിപ്പ്, ജെറി മാത്യു സാം തുടങ്ങിയവർ പ്രസംഗിച്ചു.
ഓണത്തെ വരവേല്‍ക്കുന്നതിനായി വിപുലമായ വസ്ത്ര ശേഖരമാണ് ഹാന്‍ടെക്സ് ഷോറൂമുകളില്‍ ഒരുക്കിയിട്ടുള്ളത്. കേരള സാരികള്‍, സെറ്റ്മുണ്ട്, മുണ്ട്, ഷര്‍ട്ടുകള്‍, ബെഡ് ഷീറ്റുകള്‍, കണ്ണൂര്‍ ഫര്‍ണിഷിംഗ്, കുട്ടികളുടെ ഉത്പന്നങ്ങള്‍ തുടങ്ങിയവ ഷോറൂമുകളിൽ ലഭ്യമാകും. കോഴഞ്ചേരിയിൽ 2018ലെ പ്രളയത്തെത്തുടർന്നുണ്ടായ നഷ്ടത്തിൽ അടച്ചിട്ടിരുന്ന ഷോറൂമാണ് നവീകരിച്ച് ഉദ്ഘാടനം ചെയ്തത്.