കൊ​ട്ടി​യൂ​ർ വൈ​ശാ​ഖ മ​ഹോ​ത്സ​വം സ​മാ​പി​ച്ചു
Wednesday, June 19, 2024 1:51 AM IST
കൊ​ട്ടി​യൂ​ർ: ഇ​രു​പ​ത്തി​യെ​ട്ടു ദി​വ​സം നീ​ണ്ടു​നി​ന്ന കൊ​ട്ടി​യൂ​ർ വൈ​ശാ​ഖ മ​ഹോ​ത്സ​വം തി​ങ്ക​ളാ​ഴ്ച ന​ട​ന്ന തൃ​ക്ക​ല​ശാ​ട്ട​ത്തോ​ടെ സ​മാ​പി​ച്ചു. രാ​വി​ലെ വാ​ക​ച്ചാ​ർ​ത്തോ​ടെ​യാ​ണു ഉ​ത്സ​വ​സ​മാ​പ​ന ച​ട​ങ്ങു​ക​ൾ​ക്ക് തു​ട​ക്ക​മാ​യ​ത്. തേ​ങ്ങാ​മു​റി​ക​ളി​ലേ​ക്ക് നാ​ളം പ​ക​ർ​ന്ന​ശേ​ഷം അ​ക്ക​രെ സ​ന്നി​ധാ​ന​ത്തെ എ​ല്ലാ വി​ള​ക്കു​ക​ളും അ​ണ​ച്ചു.

ക​ല​ശാ​ഭി​ഷേ​ക​ത്തി​ന് മു​ന്പേ മു​ള​ന്ത​ണ്ടു​ക​ളും ഞെ​ട്ടി​പ്പ​ന​യോ​ല​യും കൊ​ണ്ട് നി​ർ​മി​ച്ച ശ്രീ​കോ​വി​ലി​ന്‍റെ തൂ​ണു​ക​ൾ പി​ഴു​തെ​ടു​ത്ത് തി​രു​വ​ഞ്ചി​റ​യി​ൽ നി​ക്ഷേ​പി​ച്ച​തോ​ടെ മ​ണി​ത്ത​റ തൃ​ക്ക​ല​ശാ​ട്ടി​ന് ഒ​രു​ങ്ങി. ക​ല​ശ​മ​ണ്ഡ​പ​ത്തി​ൽ പൂ​ജി​ച്ചു​വ​ച്ച ക​ള​ഭ​കും​ഭ​ങ്ങ​ൾ വാ​ദ്യ​ഘോ​ഷ​ങ്ങ​ളോ​ടെ മു​ഖ​മ​ണ്ഡ​പ​ത്തി​ലേ​ക്ക് എ​ഴു​ന്ന​ള്ളി​ച്ച് പ്ര​ധാ​ന ത​ന്ത്രി​മാ​രു​ടെ കാ​ർ​മി​ക​ത്വ​ത്തി​ൽ സ്വ​യം​ഭൂ​വി​ൽ ആ​ടി.

മു​ഴു​വ​ൻ ബ്രാ​ഹ്മ​ണ​രും ചേ​ർ​ന്ന് സ​മൂ​ഹ പു​ഷ്പാ​ഞ്ജ​ലി​യും പ്ര​ധാ​ന ത​ന്ത്രി​യു​ടെ പൂ​ർ​ണ പു​ഷ്പാ​ഞ്ജ​ലി​യും ന​ട​ത്തി. പു​ഷ്പാ​ഞ്ജ​ലി ക​ഴി​ഞ്ഞ് തീ​ർ​ഥ​വും പ്ര​സാ​ദ​വും ന​ൽ​കു​ന്ന​തോ​ടൊ​പ്പം ആ​ടി​യ ക​ള​ഭ​വും ഭ​ക്ത​ർ​ക്ക് ന​ൽ​കി. തു​ട​ർ​ന്ന് കൂ​ത്ത​ര​ങ്ങി​ൽ വ​ച്ച് ഭ​ണ്ഡാ​രം തി​രി​ച്ചെ​ഴു​ന്ന​ള്ള​ത്തി​നു​ള്ള ഏ​റ്റു​വാ​ങ്ങ​ൽ ന​ട​ത്തി. അ​തി​നു​ശേ​ഷം അ​മ്മാ​റ​ക്ക​ൽ ത​റ​യി​ൽ തൃ​ച്ച​ന്ദ​ന​പ്പൊ​ടി അ​ഭി​ഷേ​കം ന​ട​ത്തു​ക​യും ആ​ചാ​ര്യ​ൻ​മാ​രി​ൽ ഒ​രാ​ൾ യാ​ത്രാ​ബ​ലി ന​ട​ത്തു​ക​യും ചെ​യ്തു.

യാ​ത്രാ​ബ​ലി​ക്ക് മു​ന്പ് ത​ന്ത്രി​യും പ​രി​ക​ർ​മി​യും ഓ​ച്ച​റും പ​ന്ത​ക്കി​ട​ങ്ങാ​ളും ഒ​ഴി​കെ ബാ​ക്കി​യെ​ല്ലാ​വ​രും അ​ക്ക​രെ സ​ന്നി​ധാ​ന​ത്തി​ന് പു​റ​ത്തു ക​ട​ന്നു. തു​ട​ർ​ന്ന് മു​തി​രേ​രി ക്ഷേ​ത്ര​ത്തി​ലെ വാ​ൾ തി​രി​ച്ചെ​ഴു​ന്ന​ള്ളി​ച്ചു. ഭ​ണ്ഡാ​ര​വും ച​പ്പാ​രം വാ​ളു​ക​ളും മ​ണ​ത്ത​ണ​യി​ലേ​ക്കും തി​രി​ച്ചും എ​ഴു​ന്ന​ള്ളി​ച്ചു.

ദേ​വി, ദേ​വ വി​ഗ്ര​ഹ​ങ്ങ​ൾ ഇ​ക്ക​രെ ക്ഷേ​ത്ര​ത്തി​ലേ​ക്ക് തി​രി​ച്ചെ​ഴു​ന്ന​ള്ളി​ച്ച​തോ​ടെ വൈ​ശാ​ഖ മ​ഹോ​ത്സ​വം സ​മാ​പി​ച്ചു. അ​ക്ക​രെ സ​ന്നി​ധി​യി​ലെ ക​യ്യാ​ല​ക​ളും മ​റ്റു നി​ർ​മാ​ണ​ങ്ങ​ളും ഉ​ത്സ​വം തീ​ർ​ന്ന​തോ​ടെ പ്ര​കൃ​തി​യി​ൽ ല​യി​ച്ചു​ചേ​രും. ഇ​നി അ​ടു​ത്ത വ​ർ​ഷം വൈ​ശാ​ഖ മ​ഹോ​ത്സ​വ​ത്തി​ൽ മാ​ത്ര​മാ​ണ് അ​ക്ക​രെ കൊ​ട്ടി​യൂ​രി​ലേ​ക്ക് പ്ര​വേ​ശ​ന​മു​ണ്ടാ​കു​ക.
Copyright @ 2018 , Rashtra Deepika Ltd.