മല്ലപ്പള്ളി: തിരിച്ചടികൾ ലഭിച്ചിട്ടും ജനങ്ങളെ വെല്ലുവിളിക്കുന്ന സമീപനം സിപിഎം തുടരുകയാണെന്ന് കെപിസിസി രാഷ്ട്രീയകാര്യ സമിതി അംഗം പ്രഫ. പി.ജെ. കുര്യൻ. കോൺഗ്രസ് ബ്ലോക്ക് പ്രവർത്തക കൺവൻഷനും ബ്ലോക്ക് ഭാരവാഹികളുടെ സ്ഥാനരോഹണവും ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം.
കോൺഗ്രസ് ബ്ലോക്ക് പ്രസിഡന്റ് എബി മേക്കരിങ്ങാട്ട് അധ്യക്ഷത വഹിച്ചു. ഭാരവാഹികളുടെ സ്ഥാനരോഹണം ഡിസിസി പ്രസിഡന്റ് പ്രഫ. സതീഷ് കൊച്ചുപറമ്പിൽ നിർവഹിച്ചു. റെജി തോമസ്, മാത്യു ചാമത്തിൽ, കോശി പി. സക്കറിയ, ലാലു തോമസ്, സുരേഷ് ബാബു പാലാഴി, പി.ടി. ഏബ്രഹാം, പ്രസാദ് ജോർജ്, എ.ഡി. ജോൺ, വിനീത്കുമാർ, കെ. ദിനേശ്, മാന്താനം ലാലൻ, എം.കെ. സുബാഷ് കുമാർ, ചെറിയാൻ മണ്ണാഞ്ചേരി, മണിരാജ് പുന്നിലം, ലിൻസൺ പാറോലിക്കൽ, തോമസ് തമ്പി എന്നിവർ പ്രസംഗിച്ചു.