Sports News
ജ​ര്‍മ​ന്‍ ചാ​മ്പ്യ​ന്മാ​ര്‍ ഇ​ന്ന്
ജ​ര്‍മ​ന്‍ ചാ​മ്പ്യ​ന്മാ​ര്‍ ഇ​ന്ന്
Friday, May 17, 2019 11:34 PM IST
ബ​ര്‍ലി​ന്‍: ഈ ​ഇം​ഗ്ലീ​ഷ് പ്രീ​മി​യ​ര്‍ ലീ​ഗ് സീ​സ​ണ്‍ പോ​ലെ​ത​ന്നെ ജ​ര്‍മ​ന്‍ ബു​ണ്ട​സ് ലി​ഗ​യി​ലും ചാ​മ്പ്യ​ന്‍മാ​രെ നി​ര്‍ണി​ക്കു​ന്ന​ത് ലീ​ഗി​ന്‍റെ അ​വ​സാ​ന ദി​വ​സ​മാ​യി. തു​ട​ര്‍ച്ച​യാ​യ ആ​റ് ബു​ണ്ട​സ് ലി​ഗ കി​രീ​ട​ങ്ങ​ള്‍ നേ​ടി​യ ബ​യേ​ണ്‍ മ്യൂ​ണി​ക്കി​ന് ഏ​ഴാം കി​രീ​ടം നേ​ടാ​ന്‍ ഒ​രു ജ​യം മാ​ത്രം മ​തി. ജ​യ​ത്തി​നാ​യി ബ​യേ​ണ്‍ സ്വ​ന്തം അ​ല​യ​ന്‍സ് അ​രീ​ന​യി​ല്‍ ‍ ഐ​ന്‍ട്രാ​ക്ട് ഫ്രാ​ങ്ക്ഫ​ര്‍ട്ടി​നെ നേ​രി​ടു​ക​യാ​ണ്. 75 പോ​യി​ന്‍റു​ള്ള ബ​യേ​ണ്‍ ത​ന്നെ​യാ​ണ് ഒ​ന്നാം സ്ഥാ​ന​ത്ത്. ഇ​തേ സ​മ​യം ത​ന്നെ ര​ണ്ടാം സ്ഥാ​ന​ക്കാ​രാ​യ ബൊ​റൂ​സി​യ ഡോ​ര്‍ട്മു​ണ്ട് എ​വേ ഗ്രൗ​ണ്ടി​ല്‍ മോ​ണ്‍ച​ന്‍ഗ്ല​ട്ബാ​ഷി​ല്‍ നാ​ലാം സ്ഥാ​ന​ക്കാ​രാ​യ ബൊ​റൂ​സി​യ മോ​ണ്‍ച​ന്‍ഗ്ല​ട്ബാ​ഷി​നെ നേ​രി​ടും. എല്ലാ മത്സരവും ഇന്ത്യൻ സമയം രാത്രി ഏഴിനാണ്.

ബ​യേ​ണി​നാ​ണ് അ​നാ​യാ​സ മ​ത്സ​രം. 2011-12 സീ​സ​ണു​ശേ​ഷം ലീ​ഗ് കി​രീ​ടം തേ​ടു​ന്ന ഡോ​ര്‍ട്മു​ണ്ട് ഇ​ത്ത​വ​ണ കി​രീ​ടം നേ​ടു​ന്ന​തി​ന് അ​ദ്ഭു​ത​മാ​ണ് പ്ര​തീ​ക്ഷി​ക്കു​ന്ന​ത്. ബ​യേ​ണ്‍ മ്യൂ​ണി​ക്ക് പ​രാ​ജ​യ​പ്പെ​ടു​ക​യും ഡോ​ര്‍മു​ണ്ട് ജ​യി​ക്കു​ക​യും ചെ​യ്താ​ല്‍ ആ​റു സീ​സ​ണു​ശേ​ഷം ഡോ​ര്‍ട്മു​ണ്ട് കി​രീ​ട​ത്തി​ല്‍ മു​ത്ത​മി​ടും. ബ​യേ​ണ്‍-​ഐ​ന്‍ട്രാ​ക്ട് മ​ത്സ​രം സ​മ​നി​ല​യും ബൊ​റു​സി​യ ജ​യി​ക്കു​ക​യും ചെ​യ്താ​ലും ഗോ​ള്‍ശ​രാ​ശ​രി​യി​ല്‍ ബ​യേ​ണ്‍ ചാ​മ്പ്യ​ന്മാ​രാ​കും. ക​ഴി​ഞ്ഞ ആ​റു സീ​സ​ണി​ലും ഇ​ല്ലാ​ത്ത വി​ധം ബ​യേ​ണ്‍ ഇ​ത്ത​വ​ണ അ​വ​സാ​ന ദി​നം വ​ല്ലാ​ത്തൊ​രു സ​മ്മ​ര്‍ദ​ത്തി​ലൂ​ടെ​യാ​ണ് പോ​കു​ന്ന​ത്. ക​ഴി​ഞ്ഞ ആ​റു സീ​സ​ണി​ലും ബ​വേ​റി​യ​ന്‍ ക്ല​ബ്ബി​ന് നേ​ര​ത്തെ​ത​ന്നെ കി​രീ​ട​ത്തി​ല്‍ മു​ത്ത​മി​ടാ​നാ​യി​രു​ന്നു.

