നിലമ്പൂര്‍: സ്പ്രിങ്‌സ് ഇന്‍റര്‍നാഷണല്‍ സ്‌കൂള്‍ സ്ഥാപക ചെയര്‍മാനും ആരോഗ്യ-വിദ്യാഭ്യാസ പ്രവര്‍ത്തകനുമായിരുന്ന പരേതനായ ഡോ. അബ്ദുറസാഖിന്‍റെ സ്മരണാർഥം സ്പ്രിങ്‌സ് ഇന്‍റര്‍നാഷണല്‍ സ്‌കൂളില്‍ ഇന്‍റര്‍സ്‌കൂള്‍ ഡിബേറ്റ് സംഘടിപ്പിച്ചു.
സ്‌കൂള്‍ മാനേജിങ് ഡയറക്ടര്‍ ഷജ്‌ന സിയാദ് ഉദ്ഘാടനം ചെയ്തു.മലബാറിലെ 15 സ്‌കൂളുകളില്‍ നിന്നായി 30 കുട്ടികള്‍ പങ്കെടുത്ത ഡിബേറ്റില്‍ നൈഫ സിയാന്‍ (സ്പ്രിങ്‌സ് ഇന്‍റര്‍നാഷണല്‍ സ്‌കൂള്‍, മമ്പാട്), അങ്കിത് പുത്തുകൂടി (ജംസ് ഫോര്‍ഡ് വേള്‍ഡ് സ്‌കൂള്‍, മഞ്ചേരി) എന്നിവര്‍ ഒന്നാം സ്ഥാനവും ടി.ടി. അസ ഫാത്തിമ (സ്‌ട്രൈയ്റ്റ് പാത്ത്, മലപ്പുറം), റയാന്‍ മുഹമ്മദ് അഷ്‌റഫ് (സ്പ്രിങ്‌സ് ഇന്‍റര്‍നാഷണല്‍ സ്‌കൂള്‍, മമ്പാട്) എന്നിവര്‍ രണ്ടാം സ്ഥാനവും കരസ്ഥമാക്കി.
ഒന്നാം സ്ഥാനക്കാരായ രണ്ട് പേര്‍ക്ക് 7000 രൂപ വീതവും രണ്ടാം സ്ഥാനക്കാരായ രണ്ട് പേര്‍ക്ക് 4000 രൂപ വീതവും പ്രൈസ് മണി സ്പ്രിങ്‌സ് ഡയറക്ടര്‍ ഡോ. ആരിഫ അബ്ദുറസാഖ്, സ്പ്രിങ്‌സ് രക്ഷാധികാരി ഫാത്തിമ ബീവി കൊടുങ്ങല്ലൂര്‍ എന്നിവര്‍ സമ്മാനിച്ചു. ഡിബേറ്റില്‍ പങ്കെടുത്ത മുഴുവന്‍ മല്‍സരാര്‍ഥികള്‍ക്കും ഏര്‍പ്പെടുത്തിയ പ്രത്യേക ട്രോഫികള് സ്‌കൂള്‍ പ്രിന്‍സിപ്പല്‍ ചിത്രകല, വൈസ് പ്രിന്‍സിപ്പല്‍ എന്‍. പാത്തുമ്മക്കുട്ടി, സ്‌കൂള്‍ പ്രോഗ്രാം ഓഫീസര്‍ കെ.ടി. മന്‍സൂര്‍ എന്നിവര്‍ വിതരണം ചെയ്തു. ശിഹാബ് നീലാമ്പ്ര മോഡറേറ്റര്‍ ആയിരുന്നു. കെ.പി. ദിവ്യ, ഇ.എം. ഷംസീറലി, സി.ടി. സബിത, വിനോദ് കുമാര്‍, റജീഷ് പാലേമാട്, ടി.കെ. ഹൃഷിന്‍, സഫ്‌റീന, എന്‍. കെ സബിത, ശ്രീരാജ് നടുവത്ത് എന്നിവര്‍ സംസാരിച്ചു.