ചെന്പടയോ‌ട്ടം
Thursday, March 14, 2019 11:47 PM IST
മ്യൂ​ണി​ക്: ലി​വ​ര്‍പൂ​ളി​നെ സ്വ​ന്തം തട്ടകമായ അ​ല​യ​ന്‍സ് അ​രീ​ന​യിലെ​ത്തി​ച്ച് തോ​ല്‍പ്പി​ക്കാ​മെ​ന്ന ബ​യേ​ണ്‍ മ്യൂ​ണി​ക്കി​ന്‍റെ മോ​ഹ​ങ്ങ​ള്‍ ത​ക​ര്‍ന്നു​വീ​ണു. സാ​ദി​യോ മാ​നെ​യു​ടെ ഇ​ര​ട്ട ഗോ​ള്‍ മി​ക​വി​ല്‍ ലി​വ​ര്‍പൂ​ള്‍ യു​വേ​ഫ ചാ​മ്പ്യ​ന്‍സ് ലീ​ഗി​ന്‍റെ ര​ണ്ടാം പാ​ദ പ്രീ​ക്വാ​ര്‍ട്ട​റി​ല്‍ ബ​യേ​ണ്‍ മ്യൂ​ണി​ക്കി​നെ 3-1ന് ​തോ​ല്‍പ്പി​ച്ച് ക്വാ​ർ​ട്ട​ർ ഫൈ​ന​ലി​ലെ​ത്തി. ലി​വ​ര്‍പൂ​ളി​ന്‍റെ തട്ടകമായ ആ​ന്‍ഫീ​ല്‍ഡി​ല്‍ ന​ട​ന്ന ആ​ദ്യ പാ​ദം ഗോ​ള്‍ ര​ഹി​ത സ​മ​നി​ല​യാ​യി​രു​ന്നു.

മാ​നെ​യു​ടെ​യും വി​ര്‍ജി​ല്‍ വാ​ന്‍ ഡി​ക്കി​ന്‍റെ​യും ഗോ​ളു​ക​ളി​ല്‍ ബ​യേ​ണി​ന്‍റെ ക്വാ​ര്‍ട്ട​ര്‍ മോ​ഹ​ങ്ങ​ളെ​ല്ലാം ത​ക​ര്‍ന്നു.

26-ാം മി​നി​റ്റി​ല്‍ മാ​നെ വ​ല​കു​ലു​ക്കി. വാ​ന്‍ ഡി​ക്കി​ന്‍റെ ലോം​ഗ് ബോ​ള്‍ മാ​നെ പി​ടി​ച്ചെ​ടു​ക്കു​മ്പോ​ള്‍ ഗോ​ളി മാ​നു​വ​ല്‍ നോ​യ​ര്‍ പോ​സ്റ്റി​ലി​ല്ലാ​യി​രു​ന്നു. മു​ന്നോ​ട്ടു ക​യ​റി​വ​ന്ന നോ​യ​റെ വെ​ട്ടി​ച്ച് മാ​നെ തു​റ​ന്ന പോ​സ്റ്റി​ലേ​ക്ക് നി​റ​യൊ​ഴി​ച്ചു. എ​ന്നാ​ല്‍ 39-ാം മി​നി​റ്റി​ല്‍ ബ​യേ​ണി​ന്‍റെ സെ​ര്‍ജെ ഗ‌്നാ​ബ്രി​യു​ടെ ഷോ​ട്ട് ക്ലി​യ​ര്‍ ചെ​യ്യാ​നു​ള്ള ലി​വ​ര്‍പൂ​ളി​ന്‍റെ ജോ​യ​ല്‍ മാ​റ്റി​പി​ന്‍റെ ശ്ര​മം സ്വ​ന്തം വ​ല​യി​ല്‍ പ​ന്തെ​ത്തി​ച്ചു. ഇ​തോ​ടെ ആ​ദ്യ പ​കു​തി 1-1ന് ​സ​മ​നി​ല​യി​ല്‍ പി​രി​ഞ്ഞു. 69-ാം മി​നി​റ്റി​ല്‍ ജ​യിം​സ് മി​ല്‍ന​റു​ടെ കോ​ര്‍ണ​റി​ല്‍നി​ന്ന് വാ​ന്‍ ഡി​ക്കി​ന്‍റെ ഹെ​ഡ​ര്‍ ലി​വ​ര്‍പൂ​ളി​ന് ലീ​ഡ് ന​ല്കി. 84-ാം മി​നി​റ്റി​ല്‍ മു​ഹ​മ്മ​ദ് സ​ല​യു​ടെ കൃ​ത്യ​മാ​യ ക്രോ​സ് ഹെ​ഡ് ചെ​യ്ത് വ​ല​യി​ലി​ട്ട് മാ​നെ മ​ത്സ​രം ലി​വ​ര്‍പൂ​ളി​ന്‍റേ​താ​ക്കി.


2010-11 സീ​സ​ണു​ശേ​ഷം ആ​ദ്യ​മാ​യാ​ണ് ബ​യേ​ണ്‍ മ്യൂ​ണി​ക് ചാ​മ്പ്യ​ന്‍സ് ലീ​ഗി​ന്‍റെ ക്വാ​ര്‍ട്ട​ര്‍ ഫൈ​ന​ലി​ലെ​ത്താ​തെ പോ​കു​ന്ന​ത്. ക​ഴി​ഞ്ഞ സീ​സ​ണി​ന്‍റെ തു​ട​ക്കം മു​ത​ല്‍ ചാ​മ്പ്യ​ന്‍സ് ലീ​ഗി​ല്‍ ഏ​റ്റ​വും കൂ​ടു​ത​ല്‍ അ​സി​സ്റ്റ് ലി​വ​ര്‍പൂ​ളി​ന്‍റെ ജ​യിം​സ് മി​ല്‍ന​ര്‍ക്ക് (10).

ചാ​മ്പ്യ​ന്‍സ് ലീ​ഗി​ല്‍ 100 മ​ത്സ​രം പൂ​ര്‍ത്തി​യാ​ക്കി​യ ആ​റാ​മ​ത് ഗോ​ള്‍ കീ​പ്പ​റാ​ണ് മാ​നു​വ​ല്‍ നോ​യ​ര്‍. ക​സി​യ​സ്, ജി​യാ​ന്‍ലു​യി​ജി ബ​ഫ​ണ്‍, പീ​റ്റ​ര്‍ ചെ​ക്, വി​ക്ട​ര്‍ വാ​ല്‍ഡെ​സ്, ഒ​ലി​വ​ര്‍ കാ​ന്‍ എ​ന്നി​വ​രാ​ണ് മു​മ്പ് ഈ ​നേ​ട്ടം കൈ​വ​രി​ച്ച​ത്.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.