ഈ ​സീ​സ​ണി​ന്‍റെ തു​ട​ക്ക​ത്തി​ലേ​റ്റ തോ​ല്‍വി​ക​ളും സ​മ​നി​ല​ക​ളു​മാ​ണ് ബ​യേ​ണി​ന്‍റെ അ​നാ​യാ​സ കു​തി​പ്പി​നു തി​രി​ച്ച​ടി​യാ​യ​ത്. ലീ​ഗി​ന്‍റെ ഒ​രു​ഘ​ട്ടം വ​രെ ബ​യേ​ണ്‍ ര​ണ്ടും മൂ​ന്നും സ്ഥാ​ന​ങ്ങ​ളി​ലാ​യി​രു​ന്നു. ഈ ​ഘ​ട്ട​ത്തി​ല്‍ ബൊ​റൂ​സി​യ ഡോ​ര്‍ട്മു​ണ്ടും മോ​ണ്‍ച​ന്‍ഗ്ല​ഡ്ബാ​ഷു​മാ​യി​രു​ന്നു ഒ​ന്നും ര​ണ്ടും സ്ഥാ​ന​ങ്ങ​ളി​ല്‍. പി​ന്നീ​ട് ഡി​സം​ബ​ര്‍ അ​വ​സാ​ന​വും 2019ന്‍റെ ​തു​ട​ക്ക​ത്തി​ലു​മേ​റ്റ സ​മ​നി​ല​ക​ളും തോ​ല്‍വി​ക​ളു​മാ​ണ് ര​ണ്ടു ക്ല​ബ്ബി​നും തി​രി​ച്ച​ടി​യാ​യ​ത്. ഒ​ന്നാം സ്ഥാ​ന​ത്താ​യി​രു​ന്ന ഡോ​ര്‍ട്മു​ണ്ടി​ന് ഫെ​ബ്രു​വ​രി​യി​ലാ​ണ് തി​രി​ച്ച​ടി​ക​ള്‍ നേ​രി​ട്ട​ത്. മൂ​ന്നു സ​മ​നി​ല വ​ഴ​ങ്ങേ​ണ്ടി​വ​ന്നു. മാ​ര്‍ച്ചി​ലെ ആ​ദ്യ മ​ത്സ​രം തോ​ല്‍വി​യാ​യി​രു​ന്നു. ഈ ​സ​മ​യം ബ​യേ​ണ്‍ മ്യൂ​ണി​ക് തു​ട​ര്‍ ജ​യ​ങ്ങ​ളോ​ടെ ഒ​ന്നാം സ്ഥാ​ന​ത്തെ​ത്തി. ക​ഴി​ഞ്ഞ മ​ത്സ​ര​ത്തി​ല്‍ ലീ​പ്‌​സി​ഗി​നെ ബ​യേ​ണ്‍ തോ​ല്‍പ്പി​ച്ചി​രു​ന്നെ​ങ്കി​ല്‍ കി​രീ​ട നി​ര്‍ണ​യം ഇ​ന്നാ​കി​ല്ലാ​യി​രു​ന്നു. ബ​യേ​ണി​ന് ഈ ​സീ​സ​ണും കി​രീ​ടം നി​ല​നി​ര്‍ത്താ​മാ​യി​രു​ന്നു.


സ്വ​ന്തം അ​ല​യ​ന്‍സ് അ​രീ​ന ഗ്രൗ​ണ്ടി​ല്‍വ​ച്ച് ബ​യേ​ണ്‍ മ്യൂ​ണി​ക്കി​ന് കി​രീ​ടം നേ​ടാ​നാ​യി​ട്ടി​ല്ല. 2005ലാ​ണ് 75000 പേ​രെ ഉ​ള്‍ക്കൊ​ള്ളു​ന്ന ഈ ​സ്റ്റേ​ഡി​യം തു​റ​ന്നു കൊ​ടു​ത്ത​ത്. ഇ​തി​നു​ശേ​ഷം ബ​യേ​ണി​ന് ഒ​മ്പ​ത് പ്രാ​വ​ശ്യം കി​രീ​ടം നേ​ടാ​നാ​യി. ബ​യേ​ണി​ന്‍റെ കി​രീ​ടം ഉ​റ​പ്പാ​ക്കി​യ​തെ​ല്ലാം അ​ല​യ​ന്‍സ് അ​രീ​ന​യു​ടെ പു​റ​ത്തു​വ​ച്ചാ​യി​രു​ന്നു. 2014-15ല്‍ ​മാ​ത്ര​മാ​ണ് ഇ​തി​നൊ​രു മാ​റ്റ​മു​ണ്ടാ​യ​ത്. അ​ന്ന് ര​ണ്ടാം സ്ഥാ​ന​ക്കാ​രാ​യ വൂ​ള്‍ഫ്‌​സ്ബ​ര്‍ഗി​നെ ഗ്ല​ഡ്ബാ​ഷ് എ​വേ ഗ്രൗ​ണ്ടി​ല്‍ പ​രാ​ജ​യ​പ്പെ​ടു​ത്തി. 24 മ​ണി​ക്കൂ​റി​നു​ശേ​ഷം ബ​യേ​ണ്‍ സ്വ​ന്തം ഗ്രൗ​ണ്ടി​ല്‍വ​ച്ച് ഹെ​റാ​ത്ത ബ​ര്‍ലി​നെ തോ​ല്‍പ്പി​ച്ച​പ്പോ​ള്‍ കി​രീ​ടം നേ​ടി.

