മെൽബണ്‍: ഓസ്ട്രേലിയൻ ഓപ്പണ്‍ ടെന്നീസ് പുരുഷ സിംഗിൾസിൽ വന്പന്മാരായ സ്പെയിനിന്‍റെ റാഫേൽ നദാൽ, ജർമനിയുടെ അലക്സാണ്ടർ സ്വരേവ്, കാനഡയുടെ ഷാപൊവലോവ്, ഫ്രാൻസിന്‍റെ ഗായെൽ മോൻഫിൽസ് തുടങ്ങിയവർ മൂന്നാം റൗണ്ടിൽ.
നദാൽ ജർമനിയുടെ യാനിക് ഹൻഫ്മാനെ 6-2, 6-3, 6-4ന് രണ്ടാം റൗണ്ടിൽ മറികടന്നു. മൂന്നാം സീഡായ സ്വരേവ് ഓസ്ട്രേലിയയുടെ ജോണ് മിൽമാനെയാണ് രണ്ടാം റൗണ്ടിൽ കീഴടക്കിയത്, 6-4, 6-4, 6-0.
പുരുഷ ഡബിൾസിൽ ഇന്ത്യയുടെ രോഹൻ ബൊപ്പണ്ണ - ഫ്രാൻസിന്‍റെ റോജർ വാസെലിൻ കൂട്ടുകെട്ട് ആദ്യറൗണ്ടിൽ പുറത്തായി.
ബാർട്ടി, ഒസാക്ക
വനിതാ സിംഗിൾസിൽ ഒന്നാം സീഡായ ഓസ്ട്രേലിയയുടെ ആഷ് ബാർട്ടി, നിലവിലെ ചാന്പ്യൻ ജപ്പാന്‍റെ നവോമി ഒസാക്ക തുടങ്ങിയവർ മൂന്നാം റൗണ്ടിൽ. ബാർട്ടി 6-1, 6-1ന് ഇറ്റലിയുടെ ലൂസിയ ബ്രോണ്സെറ്റിയെ രണ്ടാം റൗണ്ടിൽ മറികടന്നു.
ഒസാക്ക അമേരിക്കയുടെ മാഡിസണ്‍ ബ്രെൻഗ്ലിനെ നേരിട്ടുള്ള സെറ്റുകൾക്ക് കീഴടക്കി. സ്കോർ: 6-0, 6-4. യുക്രെയ്നിന്‍റെ എലിന സ്വിറ്റോളിന, ബെലാറുസിന്‍റെ വിക്ടോറിയ അസരെങ്ക, ചെക് റിപ്പബ്ലിക്കിന്‍റെ ബർബോറ ക്രെജിക്കോവ, ഗ്രീസിന്‍റെ മരിയ സക്കാരി തുടങ്ങിയവരും മൂന്നാം റൗണ്ടിലേക്ക് മുന്നേറി.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.