അവസാനദിനപേടി

1999-2000നു​ശേ​ഷം അ​വ​സാ​ന ദി​വ​സം ബ​യേ​ണ്‍ സ്വ​ന്തം സ്‌​റ്റേ​ഡി​യ​ത്തി​ല്‍ ജ​യി​ച്ച് ചാ​മ്പ്യ​ന്മാ​രാ​യി​ട്ടി​ല്ല. അ​വ​സാ​ന മ​ത്സ​ര​ത്തി​ല്‍ ജ​യ​ത്തോ​ടെ മൂ​ന്നു പോ​യി​ന്‍റ് നേ​ടി ബ​യേ​ര്‍ ലെ​വ​ര്‍കൂ​സ​നൊ​പ്പ​മെ​ത്തി. പി​ന്നെ ഗോ​ള്‍ശ​രാ​ശ​രി​യി​ല്‍ കി​രീ​ടം ബ​വേ​റി​ന്‍ ക്ല​ബ് സ്വ​ന്ത​മാ​ക്കി. ബു​ണ്ട​സ് ലി​ഗ​യു​ടെ അ​വ​സാ​ന ദി​ന​ത്തി​നു തൊ​ട്ടു​മു​മ്പ് വ​രെ പോ​യി​ന്‍റ് നി​ല​യി​ല്‍ ഒ​ന്നാം സ്ഥാ​ന​ത്താ​യി​രു​ന്ന​വ​ര്‍ക്ക് കി​രീ​ടം ന​ഷ്ട​പ്പെ​ട്ട ച​രി​ത്രം അ​ഞ്ച് പ്രാ​വ​ശ്യം ഉ​ണ്ടാ​യി​ട്ടു​ണ്ട്. ബ​യേ​ണ്‍ ര​ണ്ടു ത​വ​ണ ഇ​തി​ന്‍റെ ഗു​ണം അ​നു​വ​ഭി​ച്ചു. 1985-86, 1999-2000 സീ​സ​ണി​ലും പി​ന്നി​ല്‍ നി​ന്ന ബ​യേ​ണ്‍ അ​വ​സാ​ന ദി​വ​സം ജ​യി​ച്ച് ജേ​താ​ക്ക​ളാ​യി. 1971ല്‍ ​ഗ്ല​ട്ബാ​ഷ് ജേ​താ​ക്ക​ളാ​യ​തും ഇ​ങ്ങ​നെ​യാ​യി​രു​ന്നു. അ​തു​കൊ​ണ്ട് ഇ​ത്ത​വ​ണ ഡോ​ര്‍ട്മു​ണ്ടി​ന് സാ​ധ്യ​ത​ക​ളു​ണ്ട്.

അ​വ​സാ​ന ദി​വ​സ​ത്തെ പോ​രാ​ട്ട​ങ്ങ​ളി​ലു​ള്ള ബ​യേ​ണി​ന്‍റെ പ​രി​ശീ​ലക​ന്‍ നി​ക്കോ കോ​വാ​ച്ചി​ന്‍റെ മു​ന്‍ ക്ല​ബ്ബാ​യി​രു​ന്നു ഐ​ന്‍ട്രാ​ക്ട് ഫ്രാ​ങ്ക്ഫ​ര്‍ട്ട്. അ​വി​ടെ​നി​ന്നാ​ണ് മു​ന്‍ ക്രൊ​യേ​ഷ്യ​ന്‍ താ​രം ബ​യേ​ണി​ലെ​ത്തി​യ​ത്. ഡോ​ര്‍ട്മു​ണ്ടി​ന്‍റെ പ​രി​ശീ​ല​ക​ന്‍ ലൂ​സി​യ​ന്‍ ഫാ​വ്‌​റെ​യു​ടെ മു​ന്‍ ക്ല​ബ്ബാ​യി​രു​ന്നു ഗ്ല​ട്ബാ​ഷ്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.